1 Webena 19:9 - mzwDBL

⁹ Amɔn tena la kpɔ ba te, dɛ ba che Raba waa ɛ ba bwɛjen la doonyoa, asɛ koranar baa bala dɛ ba cha la ɡe che bwɛɛ la dahare.

1 Webena 19:9 Referans Kwoze

Joel 2:5

A ɡbɔɡa do kɛŋɔ torɔɡore sii ken, dɛ ɡah dɛɛ ɡale bwejena, a kena ɛɛ si kɛŋɔ nii aa dɛ fuh kpɔɡ ɛɛ parame la. A do kɛŋɔ laa tena baa kpeɡa kohona, dɛ kpɔ ba te dɛɛ la ka yo laa ken.

Jeremia 50:42

Ba kpoŋe tori ne lampeare, ba nyu bini kpeɡri baa wola nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo nehɛma aa dɛ ta ken. Ba kpɔ ba te dɛɛ ba ba yo Babelɔn tena.

Aesaya 28:6

Dɛ́ berɛ tɛ nɛra baa bol waa dɛɛ pa bole la liire, baa bola kasinteŋ ne, a berɛ che o nɛɛ nɛra baa lɔ bwɛjen la doonyoo, dɛ lɛɛ ba dɛɛ ta laa ta la dɔ bokpeɡa.

2 Webena 14:10

Ate, Kooro Asa le, dɛ ka puu yo, bɛlbwa ne o laa tena cheɡɛ ba chebɔra Sɛfata Fɛlembɔjen bini, o bɛne Maresa.

2 Webena 13:3

Kooro Abija kpɔ laa tena baa jemɛ yoi kaɡboŋa lafraanaarɛ, asɛ Kooro Jɛroboam ɡe kpɔ laa tena baa jemɛ yoi kaɡboŋa lafraanuatoro, ba ka cheme dɔŋa.

1 Koranar 20:24

Ir koranar fifraatoro dɛ banɛ la bwa, dɛ kpɔ laa sitɔɔla chiɡ ba buɡ ta.

1 Koranar 20:1

Siiria Kooro Bɛn Hadad boa o laa tena bwa nyoa, dɛ koranar fifraatoro dɛ banɛ, ne ba jaɡre ne torɔɡore baa vɔwɛ jaɡre pɛla. Ba laŋɔ ka chɔ bar Samaria tena ba ne ba yo.

2 Samoɛl 18:4

Anee kooro chaŋ ba ŋɔ, “Mɛɛ ɛ anɔ la aa too he tea laanee.” Anomanta, kooro kaa che bwɛɛ la doonyoa la jwɛh, asɛ laa tena la ɛ ɡɛ baa bɔne ba bini lafare ne kaɡboŋa la.

2 Samoɛl 10:8

Amɔn tena la kpɔ ba te, dɛ ba che Raba waa ɛ ba bwɛjen la doonyoa, asɛ Siiria tena baa le Soba ne Rehob dɛ laa tena baa le Tob ne Maaka ɡe ka che bwɛɛ la dahare.

1 Samoɛl 17:2

Kooro Sɔɔl ne Israel tena la chemo, dɛ baŋre ba tɛnte deene Ɛla Fɛlembɔjen bini, ásɛ ba ne Filisti tena ka yo.

1 Webena 19:8

Kooro Devid aa no waa nɔ la, o tomɛ Joab ne laa tena la bwa, ŋɔ bá ka yoo ba.

1 Webena 19:10

Joab nao kɛŋɔ laa tena lɔ o sie ne habɔɔ, anomanta, o le Israel laa tena baa jemɛ yoi kɛrɛdɛ, dɛ kpɔ ba ka che Siiria tena la sie ba ne ba yo.