1 Webena 16:11 - mzwDBL

¹¹ Hɛ́ɛ soŋe Korowii dɛ́ na o kpeɡri, dɛ́ɛ tomɔ saŋ bɛlbwa.

1 Webena 16:11 Referans Kwoze

Yela 68:35

Korowii le o Dea dɛɛ ba naa, ɔmee kohona dɛ chole nɛra nɛ. Onee Israel tena ɛɛ tomɛ, wɛɛ tɛɛ ba kpeɡri. Hé kpɛɛro!

Yela 67:1

N Naa Korowii, na ya sum dɛ swee yaa andɛɛɡa, nyiŋi ya nɛɛ dɛ́ na ya sum,

Yela 24:6

Gɛ nɛraa dɛɛ nyin Korowii be bala, Korowii Jekɔb aa tomɔ la be.

Yela 4:6

Nɛra warɔ dɛɛ soŋe ŋɔ, “Umee dɛ́ won ɡel yá dɔ wedɛɛɡa ɔ?” N Naa Korowii, na ya sum.

Emɔs 5:6

Emɔs ŋɔ, “Hé berɛ ba Korowii be dɛ́ dɔ he nyu, ɡɛ laa aa, wɛɛ ba he Israel tena nɛɛ kɛŋɔ nii, dɛ́ ba fuh heya, dɛ́ fuh Bɛtel tena ɡe, nomɛlbwa aa wola won dima.

2 Webena 6:41

N Naa Korowii, ir ba he Dea He Ne Nɛwɛnyina Fɔo Daka waa cheɡa tɛ he kpeɡri la ta, dɛ́ ba so bonɔ saŋ bɛlbwa dɛɛ la. Gel he sɔfore teŋɛ dɛɛ ɛ waa aa toɡra, ásɛ he nɛra ba wa aa toɡra bwa ɡe ɡo silɛɛ yela, he wedɛɛɡa haa ɛɛ ba la wa.

Yela 78:61

O ɡelɔ ya dɔma ba kpɔ Korowii Ne Nɛwɛnyina Fɔo Daka la. Onee cheɡa tɛ o kpeɡri ne o jirima.

1 Webena 16:10

Hé ɡel he sie lɛ o sɔn waa do ɡoroŋ la ta, nɛra haa dɛ tomɔ, hé ɡel he sie lɛ.

Yela 84:6

Ba valɔ kpɔ Baka Fɛlembɔjen bini Korowii ɡel wɛɛ bule o su, kɛŋɔ yoo saŋ bwaala aa nɛa dɛ ɡel o su.