1 Timoti 3:15 - mzwDBL

¹⁵ ásɛ dɛ n baa biɡri aa, tɔ́n nɔ baɡle ɡɛ aa chɛ kɛ yá banɔ la Korowii aa kpɔ yaa ɛ o dem tena nɔ so dɛɛ ɛ ya wa. Yanee Korowii waa lole saŋ bɛlbwa la toroma, o kpɔ o kasinteŋ waa la tɛ ŋɔ yá lawɛ a bini kpoŋe kiŋkiŋ, kɛ pila yon lawɛ dea kpoŋe la.

1 Timoti 3:15 Referans Kwoze

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

1 Tesalonika 1:9

Ba ɡbabir dɛ bol he wa, ɡɛ haa kpoŋe yaa dɛ no ya be, dɛ charɛ he liire le voɡa aa wola mkpa dɔe la ta dɛɛ tomɛ Korowii waa lole saŋ bɛlbwa dɛ dɔ mkpa la,

1 Webena 22:13

He do sie dɛɛ teŋɛ mmarare Korowii aa cheɡɛ Mosis nɛɛ, dɛ kpɔ tɛ Israel tena la ta naa, anee dɛ́ ɡel he wobɛlbwa do wer. Bɛ ɔmɛ, dɛ́ ɡel he sie beɡre waa maa doe nɔ ta kɛrɛdɛ.

1 Koranar 2:4

Dɛ he ɛ ɡɛ naa, Korowii ɛɛ teŋɛ nyoa waa baɡ mɛ kɛŋɔ waa ŋɔa ŋɔ, ‘Dɛ he naanar soɡo kɛrɛdɛ ɡɛ aa wera dɛɛ teŋɛ n nɛɛ ba bambile ne ba liire bwa ne naa, banee dɛɛ ba baa di Israel harɛ ta kora la.’ ”

Galaasia 2:9

Jems ne Pita dɛ Jɔn nomɛlbwa aa dɛ yer ba asɔre tena nomonome la, ba ɡbabir sɛoh kɛŋɔ Korowiirii kpɔ ɡɛ toma nɔ do n nɔn ta, dɛ cha mɛ a ta. Anomanta, ba do nɔɔra n nɔn ta, dɛ baɡle kɛŋɔ nɛmbeŋkpoŋii ya bwa Korowii toma nɔ bini. Ya nyoa pɛo, asɛ ba sɛh kɛŋɔ n ne Banabas ɛɛ bol Yeesu waa dɛɛ baɡle nɛra baa wola Juu tena ɛɛ, ásɛ ba ɡee baɡle Juu tena.

Tɔn Pɔɔl Aa Chwerɛ Rom Tena 3:2

Ya Juu tena na som taeh dɛ ɡwaa nɛra baa kaa la ŋwɛnɛ bɛlbwa ta. Anɔ la aa tɔ sie laanee kɛŋɔ yanee Korowii tɔ sie kpɔ o waa do ya nɔn ŋɔ ya baɡle nɛra.

Matiu 16:16

Seemɔn Pita chaŋo ŋɔ, “Henee Kristo la, Korowii waa lole saŋ bɛlbwa la Bie la.”

1 Samoɛl 17:26

Anee Devid bɔɔ nɛra baa cheɡɛ o jwɛɛh la ŋɔ, “Dɛ nomɛl wono kpo Filisti baa nɔ dɛ le Israel tena sihiih nɔ ta naa, bɔkwaa wɛɛ ba dɔe yɔ? Umee Filisti te nɔ waa wola Korowii tomɛ, dɛ ɡe won dɛɛ muɡli Korowii waa lole saŋ bɛlbwa laa tena baah nɔɔ?”

Tɔn Pɔɔl Aa Chwerɛ Rom Tena 9:26

Ba chwerɛ tɔn la bobɛl ɡe ŋɔ, “Nɛra Korowii fa aa ŋɔ ba be ŋɔ, ‘N nɛra laa heyaa’ la, baa berɔ yer ba Korowii waa lole saŋ bɛlbwa bii.”

We-ɛɛla 1:2

ka tel awola Korowii aa kpɔɔ kaa nyundua la. O cheɡɛ Korowii Domadɛɛɡe la kpeɡri ta dɛ baɡle baala la waa kpɔ ba ŋɔ bá ɛ o toroma la waa baa dɛ ba ɛɛ la, asɛ Korowii kpɔɔ kaa nyundua.

Amanesoma Jɔn Aa Chwera Tɔn 14:6

Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.

Matiu 18:18

Kasinteŋ, wobɛlbwa haa wola sɛɛh harɛ nɔ ta la, nyundua ɡe Korowii aa sɛh, asɛ wobɛlbwa haa sɛh harɛ nɔ ta la, nyundua ɡe Korowii ɛɛ sɛoh.

1 Koranar 2:2

“Saŋ telo kɛŋɔ n sewɛ name, anomanta, lawɛ he te dɛ che kiŋkiŋ

Josua 3:10

Anɔ taa hɛɛ ba cheɡa, dɛ́ jemɛ kɛŋɔ Korowii waa lole saŋ bɛlbwa la ja he nɛ, dɛ́ doŋi nɛra baa soɡe harɛ waa kpɔa tɛ heyaa ŋɔ hé ka so o ta he sie, baa yer ba Keenan ne Hiti ne Hivi ne Pɛrɛs ne Girɡasi ne Amɔre dɛ Jebus tena la.

Mmarare 31:23

Josua mɛɛ sɔne Nun. Korowii ŋɔ, “Josua, che kiŋkiŋ, bɛ ɔmɛ. Mɛɛ ja he nɛɛ dɛ́ ɡel he tɔ Israel tena sie, dɛ́ kpɔ ba kaa harɛ maa baɡ ba nyoa la ta.”

Mmarare 5:26

Nɛwɛnyini besoo no Korowii waa lole saŋ bɛlbwa wobol le nii ta kɛ yan, dɛ ta dɔ o nyu dɛ so le nɔ?

Wepila 7:2

Asɛ n berɛ na nyundua torome bɛl o le wee leebɔr dɛɛ ba, dɛ kpoŋe kon Korowii waa lole saŋ bɛlbwa aa kpɔa dɛɛ do o kwaa nso la. O kpɔ takpeɡ ŋɔ nyundua toroma banaarɛ la baa tɛɛ ba kpeɡri kɛŋɔ bá chɔɡ harɛ ne mpo la be ŋɔ,

Hibru 12:22

He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba.

Hibru 3:12

Anomanta, yabala, hɛ́ɛ nyiŋi kɛrɛdɛ ásɛ he bini bɛlbwa bɛ liichɔɡa ba dɔ kɛŋɔ waa Korowii waa lole saŋ bɛlbwa laanee yarada, dɛ́ ba vɛh o waa ta teŋa.

1 Timoti 6:16

O ɡboo dɔ mkpa waa wola sewɛ bwa, dɛ so bela aa chaahna kohona nomɛlbwa aa wola won tel o jwɛh. Nomɛlbwa ta on nae ka, asɛ nomɛlbwa ɡe aa won nao bwa. Onee chɛ duure ne kpeɡri bwa dɔe saŋ bɛlbwa dɛɛ la. Aamen.

1 Timoti 4:10

Koeh yaa dɛ swɛɛ siwi dɛɛ ɛ o toma nɔ bwa, Korowii waa lole saŋ bɛlbwa la nɛɛ ya sie dawɛ. Onee dɛɛ lɛ nɛn te bɛlbwa. Nomɛlbwa waa yaradao dɛ kpɔ o te tɛo la, o dɛ lɛo.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

1 Timoti 3:2

A ɡɛ nɛn la, a ta chɛ kɛŋɔ nɛra dɔ o wechɔɡe bol. A chɛ kɛ o haah ɛ beŋkpoŋ. A chɛ kɛ o won o te lawa, dɛ dɔ nfɛrɛ, o we-ɛɛla ɛɛ lɛ nɛra sie. A chɛ kɛ o ɛ nɛn waa won hɔɔhra kpoŋa, dɛ won Korowii Waa baɡla.

Kolosi 1:5

Amanesoma aa ɛ kasinteŋ la aa ba he be loɡla la, he no hwɛɡa aa dɛ tɛ la wa. He yarada ne nɛnnyin la le kwaa haa dɛ hwɛɡɛ a ta la ta. Korowii ɡe kwaa a bwa cheɡ heyaa Korowii doa kɛrɛdɛ ken.

Ɛfesos 4:21

He no o wa, ba baɡle heyaa kasinteŋ ŋwɛnɛ la, asɛ he jemɛ ɡɛ baa dɛ teŋɛ Yeesu nɛ.

Galaasia 3:1

Ee, Galaasia tena, he ɡɛnoo! Ya ta heyaa baɡlɛ ɡɛ aa ɛa Yeesu Kristo sewɛ daɡaɡre ta bwa naa? Aah bɔkwaa bera neɡre heyaa jaɔ?

2 Kɔrent 6:16

Voɡa ɛɛ wonoo che Korowii Dea a maɡre aa? Ya bwadabii nɔɔ Korowii waa lole saŋ bɛlbwa la dea. Anee Korowii ɡbabir bol la. O bolɔ ŋɔ, “Mɛɛ ba so n nɛra bee, dɛ́ do ba baah, dɛ́ ɛ Korowii baa dɛ tom mɛ, ásɛ ba ɡe ɛ n nɛra.

We-ɛɛla 14:15

“Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la.

Amanesoma Jɔn Aa Chwera Tɔn 6:69

Ya dɛ yaradae, dɛ jemɛ kɛŋɔ henee Korowii Biɡoroŋ la.”

Amanesoma Jɔn Aa Chwera Tɔn 1:17

Mosis nɛɛ Korowii che dɛ ba Mmara la ne. Yeesu Kristo ɡe nɛɛ nɛn nɛɛ suna ne kasinteŋ bwa che dɛ ba harɛ ta.

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Jeremia 23:36

Anomanta, ba bɛ waa aa ɡwaala Korowii kpɔ dawɛ ba nɛɛ la waa bol kpa, dɛkalkɛ dɛ bɛlbwa ɛ ɡɛ naa, mɛɛ ɡeloo n waa la do kɛŋɔ bontɔɡa ɡbaɡba dawɛ o nɛ. Ba berɛ Korowii baa dɛ tomɔ waa la sie, Korowii waa lole saŋ bɛlbwa dɛ ɛ Koranar Bwa Kooro la.

Jeremia 1:18

Fini, n ɡelɔ he do kpeɡri kɛŋɔ bwɛjen baa ma danjwɛkpeɡ baro, ne buni pila ne ayaawa danjwɛɛ harɛ la ta, ásɛ he won yo Juda koranar ne ba nomonome, sɔfore ne nɛra baa lɔ harɛ la ta.

Yela 84:2

Bela waa dɛ ɛɛ mɛ taeh! N dɛ nyin kɛ n fe aa lɔ he Dea. Mɛɛ ɡo silɛɛ yela n bambile bwa nee tɛ Korowii waa lole saŋ bɛlbwa la.

Yela 42:2

Korowii haa lole saŋ bɛlbwa, n dɛ nyini kɛ nyɔɡre aa dɛ kpo nɛn ken. Bɛweeree ń won ba he sie, dɛ́ ba tomɛ nɔ?

1 Samoɛl 17:36

Gɛ Korowii aa ɡela he bonɔɔ won kpo nyujente ne sisire kwaraa la, ɡɛɛ mɛɛ ba Filisti te waa wola Korowii tomɛ nɔ ɡe ɛɛ, dɛkalkɛŋɔ o ɛ Korowii waa lole saŋ bɛlbwa la sisawa.

Hibru 9:14

ɛrɛɛ a ɛ Yeesu Kristo chal aa wola won laa ya doŋa kpɔ ya nɛɛ kohona nɔ? Korowii Domadɛɛɡe waa lole saŋ bɛlbwa aa wola jaɡa dɔe la, on cha Yeesu Kristo o won kpɔ o te kɛŋɔ konaate waa wola kirihiah bɛlbwa dii dɛ ɛ saraha dɛ tɛ Korowii. Yeesu chal ɛɛ laa ya wechɔɡa aa dɛ kaa ya ne seo ta la bwaa kpɔ ya nɛɛ ásɛ ya tea to, ásɛ a waa bɛ yaa hiah kpa, ásɛ ya won tomɛ Korowii waa lole saŋ bɛlbwa la.

2 Timoti 2:20

Dem waa kana la, konsiwi beŋkpoŋ ɡbo laa lɔ o ta. Suuɡaswɛm ne suuɡapoŋa kwaa lɔ o ta. Ane lole, daa nee ba sɛah, dɛ kpɔ choh ma ane ɡe. Ane lole, wejena ta ɡboo baa le a ne, asɛ ane ɡe ba kpɔa dɛɛ ɛ wesale bɛlbwa.

1 Timoti 3:5

Dɛ nɛn aa won o haah ne bii nyiŋi aa, ɛrɛɛ wɛɛ ba ɛɛ dɛ́ won nyiŋi asɔre tena nɛɔ?

2 Kɔrent 6:7

ne kasinteŋ bola ta, ne Korowii kpeɡri waa kpɔa cha yaa ta, dɛɛ baɡle kɛ Korowii bonɔɔnaa yan. Waa aa dɛ su Korowii siwi laanee ya dɔmkwa. A nee yaa yo diɡ ne ɡal ne, a nee yaa tɔ ya te ɡbemɡbe.

2 Kɔrent 3:3

He we-ɛɛla dɛ baɡle kɛŋɔ he ɛ Yeesu Kristo tɔn waa cheɡɛ ya nɛɛ dɛ chwerɛ. Iŋki ne laa o chwerɔ, Korowii waa lole saŋ bɛlbwa la Domadɛɛɡee o kpɔ chwerɛ. Bwe ta laa o chwerɔ, bambile taa o chwerɔ.

Amanesoma Jɔn Aa Chwera Tɔn 18:37

Yeesu aa ŋɔ ɡɛ la, anee Paelet bɔɔro ŋɔ, “Amɔ kooroo hen kpela kenɛ?” Asɛ o chaŋo ŋɔ, “Henee ŋɔa kooroo men. Kasinteŋ bola waa ba lol mɛ. A waa n ba harɛ nɔ ta dɛ ba bol kasinteŋ la nɛra bwa be. Nomɛlbwa waa dɛ nyin kasinteŋ la, on dɛɛ no n be.”

Hosia 1:10

Israel tena ɛɛ warɔɔ kɛŋɔ mpo nyoa hɛŋle ken, baa wola won kur ba. Korowii ŋɔ ba be ŋɔ, ‘He ta n nɛra ɛɛ’, kɛ tɔpere bɛl dɛ ba ó yer ba ‘Korowii waa lole saŋ bɛlbwa bii’.

Jeremia 10:10

Kɛ hen N Naa Korowii, he waa dɔ kasinteŋ, henee kooro haa lole saŋ bɛlbwa. He baah diu waa, harɛ bwa dɛ chel, harɛre nɛra aa won che he bandia nyoa.

2 Koranar 19:4

Asiiria koojen tomɛ o laa sitɔɔla nomoa, ó ba chɛɡre Korowii waa lole saŋ bɛlbwa la. N dɛ soŋe Korowii haa dɛ tomɔ kɛ, ó tɛr a ɡɛ nɛra la deŋne a wa, anomanta, soŋe Korowii tɛ ya nɛra ya taa kaa nɔ.”

1 Kɔrent 3:16

Haa jemɛ kɛŋɔ he cheɡɔ tɛ Korowii Dea asɛ o Domadɛɛɡe la so he bini kɛɛ?

1 Kɔrent 10:32

He bɛ ɡel nomɛlbwa daŋre he ne dɛ́ ba nyoɡre. Juu tee yoo, Grik tee yoo, asɔre tee yoo, he bɛ ba bini bɛlbwa ɡɛ ɛ.

1 Timoti 3:14

N dɛ nyin kɛ n wonaa, ń ba nae. Kɛ n tɔ sie chwerɛ waa nɔ dɛɛ tɛɛ,

2 Timoti 2:19

Kɛ a ɛ wobɛlbwa Korowii Dea waa pa o mun la cheɡɔ kiŋkiŋ ken. Ba chwerɛ o ta ŋɔ, “Korowii jemɛ nɛra baa ɛ o kwa,” dɛ berɛ chwerɛ ŋɔ, “Nomɛlbwa waa ŋɔa o ja Yeesu Kristo nɛra nɛɛ la chɛ kɛŋɔ ó laa o te kpɔ wechɔɡa ta.”

Hibru 10:21

Ya dɔ Sɔfonomonjen wɛɛ nyiŋi Korowii bii.

1 Pita 4:17

Tɔpere telo kɛŋɔ Korowii bol nɛwɛnyina waa dɛ́ pa bole. Korowii nɛra nɛɛ wɛɛ ba mun pae. Waa dɛ ba ya kwaraa kpɔe pa mun nɔ, dɛ ɛrɛɛ nɛra baa wola Amanesoma la yaradae waa ɛɛ ba doe yɔ?