1 Webena 15:19 - mzwDBL

¹⁹ Yelɡoola ɡee, Heman ne Asaf dɛ Etan, banee dɛɛ lɔ kwaa anɛ ane baa kpɔ ayaawa ɛa,

1 Webena 15:19 Referans Kwoze

1 Webena 25:6

Dɛ ba bwa lɔ ba mɛɛ sie dɛɛ lɔ kwaa anɛ ane baa kpɔ ayaawa ɛa dɛɛ hɛlɛ, ne janjela dɛɛ kpɛɛ Korowii o Dea. Asɛ Asaf ne Jedutun ne Heman ɡe do kooro lɔɡa wɛɛ nyiŋi ba nɛ.

Yela 150:5

Hé lɔ ɡboŋri kpɛɛro. Hé kpɔ ayaawa kwaa anɛ dɛ́ɛ lɔ dɔŋa, dɛ́ɛ hɛlɛ kohona.

1 Webena 25:1

Kooro Devid ne o laa nomonome le Asaf bibaala Heman ne Jedutun baa bol Korowii wa, dɛɛ lɔ janjela ne kwaa anɛ ane baa kpɔ ayaawa ɛa dɛɛ hɛlɛ dɛɛ ɡo yela. Nɛra baa jaa dɛɛ ɛ a ɡɛ toma nɔ laanee teŋa nɔ.

1 Webena 16:42

Heman ne Jedutun chɔ bɛle hoeh ne kwaa anɛ ane baa kpɔ ayaawa ɛa dɛɛ hɛlɛ, dɛ anɔ la aa jaa ba kpɔ ɡo yela dɛɛ kpɛɛ Korowii la nyoa. Jedutun bibaala la te, doonyoa belaa ba ɡel ba so dɛɛ daah bela.

1 Webena 16:5

Asaf ɛ ba nyu te, Sekaria teŋɛ, ne Jeyɛl ne Sɛmeramɔt ne Jehiel ne Matitia, ne Eliab ne Bɛnaya ne Ɔbɛd Edom, dɛ Jeyɛl ɡe ja. Banee dɛɛ lɔ janjela ne anɔ la baa kpɔa dɛɛ hɛlɛ bwa. Asaf ɡee dɛɛ lɔ kwaa anɛ ane baa kpɔ ayaawa ɛa dɛɛ hɛlɛ,

1 Webena 15:16

Kooro Devid ŋɔ Lewi dea nomonome la be ŋɔ, bá le ba bini bane, bá ɡo silɛɛ yela dɛɛ lɔ janjelare, ne kwaa anɛ ane baa kpɔ ayaawa ɛa dɛɛ hɛlɛ.

1 Webena 13:8

Dɛ Kooro Devid ne Israel tena la bwa dɛ lɛ ba sie. Ba ɡo yela silɛɛ ne kohona, dɛɛ lɔ janjela ne kalipere, ne kwaa anɛ ane baa kpɔ ayaawa ɛa dɛɛ hɛlɛ, dɛɛ yiiɡi loŋa ɡe Korowii sie.

1 Koranar 4:31

Dɛ o jemɛ waa ɡwaa nomɛlbwa. O ɡwaa Etan waa ɛ Esera te ne Mahɔl bibaala Heman ne Kalkol dɛ Daada. O sɔn leɔ kohona harɛre aa bar ba la bwa ta.

1 Webena 15:18

banɔ la baa cha ba laanee, Sekaria ne Jaasiel ne Sɛmeramɔt ne Jehiel ne Uni, ne Eliab ne Bɛnaya ne Maaseya ne Matitia, ne Elifɛlɛhu ne Mekneya ne Ɔbɛd Edom, dɛ Jeyɛl baa dɛ daah Korowii Dea bela.

1 Webena 15:20

asɛ Sekaria ne Aseɛl ne Sɛmeramɔt ne Jehiel, ne Uni ne Eliab ne Maaseya dɛ Bɛnaya, banee chɛ kɛ baa lɔ janjelare ɡɛ aa chɛa,

2 Webena 7:6

Baa taa kpɔ Dea la dɛɛ do Korowii nɔn ta la, sɔfore kaa che ba chebɔr, Lewi dea tena ka che ba chebɔr, dɛ kpɔ kwaa baa kpɔa dɛɛ hɛlɛ Kooro Devid aa kpɔa tɛ la, dɛ ɡo kpɛɛra yela dɛɛ kpɛɛ Korowii ŋɔ, “O nyina waa dɛ nyin yaa lole saŋ bɛlbwa dɛɛ la.” Gɛ Kooro Devid aa do ba la. Sɔfore la sie chaɡɛ Lewi dea tena dɛɛ hoh bɛle, asɛ nɛra la kabora ɡe che.

2 Webena 20:19

Ate, Lewi dea tena bane baa le Kohat ne Kora deene ta la ir che, dɛ kpɛɛ Korowii Israel tena aa dɛ tomɔ takpeɡ ne.

Yela 81:3

Hé hoh pebal nyeɡle bɛla Korobifale Tɔpejen ta, korobie baa kpeɡ ɡe aa, hé berɛ hoh.