1 Webena 19:6 - mzwDBL

⁶ Amɔn tena aa na Kooro Devid bandia kɛŋɔ o mee le ba we-ɛɛla ta la, Kooro Hanun ne Amɔn tena la kpɔ suuɡapoŋa a tɔɡre aa ɛ kilore kaɡboŋa lafraatoro fifraanaarɛ, dɛ kpɔ nyin kwaa aa do kɛ torɔɡore, ne laa tena baa dɛ so jaɡre ta le Mɛsopoteemea ne Siiria bwɛɛre Maaka ne Soba ba.

1 Webena 19:6 Referans Kwoze

1 Webena 18:9

Hamat Kooro Tou aa baa no kɛŋɔ Kooro Devid yo Soba Kooro Hadadesa, dɛ pɔ o ne o laa tena bwa nɛɛ la,

1 Webena 18:5

Siiria tena baa le Damaskɔs balɔ dɛ ba cha Soba Kooro Hadadesa, asɛ Kooro Devid kpoo ba bini nɛra kaɡboŋa fifraanɛ dɛ banɛ.

2 Samoɛl 10:6

Amɔn tena la aa na Kooro Devid bandia kɛŋɔ o mee le ba we-ɛɛla ta la, ba kaa kpɔ Siiria laa tena kaɡboŋa fifraanɛ baa dɛ valɛ le bwɛjena Bɛt Rehob ne Soba, ne Maaka Kooro ne o laa tena kaɡboŋ, dɛ laa tena kaɡboŋa fi dɛ banɛ baa le Tob harɛ ta ɡe ba ba cha ba.

Mumpar 34:30

Asɛ Jekɔb ŋɔ Simeon ne Lewi be ŋɔ, “He nyin waa dɛ ba dawɛ n nɛ, dɛ ɡel dɔm ba chɔ n ne Keenan ne Pɛrɛs tena baa soɡe harɛ nɔ ta la baah ta. Yaa wola kanɛ nɔ, dɛ ɡɛ nɛra nɔ kaa pɛ nyoa ŋɔ bá ba yoo mɛ naa, amɔ dɛ ya bwaa dena dɛɛ ba hee laɔ.”

1 Tesalonika 4:8

Nomɛlbwa waa wola a ɡɛ waa nɔ ta teŋɛ la, dɛ nɛwɛnyini waa laa o vɛh, dɛ Korowii waa tɛ heyaa o Domadɛɛɡe la waa o vɛh.

Amanesoma Luk Aa Chwera Tɔn 10:16

Yeesu ŋɔ ba be ŋɔ, “Nomɛlbwa waa ka no he be la, n bee o no, asɛ nomɛlbwa waa ka vɛh he waa la, n waa o vɛh. Nomɛlbwa waa vɛh n waa la, naate waa tom mɛ la waa o vɛh.”

Yela 46:9

O won laa nyoa sɔɔhna harɛ nɔ ta bobɛlbwa, dɛɛ kuuɡi tori ne lampeare, dɛɛ fuh kwa baa kpɔa dɛɛ tɔ ɡbemɡbe, dɛɛ yo laa.

Yela 14:3

Nomɛlbwa berɛ habɔɔ kpoo, nɛndɛɛɡe bɛlbwa toole ba bini, bɛlbwa toole dɛɛ ɛ wedɛɛɡa, nɛmbeŋkpoŋ kwaraa toole.

2 Webena 27:5

O kaa yo Amɔn kooro ne o laa tena, dɛ pɔ ba nɛ. O ham ba dɛ ɡel ba kpɔ harɛ la kwaa baa tɛo benanyoa bɛlbwa. Kwaa kɛŋɔ suuɡapoŋa a tɔɡre aa ɛ kilore kaɡboŋa atoro lafraanaarɛ, ne mea baaɡe a tɔɡre aa ɛ kaɡboŋa fifraanɛ, dɛ mea ane ɡe soo siwi baaɡe a ɡe tɔɡre aa ɛ kaɡboŋa fifraanɛ. Ba teŋɔ kpɔ ɡɛ tenten ba tɛo bennɛɛte ne bentooro te ta.

2 Webena 25:6

O berɔ kpɔ suuɡapoŋa a tɔɡre aa ɛ kilore kaɡboŋa atoro lafraanaarɛ, dɛ ka bɔ Israel laa tena kaɡboŋa lafa paa ŋɔ bá ba yo tɛo.

2 Webena 18:9

Dɛ Israel Kooro Ahab ne Juda Kooro Jehosafat do ba koolaala, dɛ so ba kookane ta, pɛla bɛl waa bɛne bwɛjen Samaria doonyoa, asɛ Korowii keamere la bwa che ba sie, dɛɛ bol waa baa naa ba be.

2 Webena 18:5

Anomanta, Kooro Ahab yerɛ Korowii keamere lafraanaarɛ, dɛ kpɔ bil ba sie ŋɔ, “Ń ka yo Ramɔt Gelead tena kɛɛ ń ɡel ɔ?” Ba ŋɔ, “La ka yoo ba, Korowii ɛɛ kpɔ baa do he nɔn taa.”

2 Webena 18:3

Asɛ Israel Kooro Ahab bɔɔ Juda Kooro Jehosafat ŋɔ, “Hɛɛ ja n nɛɛ yá ka yo Ramɔt Gelead tena aa?” Kooro Jehosafat ŋɔ, “N sɛh ɡɛ, n ne he bwa ɛ beŋkpoŋ. N nɛra ɛ he nɛra, yaa ja he nɛɛ dɛ́ ka yo.”

2 Samoɛl 8:3

Belaa Kooro Devid berɛ ka yo Rehob bibaa Soba Kooro Hadadesa, ɡɛ saŋ waa la Yufretis Moo nyoa dɛ ka lɛ bela harɛ ba do o lɔɡa ja la.

1 Samoɛl 27:12

Kooro Akis yarada Devid, asɛ dɛ lii o nyu bini ŋɔ, “O nɛra Israel tena haoh kohona nomanta, wɛɛ so n bee dɛ́ tom mɛ dɛɛ la.”

1 Samoɛl 14:47

Kooro Sɔɔl aa baa di kora dɛɛ nyiŋi Israel tena nɛɛ la, o yo dɔma baa baro cheme la bwa. Moab ne Amɔn tena ne Edom ne Soba koranar, dɛ Filisti tena. Bobɛlbwa waa ka yo la, o dɛ pɔ ba nɛ.

1 Samoɛl 13:4

Anomanta, Israel tena la bwa aa noa kɛŋɔ Sɔɔl kpo Filisti tena laa nomoa bela o ne o laa tena aa soɡa la, Filisti tena hah Israel tena kohona. Israel laa tena la bwa baa cheme, dɛ ka ja Sɔɔl nɛɛ Gelɡal.

Kaala 5:21

Asɛ ba ŋɔ Mosis wa be ŋɔ, “Korowiirii dɛ tɛr he deŋne kɛŋɔ haa ɡela kooro ne o nomonome hah yaa la. A deno do kɛŋɔ haa kpɔ keri do ba nɔɔra ta ŋɔ bá kpoo yaa ken.”

1 Webena 19:5

Kooro Devid aa no ɡɛ waa nɔ la, o tomɛ toroma ba kpɔ kala ka tɛɛ ba, dɛkalkɛ ba ɡelɔ sihiih kpo ba kohona. O ŋɔ toroma la be kɛŋɔ bá ŋɔ ba be ŋɔ, bá so Jeriko ka tel kɛŋɔ ba tampona la aa moɡa mɔɔ ba berɛ ba.