1 Webena 15:15 - mzwDBL

¹⁵ Daa Lewi dea tena kpɔ su Daka la keŋkeŋni, dɛ dawa ba vaama ta cheo, ɡɛ Korowii aa cheɡɛ o nyoa wobol ta do Mosis la.

1 Webena 15:15 Referans Kwoze

Nɛra Kura 4:15

Dɛ he dɛ ba ira kaa bofale, asɛ Arɔn ne o bibaala tɔ laala aa do ɡoroŋ ne kwaa aa do ɡoroŋ baa kpɔa dɛɛ ɛ toma la ta tonaa, mɔɔ Kohat naanar ká kpɔ che kaa. Kɛ ba bɛ a ɡɛ kwaa aa do ɡoroŋ la leɡe, ásɛ dɛ ba sewɛ. Banee dɔ ŋwɛnɛ kɛ bá che n Dea Cheremibɔr laala ne o koŋkwaa bwa.

Nɛra Kura 7:9

Kɛ Mosis ta Kohat dea tena te tɛɛ, dɛkalkɛŋɔ kwaa aa do ɡoroŋ la, anee ba kpɔ do ba nɔn ta, baa dawa vam.

2 Webena 5:9

Daa aa suuɡi o ta la jaŋne nomanta, dɛ nɛn cheɡɛ Korowii Dea la bini, Boɡoroŋ Tenten bela aa, o dɛ naa. Haa won che bobɛlbwa ɡe dɛ naa, a ta lɔ bela ba le fini.

1 Koranar 8:8

Daa aa suuɡi o ta la jaŋne nomanta, dɛ nɛn cheɡɛ Korowii Dea la bini Boɡoroŋ Tenten bela aa, o dɛ naa. Haa won che bobɛlbwa ɡe dɛ naa. A ta lɔ bela ba le fini.

Kaala 40:20

O kpɔ bwepɛle anɛ la do Korowii Ne Nɛwɛnyina Fɔo Daka la bini, dɛ kpɔ daa la su kwaa aa do kɛŋɔ nɔnloɡa la baa kpɔ dɛɛ cheo la, dɛ kpɔ o tɔ la tɔ o ta.

2 Samoɛl 6:13

Baala baa cheɡɛ Daka la aa ta naɡale anumɛl la, Kooro ɡelɔ ba che asɛ o kpo nabal dɛ nao bie waa do noo kohona, dɛ ɛ saraha tɛ Korowii.

1 Webena 13:10

Korowii baah di Ussa nɛɛ dɛ kpoo buɡ la ta, dɛkalkɛ o kpɔ nɔn lawɛ Daka la. Anomanta, Korowii sie belaa o sewɛ.

Mmarare 10:8

Gɛ saŋee Korowii le Lewi dea tena ŋɔ baa nyiŋi O Ne Nɛwɛnyina Fɔo Daka la ta, dɛ́ berɛ ɛ sɔfore dɛ́ che o sɔn ta dɛɛ swee andɛɛɡa dɛɛ tɛ nɛra. A ta chɔ ɡɛ ba le fini.

2 Samoɛl 6:12

Kooro Devid baa no kɛŋɔ Korowii swee Ɔbɛd Edom ne o dem tena, dɛ komɛlbwa waa dɔa andɛɛɡa Korowii Ne Nɛwɛnyina Fɔo Daka la wa. Anomanta, o ne Israel tena bane la Ɔbɛd Edom dem silɛɛ ne, dɛ ka kpɔ Daka la ba Jerusalam waa ɛ Devid Bwɛjen la ta.