1 Timoti 6:17 - mzwDBL

¹⁷ Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

1 Timoti 6:17 Referans Kwoze

We-ɛɛla 14:17

Kɛ dɛ o cheɡɛ wedɛɛɡa waa dɛ ɛ la ta, dɛ ɡel he jemɛ kɛ o lole. Dɛ o dɛ tɛ heyaa bwaala ne, dɛ ɡel kondikwaa ɡee ɛ, asɛ he di dɛɛ vaɡɛ he bwara ɛɛ sɔɔh heya.”

Sɛɡla 11:28

Nɛn waa dɛ hwɛɡɛ o kondɔɔh ta la, wɛɛ cholo kɛŋɔ hwel saŋ papoo yon le la, kɛ nɛn o wa aa toɡra te ɛɛ do werii, kɛŋɔ bwaala nee saŋ papoo ken.

1 Timoti 4:10

Koeh yaa dɛ swɛɛ siwi dɛɛ ɛ o toma nɔ bwa, Korowii waa lole saŋ bɛlbwa la nɛɛ ya sie dawɛ. Onee dɛɛ lɛ nɛn te bɛlbwa. Nomɛlbwa waa yaradao dɛ kpɔ o te tɛo la, o dɛ lɛo.

Matiu 19:23

Anee Yeesu ŋɔ o habɔteŋra la be ŋɔ, “Kasinteŋ, n dɛ ŋɔ he be, aa do kpeɡrii tɛ dɔɔh kɛ ó dɔ bɔr ja Korowii Kora la ta.

Sɛɡla 27:24

dɛkalkɛŋɔ suuɡa dɔe aa ɡɛ ka, ɡɛɛ kooɡbɛrɛ aa wola le chɔe dɛɛ tɛ naanar saŋ bɛlbwa.

Taetos 2:12

Anomanta, ɡɛ dɛ baɡle kɛŋɔ a wer kɛ ya laa sie kpɔ wechɔɡa bɛlbwa ne harɛ nɔ ta pɛlchɔɡa la bwa ta, dɛ́ dɔ nfɛrɛ, dɛɛ ɛ waa aa toɡra, dɛɛ ɔmɛ Korowii ya bere nɔ ta,

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Amanesoma Luk Aa Chwera Tɔn 19:2

Dɛ toɔ lɛɛra nomoa bɛl lɔ bwɛɛ la ta dɛ ɛ suuɡate baa yerɔ Sakeos.

Sɛɡla 30:9

Dɛ n dɔ kohona naa, mɛɛ soh he waa, dɛ́ ŋɔ, ‘Korowiirii ume o?’ N berɔ nya kwaraa ɡe aa, ŋwɛɛ mɛɛ ba ŋwɛɛ dɛ́ ɡel he sɔn chɔɡ.

Mmarare 8:17

Anomanta, he bɛ ba lii kɛŋɔ he ɡbaɡba kpeɡri ne he bokpeɡa taa a che he dɔ kwa.

Tɔn Pɔɔl Aa Chwerɛ Rom Tena 11:20

He ŋɔ ɡɛ naa, kpelaa he ŋɔ. Baa wola Yeesu waa la yaradae waa ba teŋ ba ta. He ɡe aa yarada Yeesu waa la, a waa he ta che la. Anomanta, bɛ mbarafo dɛɛ ɛ. Pwɛr he te dɛɛ nyiŋi kɛrɛdɛ.

Hosia 13:6

Maa tɛ heyaa kondikwaa he di la, he vaɡrɔ, haa vaɡra la, he ɛ mbarafo asɛ dɛ soh n wa.

Jeremia 2:31

He fini bii, hé no waa men Korowii aa dɛ bol nɔ. N ta doe kɛŋɔ pua hɛŋle ɡbo harɛ, kɛɛ harɛ biro tenten aa lɔ o ta tɛ heya. Ɛrɛɛ n nɛra ɛɛ bol ŋɔ, ‘Ya dɔ ŋwɛnɛ dɛ́ ɡaaɡe kaa bobɛlbwa, yaa berɛ ba he be kpa.’

Sɛɡla 23:5

Kondɔɔh won hee kelo kɛŋɔ komɛl yon ɡale he sie ta la, a won ɛɛ kɛŋɔ kee kena yon moɡɛ ó ir kaa la.

Yela 104:28

He dɔɔ dɛ tɛa aa, anee á ɡe dɔ di, he nɔn ta kondikwaa a dɔ di dɛɛ vaɡɛ.

Yela 62:10

Hé laa he te kpɔ nɛra ɛɡra dɛ́ dɔ kwa, kɛɛ he sie lɛ ŋwɛɛ kwaa ta. Dɛ he kondɔɔh teŋɔ dɛɛ warɛ kwaraa naa, hé laa he bambile kpɔ a ta.

Yela 52:7

“Hé na, baa waa wola Korowii kpɔe ɛ o Kpeɡnɛn laanee la. O kpɔ o hwɛɡa bwa do o kondɔɔh ta, o nyu bini do kpeɡri kohona o bala chɔɡa ta.”

2 Webena 26:16

Kɛ Kooro Ussia aa ba dɛ di kpeɡri la, mbarafo nomanta o cholo. O waa ta kasinteŋ dɔe tɛ Korowii waa dɛ tomɔ, dɛ ka jo Korowii Dea ŋɔ o ka fuh daawiile a sɔɔh aa soma kon baa dɛ fuah a ta la ta.

Mmarare 33:15

N Naa Korowii, ɡel ba dɔ kwaa baa di le bwea aa lole le saŋ la ba le fini la lɔɡre.

Mumpar 13:2

Dɛ Abram nɔn bini wer, peera te kɛɛ, boohna kɛɛ nae ɔ? Suuɡapoŋa ne suuɡaswɛm bwa, dɛ o dɔa.

2 Timoti 4:10

dɛkalkɛ Demas koh harɛ nɔ ta silɛɛ waa dɛ chwa mɛ. O chwao kaa Tesalonika. Krɛsɛns kaa Galaasia harɛ ta, asɛ Taetos ɡe kaa Dalmatia harɛ ta.

1 Timoti 6:13

Korowii waa tɛ komɛlbwa mkpa la, ne ya Dɔɔ Yeesu Kristo la waa wona dɛ che Pɔnteɔs Paelet sie dɛ bol kasinteŋ la sɔn taa n che dɛɛ jae

1 Timoti 1:3

Waa maa ba dɛ kaa Makidoonia harɛ ta dɛ ŋɔ he be la, a taa n ta do. N ŋɔ hé so Ɛfesos dɛ kah nɛra baa teŋe nyosone dɛɛ tɛ nɛra ŋɔ Korowii Waa baa chaɡle la ŋɔ bá ɡel ɡɛ waa la, dɛ bɛ Korowii waa la sie berɛ.

1 Tesalonika 1:9

Ba ɡbabir dɛ bol he wa, ɡɛ haa kpoŋe yaa dɛ no ya be, dɛ charɛ he liire le voɡa aa wola mkpa dɔe la ta dɛɛ tomɛ Korowii waa lole saŋ bɛlbwa dɛ dɔ mkpa la,

Ɛfesos 5:5

Hé jemɛ kɛrɛdɛ kɛŋɔ nɛra baa dɛ bɔ jwamane, dɛɛ ɛ wedoŋa, ba sie ɛɛ beɡre kwaa ta la aa bɔr dɔe ba Yeesu Kristo ne Korowii Kora la bini. Sie beɡra kwaa ta do kɛŋɔ voɡ toma ken.

We-ɛɛla 17:25

Nɛwɛnyini kondikwaa waa laa o do le, waa nɛwɛnyini komɛlbwa nyin, dɛkalkɛŋɔ on dɛɛ tɛ yaa mkpa ne hweera ne komɛlbwa.

We-ɛɛla 14:27

Baa ba Anteɔk la, ba yerɛ asɔre tena la bwa cheme, dɛ baɡ ba ɡɛ Korowii aa kpɔ ba ɛ toma bwa, ne ɡɛ waa pili ŋwɛnɛ tɛ nɛra baa wola Juu tena ɛɛ la ba ɡe jemɛ Yeesu waa dɛ yaradao la bwa.

Amanesoma Mak Aa Chwera Tɔn 10:24

A ɡɛ waa la Yeesu aa bola la ɡelɔ o habɔteŋra la bwara yɔr. O ŋɔ ba be ŋɔ, “Biiwa, a kpeɡri kɛŋɔ nɛn dɔ bɔr ja Korowii Kora la ta.

Matiu 27:57

Awola jɔmɔra la baa bɛl baa dɛ yerɔ Josef, o le Arimatea dɛ ɛ suuɡate balɔ. Dɛ o ɡba ɛ Yeesu habɔteŋra la bɛl,

Matiu 6:32

Nɛra baa wola Juu tena ɛɛ, baa wola Korowii tomɛ la liiree dɛɛ do a ɡɛ kwaa nɔ ta. Kɛ he Mɛɛ waa lɔ nyundua la jemɔ kɛ he dɛ nyin anɔ bwa.

Daneɛl 4:30

O ŋɔ, “Bwɛjen Babelɔn waa do kan ken nɔ, menee doo o ɛ n koobwɛ, dɛ́ kpɔ baɡle n kpeɡri kohona ne n jirima maa dɔa.”

Ɛsekeɛl 16:56

He fa aa dɔa dɛɛ ɛ mbarafo la, dɛ haa he nime Sodom komɛlbwa yerɛ,

Yela 62:8

Yabala, hé kpɔ he hwɛɡa do Korowii nɛɛ saŋ bɛlbwa, dɛ́ kpɔ he wehiah bwa bil o sie, dɛkalkɛ onee ya chwa kaa marɛ wɛɛ lɛ yaa.

Taetos 3:6

O Domadɛɛɡe waa kpɔa tɛ yaa la, ya Lɛɛ Yeesu Kristo waa o koh tɛ yaa kohona,

1 Timoti 5:21

N cheɡɛ Korowii ne Yeesu Kristo ne nyundua toroma la bwa sie dɛ kpɔ waa nɔ dɛɛ tɛɛ, ásɛ he we-ɛɛla bwa ta la, he bɛ ɡel nɛra bane waa su he siwi dɛ ɡwaa bane, kɛ dɛɛ ɛ ba bwa kɛrɛdɛ.

1 Timoti 3:15

ásɛ dɛ n baa biɡri aa, tɔ́n nɔ baɡle ɡɛ aa chɛ kɛ yá banɔ la Korowii aa kpɔ yaa ɛ o dem tena nɔ so dɛɛ ɛ ya wa. Yanee Korowii waa lole saŋ bɛlbwa la toroma, o kpɔ o kasinteŋ waa la tɛ ŋɔ yá lawɛ a bini kpoŋe kiŋkiŋ, kɛ pila yon lawɛ dea kpoŋe la.

Wejereme 2:24

Waa aa wera tɛ nɛwɛnyini bwaa kɛŋɔ, o di kondikwa dɛ́ nyɔ sen lɛ o sie, ásɛ o bwara sɔɔhno o toma waa ɛa ta. Anɔ ɡe kwaraa la, Korowii bee aa le,

Jeremia 49:4

He nɛra he wa aa wola kasinteŋ dɔe, ɛrɛɛ hɛɛ ɛ mbarafo he fɛlembɔjena aa do wer kohona waɔ? He kpɔ he hwɛɡa do he kondɔɔh ta dɛ ŋɔ, ‘Nomɛlbwa aa won ba yo yaa.’ ”

Matiu 12:32

Nomɛlbwa waa bol waa yaɡɛ Men Nɛn Bie la, wɛɛ wonoo kpɔ kɛo. Kɛ nomɛlbwa waa bol wobochɔɡa yaɡɛ Korowii Domadɛɛɡe la te, fini ne kere, Korowii aa kpɔ kɛo bwa.”

Amanesoma Luk Aa Chwera Tɔn 3:11

Asɛ o chaŋ ba ŋɔ, “Nomɛlbwa waa dɔ batakaani bele anɛ la, ó kpɔ bɛl tɛ nɛn waa wola bɛl dɔe kwaraa, ásɛ nomɛlbwa o ɡe aa dɔ kondikwaa dɛ́ di la ɡe ɛ ɡɛ tenten.”

1 Timoti 6:9

Nɛra ba siwi aa swɛɛ suuɡa ta la dɛ́ chole. Suuɡa sibeɡra dɛ neɡ ba dɛɛ do pɛlchɔɡa ta, dɛ ɡel baa na wa, dɛɛ pɛlɛ konsale ne waa aa dɛ ba waa ne nɛ, dɛ yon ɡel ba chɔɡ kwaraa.

2 Pita 1:11

He dɛ ɛ ken nɔ naa, Korowii ɛɛ tɛ heyaa ŋwɛnɛ kohonaa, ásɛ he ja ya Dɔɔ waa ɛ ya Lɛɛ Yeesu Kristo Kora waa wola jaɡa dɔe la ta.

Matiu 25:16

A ta biɡre bɛlbwa onɔ la waa dɔ bɔre anue la den kpɔ o kwaa ka ɛ toma dɛ berɛ dɔ a dɔŋa ja a ta.