1 Webena 15:12 - mzwDBL

¹² Dɛ ŋɔ Lewi dea tena la be ŋɔ, “Heyaa ɛ nomonnyuune, dɛ chɔ Lewi deene nyoo, hé ne he bala Lewi dea tena chɛ kɛ he sɔ he doŋa bɛlbwa ta Korowii be pera, ásɛ dɛ won ka kpɔ Korowii ya Israel tena aa dɛ tomɔ, Ne Nɛwɛnyina Fɔo Daka la ba cheɡ bɔr maa kwaara tɛ ŋɔ ó ba che la.

1 Webena 15:12 Referans Kwoze

2 Webena 35:6

Hé kpoo Galekaa Tɔpejen pebiiri la, dɛ́ sɔ he doŋa ta, dɛ́ do ɡoroŋ Korowii be pera, ásɛ dɛ kwaa saraha kwaa la tɛ he bala la, ásɛ ba won dɛɛ teŋɛ waa Korowii aa cheɡɛ Mosis nɛɛ dɛ bol la ta.”

2 Webena 30:15

Korobinɛɛte tɔpera fi dɛ anaarɛ ta la, ba kpo Galekaa Tɔpejen pebie la. Sɔfore ne Lewi dea tena laa doŋa bɛlbwa kpɔ ba nɛɛ dɛ do ɡoroŋ, dɛ kpɔ saraha kwaa baa fuah la ba Korowii Dea.

1 Webena 15:14

Anomanta, sɔfore la ne Lewi dea tena la sɔ ba doŋa bɛlbwa ta Korowii be pera, dɛ ka kpɔ Korowii Israel tena aa dɛ tomɔ, Ne Nɛwɛnyina Fɔo Daka la ba.

Amanesoma Jɔn Aa Chwera Tɔn 17:17

Che he kasinteŋ waa la ta, dɛ́ laa doŋa bɛlbwa kpɔ ba nɛɛ bá won ɛ he ɡbo nɛra. He waa ɛ kasinteŋ.

Ɛsekeɛl 48:11

Wɛɛ ɛ sɔfore la konee, Sadɔk naanar baa tom mɛ kasinteŋ ne, ba ta n ŋwɛnɛ ta leɛ, kɛŋɔ Lewi dea tena la bane aa ɛa ɡɛ saŋ Israel tena aa berɛ habɔɔ kpo mɛ la.

2 Webena 5:11

Ate, sɔfore la le Boɡoroŋ bela. Sɔfore baa lɔ bela la sɔ ba doŋa bɛlbwa ta Korowii be pera, peɡra toole o dɔŋ ne o dɔŋ baah.

1 Webena 24:31

Ba ɡe bil daa kɛŋɔ ba dɔɔranar Arɔn naanar aa ɛa la, Kooro Devid ne Sadɔk ne Ahemɛlɛk dɛ sɔfore nomonnyuune ne Lewi dea nomonnyuune la bwa sie. Ba nyiŋi dea bɛlbwa binomoa, dɛ nyiŋi bechale bwa kɛrɛdɛ, bɛl ta bɛl ɡwaalɛ.

1 Webena 15:3

Anomanta, o yerɛ Israel tena bwa Jerusalam ŋɔ bá ka kpɔ Korowii Ne Nɛwɛnyina Fɔo Daka la ba cheɡ bɔr waa kwaara la bini.

1 Webena 15:1

Kooro Devid aa do deene o ɡbabir aa so a bini Jerusalam waa ɛ o Bwɛjen ta tonɛ la, o kwaa bobɛl dɛ baŋre tɛnte dea ba kpɔ Korowii Ne Nɛwɛnyina Fɔo Daka la cheɡ o bini.

1 Webena 9:34

Gɛ nɛra nɔ bwa ɛ Lewi dea tena nomonnyuune ne koranar ba kur ba teŋɛ dɔŋa nɛ, dɛ ba bwa soɡe Jerusalam.

Nehemia 13:22

Asɛ n ŋɔ Lewi dea tena la be ŋɔ, bá sɔ ba doŋa bwa ta Korowii be pera, dɛ́ kaa daah doonyoa la, ɡɛ aa ɛ ásɛ ba di Ona Tɔpere la, o do ɡoroŋ. N Naa Korowii, lii n waa anɔ ɡe ta ja, dɛ́ sune n nɛɛ ɡɛ he nyina kohona aa doa la.

1 Webena 16:1

Israel tena la kpɔ Korowii Ne Nɛwɛnyina Fɔo Daka la ba cheɡ tɛnte dea Kooro Devid aa baŋro la bini, asɛ ba kpɔ saraha kwaa baa fuah ne deŋnesɔɔhna sarahare ba Korowii sie bela.

2 Webena 1:2

Kooro Solomɔn bol waa baɡle Israel tena la bwa, laa sitɔɔla baa chɔ laa tena kaɡboŋa ne lafare nyoo, ne sitɔɔla baa dɛ nyiŋi harɛ la ta, ne nomonnyuune dɛ nɛra la kabora bwa,

2 Webena 1:4

Dɛ Kooro Devid kaa kpɔ Korowii Ne Nɛwɛnyina Fɔo Daka la le Kiriat Jearim ba, dɛkalkɛ dɛ o baŋre tɛnte dea Jerusalam ŋɔ bá kpɔ ba cheɡ o bini.

2 Webena 5:2

Ate, Kooro Solomɔn yerɛ Israel nomonome, ne nomonome baa chɔ ba deene nyoo, ne nomonome baa chɔ ba lolanar nyoo bwa ba cheme o sie Jerusalam, kɛŋɔ bá la ka kpɔ Korowii Ne Nɛwɛnyina Fɔo Daka la le Saayɔn, Kooro Devid Bwɛjen ta, ba cheɡ Korowii Dea.

Aesaya 52:11

Hé le Babelɔn harɛ! Hé pere he te le ba nɛɛ kwara! He bɛ komɛlbwa waa kah doŋa leɡe! He nɛra haa cheɡɛ Korowii Dea laala la, hé le ba bini, dɛ́ do ɡoroŋ.