1 Timoti 2:8 - mzwDBL

⁸ N dɛ nyin kɛ bobɛlbwa baala baa ɛ asɔre tena la laa ba te kpɔ bandisale ne wetɔŋla ta, ásɛ dɛ won ɛ nɛndɛɛɡa dɛ́ ir nɔɔra soŋe Korowii.

1 Timoti 2:8 Referans Kwoze

Yela 134:2

Hé ɡɔɔ nɔɔra Korowii Dea bela dɛ́ kpɛɛro.

Yela 63:4

Mɛɛ kpɛɛree n soɡa bini bwa, mɛɛ ɡɔɔ n nɔɔraa nyundua, dɛ́ kpɔ n wesoŋa bil he sie.

Hibru 10:22

Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,

Taetos 3:8

Waa nɔ bwa ɛ kpela. Anomanta, dɛɛ berɛ a baɡla ɔma, ásɛ nɛra baa no Korowii waa dɛ yarada la swɛɛ siwi dɛɛ ɛ wedɛɛɡa. Gɛɛ wera dɛ dɔ tɔnɔ tɛ nomɛlbwa.

Jems 4:8

Hé suuh tel Korowii, ásɛ o suuh ba he be. Wechɔɡ-ɛɛra, hé charɛ he liire dɛ́ le he wechɔɡa ta. He banɔ la he liire aa ɛ anɛnɛ la, hé laa doŋa kpɔ he nɛ.

Amanesoma Luk Aa Chwera Tɔn 24:50

Belaa o kpɔ ba le Jerusalam kaa Bɛtani dahare dɛ ka laa o nɔɔra ir dɛ soŋe Korowii tɛɛ ba.

Aesaya 1:15

He ir nɔɔra dɛɛ soŋ mɛ naa, mɛɛ laa sie kpɔ he nɛ. Hale he soŋ mɛ ɡɛ bɛlbwa kwaraa noo, maa no. Nɛra haa kpoora chal maa he nɔɔra bwa.

1 Pita 3:7

Baala ɡe, ɡɛɛ a chɛ kɛ he dɔ liire he ne he haahna soɡa bini, dɛ́ jemɛ kɛŋɔ baa kpeɡe kɛŋɔ heya. Hɛ́ɛ duu ba, dɛkalkɛŋɔ he ne ba bwaa dɛɛ ba Korowii mkpa waa cha heyaa hɛɛ ba dɔe la dɔe. Hɛ́ɛ ɛ ken ásɛ wobɛlbwa bɛ he Korowii soŋa ŋwɛnɛ tɔ.

1 Timoti 5:14

Anomanta, dɛ luhaahna ba taa ɛ toli la yalɔ dɛ loɡle bii, dɛ won ba deremi ta nyiŋa, ɡɛ aa ɛ ásɛ ya dɔma bɛ wedoŋa bɛlbwa dɔ bol yaɡɛ yaa aa, ɡɛɛ n fe ɛɛ nyin.

We-ɛɛla 21:5

Ya kaala aa tela la, ya le bela dɛ chiɡ ŋwɛnɛ ta dɛɛ kaa. Ba ne ba haahna ne bii bwaa baa do yaa ŋwɛnɛ dɛ le bwɛɛ la ta, dɛ ka tel nee nyoa, asɛ ya ɡuŋi harɛ nee nyoa bela dɛ soŋe Korowii dɛ kal dɔŋa.

We-ɛɛla 10:4

Asɛ o ha sie nyiŋu ɔmee ne dɛ ŋɔ, “Ɛrɛɛ yɔ? A som aa, n Dɔɔ?” Asɛ nyundua torome la ŋɔ, “He soŋa haa dɛ soŋe Korowii, ne he chae haa dɛ cha nɛra la lɛ o sie, o dɛ ba he chae.

We-ɛɛla 10:2

O ne o dem tena bwa dɛ tomɛ Korowii. Dɛ o dɛ cha Juu tena baa ɛ nyaara la taeh, dɛɛ soŋe Korowii saŋ bɛlbwa.

We-ɛɛla 7:60

Belaa o ɡuŋi harɛ dɛ bol waa takpeɡ ne ŋɔ, “N Dɔɔ, bɛ ɡel a ɡɛ wechɔɡa nɔ ɡure ba nɛ.” Waa ŋɔ ɡɛ tonɛ, o den sewɛ.

1 Kɔrent 7:7

N te fe dɛ nyin kɛŋɔ nomɛlbwa fee bɛ haah mo, dɛ́ so ɡɛ maa soɡa nɔ. Kɛ nomɛlbwa laa Korowii ta ŋɔ ó ɡbo so dɛ bɛ haah mo. O dɛ tɛ nomɛlbwa o we-ɛɛla waa dɛ ɛ la kpeɡri, bɛl yon do kpeɡri anɔ ta, bɛl ɡe do kpeɡri anɔ ta.

We-ɛɛla 10:31

dɛ ŋɔ, ‘Kɔnɛɛleɔs! Korowii no he soŋa haa dɛ soŋo dɛ na he chae haa dɛ cha nyaara la bwa.

Amanesoma Jɔn Aa Chwera Tɔn 4:21

Belaa Yeesu ŋɔ o be ŋɔ, “Kasinteŋ, aa ba tel saŋ bɛlee nɛra aa wola Korowii tomɛ bwe nɔ ta, baa on tomɛ Jerusalam ɡe.

Amanesoma Luk Aa Chwera Tɔn 23:34

Yeesu ŋɔ, “N Mɛɛ, kpɔ ba wechɔɡa kɛ ba. Baa waa baa dɛ ɛ nɔ jemɛ.” Soojare la kpɔ o laala bil dɛɛ ta chacha ŋɔ naate waa di la, ó kpɔ onɔ la waa dɛ nyin.

Matiu 21:21

Anee Yeesu ŋɔ ba be ŋɔ, “Kasinteŋ, dɛ he dɔ yarada, haa tɔŋla di he bambile bini naa, hɛɛ wonoo ɛ ɡɛ maa ɛa dɛ ɡel daa nɔ sewɛ nɔ. A ɡbo laa. Hɛɛ wonoo kpɔ yarada ŋɔ bwé nɔ chuɡri ka le mpo ta, ásɛ o chuɡri ka le mpo ta.

Matiu 5:44

Kɛ taraken n dɛ ŋɔ he be, hé nyin he dɔma dɛ́ soŋe Korowii dɛɛ tɛɛ ba,

Yela 66:18

Dɛ n vɛh n wechɔɡa bola aa, Korowii fe ta n be noɛ.

Yela 26:6

N Naa Korowii, n sarame nɔɔra, a baɡle kɛ n ta bolchɔɡe bɛlbwa dii, dɛ ka valɛ bar he saraha kon la dɛɛ tomɛ.

Yela 24:4

Nɛn o we-ɛɛla aa wera, o tea to waa wola voɡa tomɛ, kɛɛ dɛɛ ŋwɛɛ saɡasaɡa.

Job Tɔn 16:17

N ta naɡrenyin we-ɛɛla ane bɛlbwa ɛɛ, n Korowii soŋa ta ɡe n kpɔ duure tɛo.

Matiu 6:12

dɛ́ kpɔ ya wechɔɡa kɛ yaa, ɡɛ yaa kpɔ ya dɔŋa wechɔɡa dɛɛ kɛ ba la.

Sɛɡla 21:27

Korowii kii nɛnchɔɡe saraha, n baa bol kɛŋɔ haa kpɔ liichɔɡa ɛa.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Yela 35:13

Ba bwara fa aa dɛ wee ba la, lweyalee n kpɔ tɔ, n vɔwɛ nyoa, n ta kwaa dii. N ba harɛ, dɛ soŋe Korowii tɛɛ ba kɛrɛdɛ,

1 Koranar 3:11

Asɛ Korowii ŋɔ o be ŋɔ, “Waa nɔ haa soŋa haa wola mkpajaŋ kɛɛ he ɡbaɡba kondɔɔh soŋɛ kɛɛ he dɔma serewe, kɛ dɛ soŋe wejema dɛ́ kpɔ dɛɛ nyiŋi nɛra nɛɛ kasinteŋ ne nɔ,

Yela 28:2

No n wii maa wia dɛɛ noe nɔ, dɛ́ cha mɛ, sune n nɛ, dɛ́ no n wii, maa ɡɔɔ nɔɔra nyundua chaɡɛ he Dea dɛ́ soŋe, bela waa do ɡoroŋ la.

Yela 141:2

No n wesoŋa kɛŋɔ daawiile baa dɛ fuah a sɔɔh do som. Lɛ n nɔɔra maa ɡɔɔra dɛɛ soŋe nɔ, ɡɛ haa dɛ lɛ jɔmɔr saraha la.

1 Kɔrent 1:2

Korowiirii le heya, dɛ koh pɛɛ he ne Yeesu Kristo aa pɛa la waa dɛ laa doŋa bɛlbwa kpɔ he nɛɛ dɛ ɡel he ɛ o nɛra. Ya dɛ chwerɛ he ne nɛra baa lɔ bobɛlbwa dɛɛ tomɛ ya ne ba bwa Dɔɔ Yeesu Kristo la.

2 Kɔrent 2:14

Korowii jam kɛ waa cheɡɛ ya Dɔɔ Yeesu Kristo nɛɛ dɛ ɡel ya yo dɛɛ le nɔ. Korowii cheɡɛ ya nɛɛ dɛ ɡel nɛra ɛɛ no Yeesu Kristo waa la bobɛlbwa kɛŋɔ, konsɔɔhsoma sɔɔh aa dɛ le nomɛlbwa ɛɛ no la.

Felepae 1:12

Yabala, n dɛ nyin kɛ he jemɛ kɛŋɔ wedɛɛɡa le waa aa chiɡ n nɛɛ la ta, dɛ́ ɡel Amanesoma la won kaa sie.

1 Tesalonika 1:8

He bee ya Dɔɔ la waa che dɛ perɛ baah bela bwa. Bela tena ɡbo laa noa, kɛ yarada haa dɛ yarada Korowii la tel bobɛlbwa. Anomanta, a ta chɛ kɛŋɔ yá bol he waa nɛra be kpa.