1 Webena 10:7 - mzwDBL

⁷ Israel tena baa soɡe Jesreel Fɛlembɔjen bini aa noa kɛŋɔ laa tena la bwa chwao, asɛ Kooro Sɔɔl ne o bibaala bwa ɡe serewe la, ba chwao ɡel ba bwɛɛre, asɛ Filisti tena la ba so a ta.

1 Webena 10:7 Referans Kwoze

1 Samoɛl 31:7

Israel tena baa lɔ Jesreel Fɛlembɔjen la baŋ bɛl, ne Jɔɔdan Moo wee leebɔr aa noa kɛŋɔ Israel laa tena la chwao, asɛ ba kpo Kooro Sɔɔl ne o bibaala ɡe la, ba chwao ɡel ba bwɛɛre. Asɛ Filisti tena la ba kpɔ dɛ so a ta.

1 Samoɛl 13:6

Israel laa tena la aa naa kɛŋɔ a kpeɡri tɛɛ ba name la, ba chwao ka sɔh bwebɔɔne ne sɔɔhne bini, ne bwea ne bɔɔne dɛ kɔlɔŋa bini dɛ́ lɛ ba nyuune.

Sitɔɔla 6:2

Midian tena nyu bini aa baa do kpeɡri Israel tena nɛɛ kohona la, ba chwao kaa bwejena bɔɔne bini ne bela baa wola ban na, dɛ kpɔ bela berɛ deene dɛ so a bini.

Mmarare 28:43

Hɔɔhra baa so he bini la ɛɛ nao dɛɛ dɛɡ, dɛɛ di kpeɡri he nɛ, ásɛ he te na dɛɛ kaa mun ta.

Mmarare 28:33

Kwaa haa koh dɛ́ para la, harɛ bɛl tenaa dɛɛ ba dɛ́ ba kpɔa kaa ka di, ásɛ a ka he ne tɔpere bɛlbwa wahala ne fiiɡa.

Lewi Dea Tena 26:36

Kɛ he nɛra haa ba ka la te la, mɛɛ ɡeloo ɔmee chole banɛɛ kohona ba dɔma harɛre baa soɡe a ta la ta, ásɛ peu ta ba no papooni kwaraa sii dɛɛ chwa. Hɛɛ kpɔ sibeɡraa dɛɛ chwa kɛŋɔ baa pamɛ kere teŋɛ he nɛɛ la ken, ásɛ he ka choɡli dɛ nɛn aa heyaa doŋi.

Lewi Dea Tena 26:31

Mɛɛ chɔɡ he bwɛjena ne bela haa dɛ tomɛ voɡa la bwaa. Ásɛ he sarahare haa fuah dɛɛ tɛ mɛ la, n sie aa a sɔɔh taa lɛ kpa.

1 Webena 10:6

Gɛɛ a do Kooro Sɔɔl ne o bibaala batoro ne o dem tena bwa serewe, nomɛlbwa ta o luɡe ta leɛ ba di kora kpa.

1 Webena 10:8

Tɔ aa pera la, Filisti tena la laŋɔ dɛ ka pa laa tena baa kpoo ba la laala, asɛ dɛ na Kooro Sɔɔl ne o bibaala batoro la kɛ baa serewa chɔ Gelboa Bwejen ta.