1 Webena 1:32 - mzwDBL

³² Abraham berɔ kpɔ sɛno baa yerɔ Ketura. O ne on lolɛ Simran ne Joksan ne Medan ne Midian ne Esbak dɛ Suwa. Joksan ɡe bibaalaa, Seeba ne Dedan.

1 Webena 1:32 Referans Kwoze

Ɛsekeɛl 27:20

Dedan tena ɡe kpɔ yale baa kpɔa dɛɛ dawɛ jaɡre nɛɛ dɛɛ so a ta, ba charɛ laala he be.

Ɛsekeɛl 25:13

anomanta, men Nemenɛ Korowii ŋɔ, ‘Mɛɛ kpɔ nɔnee dawɛ Edom tena nɛɛ dɛ́ tɛr ba deŋne, ásɛ dɛ kpoo nɛra bwa ne ba kondɛɛra. Mɛɛ ɡeloo harɛ la chɔ pɛɛ le bwɛjen Teman dɛ́ ka le bwɛjen Dedan, ásɛ ba kpoo nɛra laa ta.

Jeremia 49:8

Bwɛjen Dedan tena, hé laa berɛ dɛ́ chwa! Hé ka sɔh bwebɔɔne aa luŋa bini, n dɛ ba Esɔ naanar chɔɡa, dɛkalkɛ tɔpere telo kɛ ń tɛr ba deŋne.

Jeremia 25:23

ne Dedan ne Tema ne Bus, dɛ banɔ la baa lɔ bojaŋ harɛre ta bwa,

Aesaya 60:6

Baa ba nyoɡmare nee kohona, dɛ́ ba perɛ harɛ nɔ bwa. Midian ne Efa harɛre taa aa ba lee. Seeba tena ɛɛ ba suuɡaswɛm ne daawiile nee, dɛɛ kpɛɛ men Korowii.

Aesaya 21:13

Waa aa chiɡ Arab harɛ ta, Korowii bol baɡle Aesaya chaahna ta laanee nɔ. Dedan tena haa lɔ Arab harɛ ta dɛ valɛ dɛɛ ɡaaɡe, pua hɛŋle ɡbo harɛ taa hɛɛ ba he tɛnte deene baŋra dɛɛ chɔ jwaana.

Yela 72:15

N Naa Korowii tɛ kooro mkpajaŋ! Gel nɛra le Seeba harɛ ta dɛ́ kpɔ suuɡaswɛm ba tɛo. Gel nɛra sweero andɛɛɡa saŋ bɛlbwa, dɛ́ soŋe dɛɛ tɛo tɔpere bɛlbwa ɡe.

Yela 72:10

Taases harɛ koranar, ne nɛra baa soɡe mpo nyoa bojaŋa ɛɛ kpɔ ba harɛre kwaa ba tɛo. Seeba ne Seba koranar ɡee kpɔ koŋkɛɛlaa ba tɛo.

Job Tɔn 6:19

Nɛra soɡe nyoɡmare ta le Seeba ne Tema dɛ valɛ dɛɛ ɡaaɡe dɛɛ nyin ne.

1 Koranar 10:1

Seeba kooro waa ɛ haah baa no Kooro Solomɔn sɔn lee waa lea kohona. Anomanta, o la Kooro Solomɔn be Jerusalam, dɛ kpɔ wobobeela a bini aa kpeɡa dɛ́ ba daahno na.

Nɛra Kura 31:2

“Tɛr Midian tena deŋne waa baa kpɔa ɛ Israel tena la wa. Ásɛ mɔɔ dɛ́ chɔ he banɔn ta.”

Nɛra Kura 25:6

Mosis ne Israel tena la bwa aa cheme Korowii Dea Cheremibɔr la doonyoa dɛɛ wi ba te la, ba bwa siwi ta, Israel tena baala la bɛl lawɛ Midian haah ba jo o tɛnte dea, o ne o chɔ.

Mumpar 37:28

Bonadiire la aa tel ba be la, o dɔɔranar la lawɔ le kɔlɔŋ la bini, dɛ yoɡu tɛɛ ba suuɡapoŋa fifraanɛ, asɛ ba kpɔɔ kaa Ijipt harɛ ta.

1 Webena 1:31

ne Jetur ne Nafis dɛ Kedema.

1 Webena 1:33

Midian bibaalaa, Efa ne Efar ne Hanɔk ne Abida dɛ Ɛldaa. Ketura naanaree banɔ bwa.