1 Webena 11:19 - mzwDBL

¹⁹ Asɛ o ŋɔ, “Korowii ɛɛ la ane bojaŋ kɛŋɔ ń nyɔ nee nɔ. Aa ɛo kɛŋɔ maa dɛ nyɔ baala baa ta ba nyu, dɛ won la ka dɔ nee nɔ ba tɛ mɛ nɔ chal.” Anomanta, o vɛh nee la nyɔe. Waa banyoola batoro la aa ɛa laanee la.

1 Webena 11:19 Referans Kwoze

Yela 72:14

Wɛɛ lɛɛ ba le fiiɡa ne nɛnchɔɡa nɔn taa, dɛkalkɛŋɔ ba mkpa dɔe waa hiaoh.

2 Samoɛl 23:17

O ŋɔ, “Korowii ɛɛ la ane bojaŋ kɛŋɔ n nyɔ nee nɔ. Aa ɛo kɛŋɔ maa dɛ nyɔ baala baa ta ba nyu dɛ won la ka dɔ nee nɔ ba tɛ mɛ nɔ chal.” Anomanta, o vɛh nee la nyɔe. Waa banyoola batoro la aa ɛa laanee la.

1 Kɔrent 15:30

Bɔkwa waa ya ɡee jo siswɛm waa ta saŋ bɛlbwa nɔɔ?

Tɔn Pɔɔl Aa Chwerɛ Rom Tena 16:4

Ba fa koh n waa dɛ kpɔ ba nyuune charɛ seo. N ne asɔre tena baa wola Juu tena ɛɛ la bwaa dɛɛ jam ba.

Amanesoma Jɔn Aa Chwera Tɔn 6:55

N bo-olii kondikwaa tenten, asɛ n chal ɡee nee tenten.

Amanesoma Mak Aa Chwera Tɔn 14:24

Asɛ o ŋɔ ba be ŋɔ, “Sen nɔ cheɡɔ tɛ n chal maa dɛ ba nɛra kɛrɛdɛ waa koeh dɛ́ fuɡe ta. Á ɛ fɔo dɛ chɔ Korowii ne nɛwɛnyini baah ta.

Job Tɔn 31:31

dɛ n dem nɛra fe ta bolɛ ŋɔ, ‘Umee wola Job nɔn ta ola dɔe chwe kohona kaɔ?’

1 Koranar 21:3

Anee Nabɔt ŋɔ, “N naa kooro, n naawa kapɛrɛ koo, asɛ n di, Korowii ɛɛ la ane bojaŋ kɛŋɔ ń kpɔ ya kapɛrɛ kon tɛɛ.”

1 Samoɛl 19:5

O sɛh seo dɛ ka pu Goliat yo dɛ kpoo. Korowiirii ɡela o yo tɛ he ne Israel tena bwa, asɛ he bwa sie lɛ. Ɛrɛɛ hɛɛ ba wona kpo nɛndɛɛɡe waa do ken pɛɛpɛɛ ɔ?”

Sitɔɔla 9:17

N mɛɛ Gedeɔn kpɔ o nyu charɛ seo dɛ yo Midian tena dɛ lɛ heyaa le ba nɔn ta, haa ɡɛ waa la liiraa?

Sitɔɔla 5:18

Sebulon ne Naftale dea tena kpɔ ba nyu charɛ seo dɛ do laa ta.

Lewi Dea Tena 17:10

Israel te, kɛɛ hɔɔh bɛlbwa waa soɡe he bini dɛɛ di ol chal la, n sie ɛɛ beɡre naate nɛɛ dɛ́ pero le o nɛra bini.

Mumpar 9:4

Kɛ he bɛ konlale di, dɛkalkɛ o sewɔ ta baŋa. Komɛlbwa mkpa lɔ o chal ta.

1 Webena 11:18

Anomanta, banyoola batoro la kpɔ bansua jo harɛ Filisti laa tena la aa soɡe o ta la ta, dɛ ka dɔ nee le kɔlɔŋ waa chɔa bɛne Bɛtlɛham doonyojen bini la ba tɛ Kooro Devid. Kɛ o vɛh nee la nyɔe, dɛ fuɡe ta harɛ tɛ Korowii.

1 Webena 11:20

Ate, Joab nime Abisae, onee fa chɔ nomonome batoro, ba ɡe aa ɛ banyoola la nyoa. O kpɔ lampea ka yo baala lafraatoro dɛ kpoo ba. Gɛ taa a che o lɛ sɔn kɛŋɔ banyoola batoro la.