1 Webena 17:11 - mzwDBL

¹¹ Haa ba sewɛ ka pu he naawa la, mɛɛ ɡeloo he ɡbabir bibaala la bini bɛl bá chiɡ he naa ta dɛ́ di kora, ásɛ o kora che kiŋkiŋ saŋ bɛlbwa dɛɛ la.

1 Webena 17:11 Referans Kwoze

Yela 132:11

He baɡɛ Kooro Devid nyoa, haa wola nyoa charɛ, dɛ ŋɔ, “Mɛɛ ɡeloo he naanar bini bɛl ba di he kara.

We-ɛɛla 13:36

Gɛ saŋ Devid aa lole la, o ɛ Korowii tetoowaa kɛrɛdɛ mɔɔ dɛ sewɛ, asɛ ba huɡo o naawa chɔɔbɔr, o bwadabii pɔh.

We-ɛɛla 2:29

Yabala, mɛɛ wonoo bol n naa Devid wa, dɛkalkɛŋɔ ya bwa jemɛ o waa kɛrɛdɛ. O sewɔ, ba huɡo, hale o ŋwam ta lole fini nɔ.

1 Webena 29:28

O biɡro kɛrɛdɛ mɔɔ dɛ ba sewɛ, dɛ o dɔ kondɔɔh ne jirima kɛrɛdɛ, asɛ o bibaa Solomɔn chiɡ o naa ta, dɛ di kora.

1 Webena 29:15

Ya ɛ hɔɔhra he sie kɛŋɔ ya naawa bwa fa aa ɛa la. Ya tɔpera yaa di harɛ nɔ ta do kɛŋɔ lileo, tamaa ken dɛ o kaalɔ la ken. Ya ta hwɛɡa bɛlbwa dɔe.

1 Webena 28:5

Korowii tɛ mɛ bibaala warɛ taeh, o le Solomɔn ba bini ŋɔ ó so Israel kora waa ɛ Korowii kon ta.

1 Koranar 8:20

Ate, Kooro Solomɔn ŋɔ, “Korowii teŋɛ o nyobaɡa ta. N baa chiɡ n mɛɛ Kooro Devid naa ta, dɛ berɛ ɛ Israel kooro. N do Dea Korowii yaa dɛ tomɔ la sɔn ta, ya Israel tena ɛɛ tomɔ o bini.

1 Koranar 2:10

Asɛ Kooro Devid chɔ o banɔn ta ba huɡo Jerusalam Kooro Devid Bwɛjen ta o ka pu o naawa.

1 Koranar 1:21

Dɛ ɡɛ laa aa, he seo habɔɔ la, baa ɛ n ne n bie Solomɔnee kɛŋɔ nɛnchɔɡa ken.”

Mmarare 31:16

Asɛ dɛ ŋɔ Mosis be ŋɔ, “Aa biɡri bɛlbwa ásɛ he chɔ he banɔn ta. A ba ɡɛ naa, nɛra haa tɔ ba sie nɔ ɛɛ chɔɡ fɔo n ne baa fɔwa laanee. Baa le n habɔɔ, dɛ́ ka tomɛ harɛ baa dɛ ba o ta joe nɔ voɡaa.

Mumpar 15:15

Kɛ he te la, he nyumpona ɛɛ too kpelkpel ken mɔɔ he sewɛ bambisɔɔhna ne bá huɡe.

1 Koranar 8:19

kɛ ane a bwa, he laa dɛ́ do Dea la, he ɡbaɡba bilolee dɛ́ do Dea la n sɔn ta.’ ”

1 Webena 17:10

ne ɡɛ maa ɛa dɛ le saŋ maa le sitɔɔla tɛ n nɛra Israel tena la. Mɛɛ berɔ tɛ heyaa bosɔɔhna le he dɔma bwa nɔn ta. Men Korowii, n bol he be ŋɔ he ne he naanaree dɛɛ ba koranar ɛɛ.

1 Webena 17:12

Onee dɛ́ do n Dea tɛ mɛ n sɔn ta, ásɛ n ɡel o kora che kiŋkiŋ saŋ bɛlbwa dɛɛ la.

Jeremia 33:17

Anomanta, kenii Korowii ɛɛ bol, “Kooro Devid naa ɛɛ do le saŋ bɛlbwaa dɛɛ di kora Israel harɛ,

2 Webena 6:9

kɛ ane a bwa, he laa dɛ́ do Dea la, he ɡbaɡba bilolee dɛ́ do Dea la n sɔn ta.’

Yela 89:5

Kwaa aa lɔ nyundua dɛ kpɛɛ he nyokpowe-ɛɛla, nyundua toroma ɡe ɡo yela dɛɛ kpɛɛ he kasinteŋ haa dɔa.