1 Webena 13:12 - mzwDBL

¹² Kooro Devid ɔmɛ Korowii awola tɔpere dɛ ŋɔ, “Dɛ n kpɔ Korowii Ne Nɛwɛnyina Fɔo Daka nɔ ba n be bonɔ naa, ɛrɛɛ mɛɛ ba wona nyiŋi o ta nɔ?”

1 Webena 13:12 Referans Kwoze

Yela 119:120

He ɔma ɡelɔ n bwara ɛɛ chel, n dɛ ɔmɛ he Mmarare la.

1 Koranar 8:27

N Naa Korowii, a ɛ kpela kɛŋɔ hɛɛ won ba so harɛ nɔ ta naa? Hale nyundua ɡba aa kanɛ tɛɛ kɛŋɔ he so. Maa lii kɛŋɔ hɛɛ won ba so Dea waa do jeɡa maa doa tɛɛ nɔ ta.

1 Samoɛl 6:20

Anee Bɛt Sɛmɛs baala ŋɔ, “Umee dɛ́ won che Korowii o wa aa do ɡoroŋ nɔ sie nɔ? Leperaa ya kaa Daka nɔ ne ó le ya nɛɔ?”

Matiu 25:24

Asɛ bonɔɔ waa dɔ bɔrbeŋkpoŋ la ɡe ba, dɛ ba ŋɔ, ‘N Dɔɔ, n jemɔ kɛ he waa kpeɡri. Bela haa wola mea due laanee hɛɛ koma, asɛ bela haa wola kwaa ane komɛ laanee hɛɛ nyin a cheɡbɔr.

Aesaya 6:5

Anee n ŋɔ, “Akwe! N na wa. Wechɔɡa ɡboo n nyoa wobol bwa, asɛ n so nɛra wechɔɡa aa lɔ ba nyoo baah ta, dɛ berɛ na Koojen, Nemenɛ Korowii nɔ.”

1 Webena 13:11

Belaa Kooro Devid ɡe baah di, ɡɛ Korowii baah aa di Ussa nɛɛ dɛ tɛr o deŋne la wa. Anomanta, dɛ ba le fini, ba dɛ yerɛ bela Pɛrɛs Ussa.

1 Webena 13:13

Dɛ waa berɛ dɛɛ nyin o ba Daka la ne o be Jerusalam kpa. O ɡelɔ ba kpɔ ba cheɡ Ɔbɛd Edom dem, o le bwɛjen Gat.

1 Webena 21:30

Kɛ Kooro Devid ta wone la o ta ka soŋe Korowii, dɛkalkɛ dɛ o dɛ ɔmɛ kere Korowii nyundua torome la aa pama la.