1 Webena 1:4 - mzwDBL

⁴ Bibaala batoroo Nowa lolɛ. Banee Sɛm ne Ham dɛ Jafɛt.

1 Webena 1:4 Referans Kwoze

Mumpar 5:32

Nowa ɡe aa baa kpeɡ dɛ di bene lafraanue la, o lolɛ bibaala batoro, asɛ dɛ pa bɛl sɔn Sɛm, bɛl ɡe Ham, asɛ toorote la ɡe Jafɛt.

Mumpar 9:18

Nowa bibaala baa ja o nɛɛ dɛ le ɡbera la bini laanee Sɛm ne Ham dɛ Jafɛt. Dɛ Ham bibaa sɔne Keenan.

2 Pita 2:5

O ta a saŋ la tena ɡelɛ. O ɡelɔ nee su tɔ nɛra baa wola on ɔmɛ la nɛ. Nɛra waa ɡel ba bwaa Nowa o fa aa dɛ chaɡle nɛra ŋɔ bá ɡel ba waa toɡre Korowii be la, ne nɛra banuanɛ.

Hibru 11:7

Yarada taa a che Korowii aa kah Nowa waa a ta aa lɔ sie dɛɛ ba bala la, o no, dɛ o ta an nae mɔɔ. O noɔ dɛ kwaa daka o ne o haah ne bii jo o bini, ba ta serewɛ. Nowa te aa yaradaa, asɛ nɛwɛnyina baa kaa la aa wola yaradae la, a ɡelɔ nɛwɛnyina bwa di bolchɔɡe, asɛ dɛ ɡel o ɛ nɛra aa cheɡɛ ba yarada ta, asɛ ba waa su Korowii siwi la bɛl.

Amanesoma Luk Aa Chwera Tɔn 17:26

Gɛ aa ɛa Nowa bere saŋ la, ɡɛɛ Men Nɛn Bie la ɡe bala saŋ ɛɛ ba ɛɛ.

Amanesoma Luk Aa Chwera Tɔn 3:36

Seela ɡe mɛɛɛ Keinan, Keinan ɡe mɛɛɛ Aafaksad, Aafaksad ɡe mɛɛɛ Sɛm, asɛ Sɛm la ɡe mɛɛɛ Nowa. Nowa ɡe mɛɛɛ Lamɛk,

Ɛsekeɛl 14:14

Hale dɛ Nowa ne Danɛl dɛ Job ba wa aa toɡra la kwaraa lɔ bela aa, ba wedɛɛɡa la aa won lɛ nomɛlbwa, atane ba ɡbo. Men Nemenɛ Korowiirii bola.

Mumpar 9:29

Waa baa sewɛ la, dɛ o di bene lafraanuanaarɛ fifraanue.

Mumpar 7:1

Korowii ŋɔ Nowa be ŋɔ, “He ne he bii ne he bii haahna bwa ka jo daka la bini. N nao kɛŋɔ harɛ nɔ ta, he ɡboo ɛ nɛn he wa aa toɡra.

Mumpar 9:19

Banɔɔ Nowa bibaala batoro la, asɛ a che ba nɛɛ nɛwɛnyina warɛ harɛ nɔ ta la.

1 Webena 1:3

Jarɛd ɡe ir dɛ lolɛ Enɔk, Enɔk lolɛ Mɛtusala. Asɛ o ɡe lolɛ Lamɛk, Lamɛk ɡe lolɛ Nowa.

1 Webena 1:5

Jafɛt bii waa lol ba laanee teŋa nɔ, Goma ne Maɡɔɡ ne Madai ne Javan ne Tubal ne Mɛsɛk dɛ Tiras. Ba sɔna nɔɔ ba kpɔ pa ba naanar.

Mumpar 10:1

Kenii Nowa bibaala Sɛm ne Ham dɛ Jafɛt waa do. Nee la aa sua dɛ hweeh la, ba bwa loɡle bibaala.