1 Webena 16:1 - mzwDBL

¹ Israel tena la kpɔ Korowii Ne Nɛwɛnyina Fɔo Daka la ba cheɡ tɛnte dea Kooro Devid aa baŋro la bini, asɛ ba kpɔ saraha kwaa baa fuah ne deŋnesɔɔhna sarahare ba Korowii sie bela.

1 Webena 16:1 Referans Kwoze

1 Webena 15:1

Kooro Devid aa do deene o ɡbabir aa so a bini Jerusalam waa ɛ o Bwɛjen ta tonɛ la, o kwaa bobɛl dɛ baŋre tɛnte dea ba kpɔ Korowii Ne Nɛwɛnyina Fɔo Daka la cheɡ o bini.

2 Webena 1:4

Dɛ Kooro Devid kaa kpɔ Korowii Ne Nɛwɛnyina Fɔo Daka la le Kiriat Jearim ba, dɛkalkɛ dɛ o baŋre tɛnte dea Jerusalam ŋɔ bá kpɔ ba cheɡ o bini.

1 Webena 15:12

Dɛ ŋɔ Lewi dea tena la be ŋɔ, “Heyaa ɛ nomonnyuune, dɛ chɔ Lewi deene nyoo, hé ne he bala Lewi dea tena chɛ kɛ he sɔ he doŋa bɛlbwa ta Korowii be pera, ásɛ dɛ won ka kpɔ Korowii ya Israel tena aa dɛ tomɔ, Ne Nɛwɛnyina Fɔo Daka la ba cheɡ bɔr maa kwaara tɛ ŋɔ ó ba che la.

Yela 132:8

N Naa Korowii, ir kpɔ He Ne Nɛwɛnyina Fɔo Daka waa cheɡa tɛ he kpeɡri la ba he Dea, dɛ́ ba so bonɔ saŋ bɛlbwa dɛɛ la.

Lewi Dea Tena 3:9

Deŋnesɔɔhna saraha pebie la haa fuh o pera tɛ mɛ laanee o no, ne o muŋɡo ne noo aa lɔ o ta bwa, dɛ o noyal la bwa,

1 Webena 16:2

Kooro Devid aa kpoo kwaa dɛ fuh ɛ sarahare, ne deŋnesɔɔhna sarahare tonɛ la, o soŋe andɛɛɡa Nemenɛ Korowii be tɛ nɛra la.

1 Koranar 3:15

Ate, Kooro Solomɔn har dom ta dɛ na kɛŋɔ deeraa o dee. Asɛ o ba Jerusalam dɛ la ka che Korowii Ne Nɛwɛnyina Fɔo Daka la sie, dɛ fuh kwaa ɛ saraha ne deŋnesɔɔhna saraha tɛ Korowii. A habɔɔ, o ɛ kondikonjena, dɛ ta nɔn yerɛ o nomonome bwa.

1 Koranar 8:62

Belaa Kooro Solomɔn ne Israel tena baa ja o nɛɛ la bwa ɛ deŋnesɔɔhna sarahare Korowii sie bela.

1 Webena 6:16

Lewi bibaalaa, Gɛsɔn ne Kohat dɛ Merari.

1 Webena 15:3

Anomanta, o yerɛ Israel tena bwa Jerusalam ŋɔ bá ka kpɔ Korowii Ne Nɛwɛnyina Fɔo Daka la ba cheɡ bɔr waa kwaara la bini.