1 Webena 16:29 - mzwDBL

²⁹ Hé kpɛɛ Korowii Waa Do Goroŋ, dɛ́ kpɔ jirima aa chɛ o sɔn la tɛo. Hé kpɔ saraha kwaa ba tɛo o Dea. Hé kpɔ jirima tɛ Korowii Waa Do Goroŋ la.

1 Webena 16:29 Referans Kwoze

Yela 100:4

Hé kpɔ silɛɛ ɡo yela jaamo, dɛ́ jo o Dea bini kpɛɛro. Hé jaamo dɛ́ kpɛɛ o sɔn la.

Aesaya 6:3

Asɛ a bini bɛlbwa ɛɛ ŋɔ o dɔŋ be ŋɔ, “Koranar Bwa Kooro do ɡoroŋ, o do ɡoroŋ kɛrɛdɛ. O jirima su harɛ nɔ bwa ta.”

Yela 96:9

Hé kpɔ jirima tɛ Korowii Waa Do Goroŋ la. Harɛ nɔ ta nɛra bwa, hé ɔmɔ!

Yela 96:6

O kan dɛ dɔ jirima kohona, kpeɡri ne jirima su o Dea.

Yela 95:2

Hé ɡel ya ba o sie ba jaamo, dɛ́ ɡo silɛɛ yela kpɛɛro.

Yela 29:2

Hé baɡle kɛŋɔ o sɔn la dɔ jirima kohona, hé tomɛ Korowii Waa Do Goroŋ, dɛ dɔ jirima kohona la.

Yela 72:15

N Naa Korowii tɛ kooro mkpajaŋ! Gel nɛra le Seeba harɛ ta dɛ́ kpɔ suuɡaswɛm ba tɛo. Gel nɛra sweero andɛɛɡa saŋ bɛlbwa, dɛ́ soŋe dɛɛ tɛo tɔpere bɛlbwa ɡe.

Wepila 7:12

dɛɛ ŋɔ, “Aamen! Korowii chɛ kpɛɛra ne jirima ne jam ne duure. Onee dɔ wejema ne kpeɡri, ne bokpeɡa saŋ bɛlbwa. Aamen!”

Yela 110:3

Awola haa yo he dɔma la, he nɛra ɛɛ sɛoh dɛ́ ba teŋɛ he nɛ. He bonɔɔna ɛɛ leo ba he be kɛŋɔ chɔɔlen mɛn ken, he bwe waa do ɡoroŋ la ta.

2 Webena 20:21

Kooro ne nɛra la bane bol wa, asɛ o le yelɡoola bane ŋɔ bá ɡo yela kpɛɛ Korowii, o ɡoroŋ waa doa dɛ do kan kohona la wa, asɛ ba tɔ laa tena la sie dɛɛ ɡo yela ŋɔ, “Hé kpɛɛ Korowii o nyina waa dɛ nyin yaa lole saŋ bɛlbwa dɛɛ la.”

Ɛsekeɛl 24:25

Korowii ŋɔ, “Nɛwɛnyini bie, mɛɛ chɔɡ n Dea baa dɛ ɛ mbarafo o waa o do wer ba siwi ta, ba sie ɛɛ lɛ o ta laanee. Mɛɛ lawɛ ba bibaala ne ba bihaahna bwa ɡee ja.

Yela 72:10

Taases harɛ koranar, ne nɛra baa soɡe mpo nyoa bojaŋa ɛɛ kpɔ ba harɛre kwaa ba tɛo. Seeba ne Seba koranar ɡee kpɔ koŋkɛɛlaa ba tɛo.

Yela 50:2

Korowii do kɛ kandea dɛɛ chaah dɛ le bwɛjen Saayɔn waa wera kohona ta.

Ɛsekeɛl 7:20

Ba maŋkura ba te ba suuɡaswɛm nɔnloɡa ne baŋa kwaa ne noniseɡa aa wera la, dɛ kpɔ ɛ voɡa maa kia ne kondoŋa. A waa mɛɛ ba ɡela ba kondɔɔh ɛ kondoŋa tɛɛ ba.

1 Samoɛl 6:5

Hé kpɔ suuɡaswɛm konɡuleɡule anue la ne mari anue la aa dɛ chɔɡ he ne he harɛre ta nɛra bwa la, ásɛ dɛ kpɔ duure tɛ Korowii Israel tena aa dɛ tomɔ la. O ken ɛɛ laa deŋnetɛra laanee kpɔ he ne he harɛ dɛ he voɡa bwa nɛ.

1 Webena 16:28

Nɛra haa lɔ harɛ ta bwa, hé kpɛɛ Korowii. Hé kpɛɛro, o jirima ne kpeɡri waa dɔa wa.

1 Webena 16:30

Harɛ nɔ ta nɛra bwa ɛɛ chel o sie! O ta harɛ o che kiŋkiŋ, waa wola yiiɡi.

Yela 29:1

Nyundua toroma, hé kpɛɛ Korowii, hé kpɛɛ o jirima ne kpeɡri waa dɔa wa.

Yela 96:7

Nɛra haa lɔ harɛ ta bwa, hé kpɛɛ Korowii. Hé kpɛɛro, o jirima ne kpeɡri waa dɔa wa.

Aesaya 52:1

Bwɛjen Jerusalam, ir! Ir nyu ne! Kpɔ bokpeɡa tɔ he te kɛŋɔ yal ken. Jerusalam, Korowii bwɛɛ waa do ɡoroŋ, kpɔ he yadɛɛɡe tɔ dɛ dɔ jirima. Nɛra baa wola Korowii tomɛ, dɛ kah doŋa te bɛlbwa, aa won jo he bwɛɛ nɔ ta kpa.