1 Webena 12:18 - mzwDBL

¹⁸ Korowii Doma baa so Amasae waa baa ɛ banyoola fifraatoro sitɔɔ la nɛ, asɛ o ŋɔ, “N naa Kooro Devid, henee dɔ yaa! He ne nɛra baa dɛ chae bwa dɔ hɛɛra. Korowii ɛɛ ja he nɛɛ.” Anomanta, Kooro Devid lɛɛ ba dɛ ɡel ba ɛ o laa sitɔɔla.

1 Webena 12:18 Referans Kwoze

Sitɔɔla 6:34

Korowii Doma baa so Gedeɔn nɛ, asɛ o hoh bɛla dɛɛ yerɛ Abeɛsa tena bá ba teŋɛ o nɛ.

Sitɔɔla 3:10

Korowii Doma baa so o nɛ o ɛ ba sitɔɔ dɛ tɔ ba sie dɛɛ la laa. Korowii tɛo kpeɡri o won ka yo dɛ pɔ Mɛsopoteemea Kooro Kusan Risataim nɛ.

2 Samoɛl 17:25

Dɛ Absalɔm le Amasa o chiɡ Joab naa ta dɛ chɔ laa tena la nyoa. Amasa mɛɛ sɔne Jɛta, o le Israel harɛ ta. O nya sɔne Abiɡel. Abiɡel ɡe nya sɔne Nahas asɛ o nahaah ɛ Joab nya baa dɛ yerɔ Seruya la.

Rut Tɔn 1:16

Asɛ Rut chaŋo ŋɔ, “Bɛ n be ŋɔ n ɡele. Bobɛlbwa haa kaa ne bela haa so la, n ɡee so belaa. Mɛɛ kpɔ he nɛraa ɛ n nɛra, ásɛ Korowii haa dɛ tomɔ la, ń ɡee tomɔ.

Galaasia 6:16

Nɛra baa dɛ teŋɛ ɡɛ waa maa dɛ baɡle nɔ ta ba soɡa bini la, Kórowii na ba sum dɛ́ tɛɛ ba bambisɔɔhna. Banee o nɛra Israel tena la.

Matiu 12:30

Nomɛlbwa waa wola n nɛɛ jae la aa n waa nyin. Nomɛlbwa waa wola men chae dɛɛ boa n nɛra nyoa dɛɛ pɛ la lɔ ba dɛɛ peɡre.

Aesaya 59:17

O kpɔ waa aa toɡra ɛ laa batakaare, dɛ kpɔ lɛɛ waa lɛ heyaa la ɛ buni ɡbɛrɛ pi. Dɛ ta tea kohona kpɔ deŋnetɛra waa kpɔa dɛɛ ba ba bɔ nɛra kem la berɛ yal, dɛ kpɔ tɔ.

1 Webena 2:17

Abiɡel lolɛ Amasa, o mɛɛ baa bɛl baa dɛ yerɔ Jɛta, o ɛ Ismael naa.

2 Koranar 10:5

Koodem bela nomoa, ne onɔ la waa dɛ nyiŋi bwɛjen la ta, ne nomonnyuune ne nɛra baa dɛ nyiŋi Kooro Ahab bii nɛɛ tomɔ ba ka ŋɔ Kooro Jehu be ŋɔ, “He bonɔɔnaa yan, wobɛlbwa haa bol ya be la, yaa ɛo. Yaa kooro bɛlbwa cheɡa ba, ɛ ɡɛ bwa aa maɡra tɛɛ.”

2 Koranar 9:32

Asɛ Kooro Jehu ha sie dɛ nao tokoro ta dɛ ŋɔ, “Umee ja n nɛɔ?” Asɛ nomonome banɛ kɛɛ batoro baa lɔ koodem bela ba fɔɡɛ ba lure baa daah kooro haahna ba sie ne harɛ dɛɛ nyiŋu.

1 Koranar 9:22

Kɛ Israel tena la te, Kooro Solomɔn ta bɛlbwa kpɔe ɛ yom. Bane ɛ laa tena dɛ yo dɛɛ tɛo, ne nomonnyuune ne laa sitɔɔla ne nomonome baa chɔ kwaa aa do kɛ torɔɡo ba vɔwɛ dɛɛ pɛl jaɡre, dɛ banɔ la baa dɛ so jaɡre ta bwa nyoa.

Sekaria 8:23

A ɡɛ saŋ la, baala fi ɛɛ le harɛre wobol bɛlbwa binii, dɛ́ ba lawɛ Juu te beŋkpoŋ batakaare nyoa dɛ́ ŋɔ, ‘Gel ya ne he kaa, ya noɔ kɛ Korowii ja he nɛ.’ ”

2 Samoɛl 19:13

Kooro berɔ ŋɔ ba bɔɔ Amasa ŋɔ, “N lole laa hen ya bwa ɛ nɛmbeŋkpoŋ aa? Le fini dɛɛ kaa dɛ he laa dɛ́ ɛ nomoa dɛ́ chiɡ Joab naa ta, dɛ́ chɔ n laa tena nyoa aa, amɔ te Kórowii tɛr n deŋne kohona.”

2 Samoɛl 15:21

Anee Itai chaŋe kooro ŋɔ, “N ŋwɛɛ Korowii waa lole saŋ bɛlbwa ne n dɔɔ kooro o ta aa soɡe le kɛŋɔ, bobɛlbwa n dɔɔ kooro aa kaa, dɛ sewee kɛɛ mkpaa yoo, belaa men maa ɛ o bonɔɔ ɡe ɛɛ ba doe.”

2 Samoɛl 5:2

Kooro Sɔɔl fa aa ɛ ya kooro la, dɛ henee tɔ ya Israel tena sie dɛɛ la ya ne laa. Asɛ Korowii ŋɔ he be ŋɔ, ‘Henee dɛ́ nyiŋi n nɛra Israel tena nɛɛ kɛŋɔ peteɡre ken, dɛ́ ɛ ba kooro.’ ”

1 Samoɛl 22:7

Asɛ Kooro Sɔɔl ŋɔ ba be ŋɔ, “N bala haa le Bɛnjamen dea, hé no! Jese bibaa nɔ ɛɛ won tɛ he bwa harɛre ne daa kooni aa? Wɛɛ won cheɡ heyaa nomonome he chɔ laa tena kaɡboŋa kɛɛ lafare nyoa aa?

1 Samoɛl 8:12

Wɛɛ ɡeloo ba bini bane ɛ laa nomonome dɛ́ chɔ laa tena kaɡboŋa nyoa, bane ɡe chɔ laa tena fifraanue nyoa, ásɛ bane ɡe ɛɛ parɛ o koo dɛɛ komɛ o koo kondikwa. Wɛɛ ɡeloo bane ɡe ɛɛ kwaa dɔmkwa baa kpɔ dɛɛ la laa, ne bune baa kpɔ dɛɛ kwaa laa torɔɡore la.

Sitɔɔla 13:25

Korowii Doma ɡe baa so o nɛ, dɛ pa mun kpɔɔ dɛɛ ɛ toma ɡɛ saŋ waa lɔ bwɛɛ Mahane Dan, o lɔ Sora ne Ɛstaol baah ta.

1 Samoɛl 16:4

Samoɛl ɛ ɡɛ Korowii aa baɡlo la bwa. Waa tel bwɛjen Bɛtlɛham la, bwɛɛ la nomonome ɔmɔ, dɛ kpɔ bochechela ka chemo dɛɛ bɔɔro ŋɔ, “Deŋnesɔɔhna nee he ba tenaa?”

1 Webena 11:11

Banyoo waa ɛ banyoola batoro la bwa nomoa laanee Hakmɔn te Jasobeam. Onee kpɔ o lampea yo baala lafraatoro, dɛ kpoo ba laa bɛl ta la.

1 Webena 12:17

Asɛ Kooro Devid ir ka chem ba dɛ ŋɔ, “Dɛ deŋnesɔɔhna nee hɛɛ ba n be dɛ́ ba cha mɛ naa, n sɛoh kɛŋɔ ya nyoa pɛ. Kɛ dɛ he balɔ, dɛ́ ba lee mɛ tɛ n dɔma maa wola wechɔɡe bɛlbwa lii nɔ tenaa, Korowii ya naawa aa tomɔ laanee dɛ́ tɛr he deŋne.”

1 Samoɛl 16:5

Anee Samoɛl chaŋe ŋɔ, “Ɔɔh, deŋnesɔɔhna taa. N balɔ dɛ́ ba kpo kon ɛ saraha tɛ Korowii. Hé sɔ he doŋa bwa ta Korowii be pera, dɛ́ ba ja n nɛɛ saraha la mun.” Ate, o sɔ Jese ne o bibaala doŋa bwa ta dɛ ta nɔn yer ba saraha la mun.

1 Samoɛl 24:12

Korowiirii dɛ́ bol n ne he baah waa dɛ́ pa bole. Onee dɛ́ bɔe kem waa haa liira n nɛɛ la wa, kɛ n te maa hen waanee ɛ bwa.

1 Samoɛl 24:13

Saŋ la tena bolɔ ŋɔ, ‘Wechɔɡ-ɛɛra bee dichɔɡa le,’ anomanta, maa n nɔnee kpɔ leɡe.

1 Samoɛl 24:16

Devid aa bol ɡɛ waa nɔ tonɛ la, Kooro Sɔɔl bɔɔro ŋɔ, “He taa nɔ naa, n bie Devid?” Asɛ Kooro Sɔɔl wi kohona.

2 Koranar 10:15

Kooro Jehu aa le bela ɡe dɛɛ kaa la, o cheme Rekab bibaa Jɛhɔnadab. Asɛ Kooro Jehu jaamo dɛ pɛɛro ŋɔ, “N ne he liire bwa beŋkpoŋ, hɛɛ ja n nɛɛ kɛɛ?” Jɛhɔnadab chaŋe ŋɔ, “N sɛh ɡɛ.” Kooro Jehu ŋɔ, “Dɛ ɡɛɛ tenaa ɡwaa mɛ.” Asɛ ba ɡwa dɔŋa, Jehu chao dɛ lawɔ o teeh torɔɡo waa soɡe o bini la.