1 Webena 12:8 - mzwDBL

⁸ Baala bane le Gad dea dɛ ba ja Kooro Devid laa tena la nɛɛ dekpeɡ la ta pua hɛŋle ɡbo harɛ ta bobɛl. Ba ɛ banyoola baa kpoŋe kwaa baa kpɔa tɔ ɡbemɡbe dɛɛ yo laa ne lampeare. Ba siebɔra do ɔma kɛŋɔ nyujentena ken, dɛ do ɡbaŋre kɛŋɔ kweɡli aa lɔ bwejena dor.

1 Webena 12:8 Referans Kwoze

2 Samoɛl 2:18

Dɛ Seruya bibaala batoro lɔ bela. Banee Joab ne Abisae dɛ Asahɛl. Dɛ Asahɛl won chwae kɛŋɔ kweɡla ken.

2 Samoɛl 23:20

Dɛ Jehoiada bibaa Bɛnaya ɛ nɛn waa won yoi kɛrɛdɛ, dɛ le bwɛjen Kabseel ta, o ɡe ɛ wejena kɛrɛdɛ. Onee wona ka kpo Moab baala banɛ baa won yoi kɛrɛdɛ la. O berɔ jo bɔɔ bini awola bɛl, dɛ dombwea leero dɛ ka kpo nyujente.

2 Samoɛl 17:10

Hale banyoola baa do ɔma kɛŋɔ nyujente ɡba la dɛ ɔmɔ, dɛkalkɛ nomɛlbwa waa lɔ Israel harɛ ta jemɔ kɛ he mɛɛ ɛ banyoo tenten, o laa tena ɡe do kpeɡri.

Jeremia 46:9

Jaɡre ne kwaa aa do kɛ torɔɡore ba vɔwɛ dɛɛ pɛla, hé le dɛ́ ka yo. Nɛra haa soɡe jaɡre ta, hé kpɔ sibeɡra le. Banyoola, hé le dɛɛ kaa, Itiopia ne Lebya harɛre baala, hé kpɔ kwaa baa kpɔa dɛɛ tɔ ɡbemɡbe dɛɛ yo laa kpoŋe, ásɛ Lidia baala harɛ ba tori.

Yelsom 8:14

N sɛnodɛɛɡe, ɛ warane ba n be, chwa ba warane kɛŋɔ kweɡla kɛɛ kweɡlibale waa le bwejena konsɔɔhsoma aa lɔ o ta doa.

Sɛɡla 28:1

Nɛnchɔɡe dɛ chwa dɛ nomɛl aa on doŋi, kɛ nɛn o wa aa toɡra baah suu kɛŋɔ nyujente ken.

Sɛɡla 6:5

Ɛ warane kɛŋɔ welo aa na kpaah, dɛ laa o te kpɔ, kɛɛ jumbie aa na nɛn waa dɛ harɔ bel la.

2 Webena 25:5

Kooro Amasea boa baala bwa baa lɔ Juda ne Bɛnjamen deene, dɛ le ba nomonnyuune ba chɔ laa tena kaɡboŋa ne lafare nyoo ba deene ta. Baala baa di bene fifraanɛ kɛɛ dɛ ɡwaa lɔ nɛra kaɡboŋa lafraatoro. Banee ba le ba kpɔ ba te dɛ jemɛ lampeare ne kwaa baa kpɔa dɛɛ tɔ ba te ɡbemɡbe laa ta ne yoi kɛrɛdɛ.

1 Webena 12:16

Awola bɛl, laa tena bane le Bɛnjamen ne Juda deene ta ɡe, dɛ la Kooro Devid be bela waa soɡa o dekpeɡ la bini.

1 Webena 11:22

Dɛ Jehoiada bibaa Bɛnaya ɛ nɛn waa won yoi kɛrɛdɛ dɛ le bwɛjen Kabseel ta, o ɡe ɛ wejena kɛrɛdɛ. Onee wona kpo Moab baala banɛ baa won yoi kɛrɛdɛ la. O berɔ jo bɔɔ bini, awola bɛl, dɛ dombwea leero dɛ ka kpo nyujente.

1 Webena 11:16

A ɡɛ saŋ dɛ Kooro Devid soɡe bela baa ma danjwɛkpeɡ baro deŋɡare bɛl doa, asɛ Filisti laa tena ɡe do Bɛtlɛham.

2 Samoɛl 1:23

Kooro Sɔɔl ne Jonatan waa wer ba soɡa bini dɛ dɔ nyokpoa kohona, ba baah ta pere ba seo bini bwa. Ba ɡbaŋre ɡwaa kee bɛlbwa, dɛ do kpeɡri ɡwaa nyujentena.

1 Samoɛl 24:22

Anomanta, Devid ŋwɛɛrɔ baɡle Kooro Sɔɔl. Asɛ Kooro Sɔɔl berɛ kaa dem, kɛ Devid ne o laa tena la berɔ kaa bela ba fa aa kaa sɔh la.

1 Samoɛl 23:29

Asɛ Devid le bela dɛ kaa Ɛn Gedi harɛ ta, bela waa chwaa ka sɔh la.

1 Samoɛl 23:14

Devid kaa sɔh Sif pua hɛŋle ɡbo harɛ ne o deŋɡarere ta. Tɔpere bɛlbwaa Kooro Sɔɔl ɛɛ ɡaaɡe o bɔr, kɛ Korowii ta ɡelɛ o dɔ Devid lawɛ.

1 Webena 12:7

ne Joela ne Sebadia baa ɛ Jɛroham waa le Gedɔr bibaala.

1 Webena 12:9

Ba sitɔɔ sɔne Esa, Obadia teŋɛ nɛɛ, Eliab teŋɛ tooro,