1 Timoti 2:9 - mzwDBL

⁹ Gɛ tentenee mɛɛ nyin kɛ dɛ haahna dɛ ba laala doe yaa, ba bɛ jwamanlaala ne laala a waa aa do bola dɛɛ do. Bá kpɔ laala aa maɡre ba ne, dɛ bɛ ba te kpɔ do nyuune ɛɛ aa dɛ ba kem ne, ne suuɡaswɛm koŋkwaare doe, ne yale a yoɡ aa kpeɡa liɡa ta.

1 Timoti 2:9 Referans Kwoze

Jeremia 4:30

Jerusalam, he harɛ bwa chɔɡɔ, he do kɛ hanjwamane dɛ do tol-laala, dɛ kpɔ suuɡaswɛm baŋa kwaa ne deŋna kwaa do. Bɔkwaa dɔ kwaa kpɔe ɛ he siebɔr dɛ́ di toli ɔ? He kpɔ kondɛɛɡa dɛɛ kwaa he te pɛɛpɛɛ, he sɛnanar bwa vɛɛh hale dɛɛ nyini dɛ́ kpo.

Yela 149:4

Korowii sie dɛ lɛ o nɛra nɛ, dɛɛ cha nɛra baa dɛ pwɛr ba te, dɛ ɡel baa pɔ ba dɔma nɛ.

Aesaya 3:16

Korowii ŋɔ, “Saayɔn haahna dɛ ɡɔɔ ba te, dɛ valɛ dɛ laa ba baŋa pa, dɛ kpɔ sie dɛɛ nyin baala. Ba dɛ valɛ tolvala naɡale bori ne, asɛ naloɡa baa kpɔa do ba nakpale la ɛɛ do ɡbɔɡa.”

Jeremia 2:32

Bitolo ɛɛ won soh o suuɡaswɛm nɔnloɡa ne baŋa kwaa ne noniseɡa aa, kɛɛ hanfale soh o hanfale laala doe yaa? Kɛ n nɛra soh n waa biɡri maa wola won jemɛ a saŋ.

2 Koranar 9:30

Ate, Kooro Jehu la Jesreel. Jɛsɛbɛl aa no o bala waa la, o do jeemina dɛ ɛ o nyumpona a do wer. O laa dejaŋ waa soɡe o bini tokoro pili dɛɛ kpao.

Sɛɡla 7:10

Ate, haah la kpɔ o te dɛ ba cheme bonɔɔ la, dɛ haah la do jwamanlaala dɛɛ taaɡe sie.

Mumpar 24:53

Asɛ bonɔɔ la laa kwaa baa kpɔ suuɡaswɛm ne suuɡapoŋ ɛa la ne yale tɛ Rebɛka, dɛ berɛ kpɔ laala a ɡe yoɡ aa kpeɡa tɛ haah la dɔɔ ne o nya.

Aesaya 61:4

Baa berɔ kwaa vɔrɔwe saŋ la bwɛjena aa paɡra la. Bwɛɛre aa berɛ dimɡbia dɛ chɔ le saŋ la ba tel fini bwa.

Ɛsta 5:1

Baa vɔwɛ ba nyoa tɔpetooro wee tonɛ la, Ɛsta kpɔ laala aa baɡla kɛ o ɛ kooro haah la do, dɛ ka che koodem baah bela kooro dea doonyoa aa chaɡa, dɛ kooro soɡe o kookara ta o sie chaɡɛ doonyoa.

Sɛɡla 31:22

O ɡbaɡbaa dɛ́ nyarɛ bombore dɛ́ kpɔ dɛɛ pa o chɔɔbɔr. O dɛ li yadɛɛɡa bwa soo siwi a yoɡ aa kpeɡa.

Matiu 11:8

Dɛ ɡɛ laa ɡe aa, dɛ bɔkwa tenee he ka nyiŋi ɔ? Nɛn waa do laaladɛɛɡaa he ka nyiŋi kɛɛ? Nɛra baa dɛ do laaladɛɛɡa la, kooderemii ba do.

Sɛɡla 31:25

O bwara kpeɡri o waa dɔ nyɛl, o bwara aa on hwah, o dɔ hwɛɡa saŋ bɛlbwa.

1 Timoti 2:10

Kɛ báa ɛ wedɛɛɡa kɛ haahna baa dɛ tomɛ Korowii. Ba wedɛɛɡa ɛɛ laanee dɛ́ ɡel ba do wer toli.