1 Timoti 2:4 - mzwDBL

⁴ O te dɛ nyin kɛŋɔ nomɛlbwa dɔ o nyu, ásɛ dɛ ba jemɛ kasinteŋ waa la.

1 Timoti 2:4 Referans Kwoze

Ɛsekeɛl 18:32

N sie aa lɛ kɛ nomɛlbwa sewɛ. Hé charɛ he liire, ásɛ dɛ dɔ he nyu! Men Nemenɛ Korowiirii bola.”

2 Pita 3:9

Korowii aa o nyobaɡa ta too, ɡɛ bane aa dɛ lii kɛŋɔ Korowii biɡri o nyobaɡa waa baɡa ŋɔ ya Dɔɔ Yeesu ɛɛ bao la. Bambilee o dɔ tɛ heya, dɛkalkɛ waa nyin kɛ nomɛlbwa chɔɡ ta. O dɛ nyin kɛ nɛra bwa charɛ ba liire dɛ́ le ba wechɔɡa ta mɔɔ o ba.

Ɛsekeɛl 18:23

He dɛ lii kɛ n sie dɛ lɛ wechɔɡ-ɛɛ seo ta kɛɛ? Akai, n sie aa a ta lɛ. Ó le o wechɔɡa ta, dɛ́ dɔ o nyuu mɛɛ nyin.

Taetos 2:11

Korowii pili suna waa dɛ sune nɛra nɛɛ taraken asɛ nɛra bwa jemɛ, o lɛɛ ba.

Ɛsekeɛl 33:11

Ŋɔ ba be ŋɔ men Nemenɛ Korowii taa lole nɔ, n ŋwɛɛrɔ ŋɔ, ‘Ń sie aa wechɔɡ-ɛɛra seo ta lɛ, n dɛ nyin kɛ ba le a ta, dɛ́ dɔ ba nyu. Israel tena, hé charɛ! He charɛ he liire, dɛ́ le liichɔɡa ŋwɛnɛ bɛlbwa ta. Hé ɡel wechɔɡa haa dɛ ɛ la. Ɛrɛɛ hɛɛ nyin seo nɔɔ?’

2 Timoti 2:25

dɛɛ baɡle nɛra o ne ba liire aa wola beŋkpoŋ ɛɛ la waa taa ne. Bɛl lole naa, Korowii ɛɛ na ɡɛ nɛra la sumii, dɛ́ ɡel ba charɛ ba liire, ásɛ ba won jemɛ kasinteŋ waa la,

1 Timoti 4:10

Koeh yaa dɛ swɛɛ siwi dɛɛ ɛ o toma nɔ bwa, Korowii waa lole saŋ bɛlbwa la nɛɛ ya sie dawɛ. Onee dɛɛ lɛ nɛn te bɛlbwa. Nomɛlbwa waa yaradao dɛ kpɔ o te tɛo la, o dɛ lɛo.

Aesaya 45:22

Harɛre nɛra bwa, hé ba n be, dɛ́ ba dɔ he nyu. N ɡboo Korowii, Dɔɔ bɛlbwa toole kpa.

Amanesoma Luk Aa Chwera Tɔn 24:47

ásɛ ba che o sɔn ta dɛ́ bol Amanesoma la dɛ́ ŋɔ nɛ́ra charɛ ba liire dɛ́ le wechɔɡa ta, ásɛ Korowii kpɔ ba wechɔɡa kɛ ba, dɛ pa mun le Jerusalam dɛ baɡle ɡɛ waa nɔ harɛ bobɛlbwa.

Wepila 14:6

Belaa n na nyundua torome bɛl waa ira kpɔ nyundua, dɛ kpoŋe Amanesoma aa wola tonɛ bwa, dɛ kpɔ dɛɛ la ka bol wobol te bɛlbwa nɛra baa lɔ harɛ nɔ ta bobɛlbwa be.

Amanesoma Jɔn Aa Chwera Tɔn 14:6

Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.

Matiu 28:19

Anomanta, hé valɛ kaa harɛ nɔ ta bobɛlbwa, dɛ́ ka nyin nɛra bwa bini nɛra bá ba teŋɛ n nɛ, dɛ́ sɔ ba Korowii ne, ásɛ dɛ kpɔ ba do n Mɛɛ ne men o Bie ne o Domadɛɛɡe la nɔn ta,

Taetos 1:1

Men Pɔɔl maa ɛ Korowii bonɔɔ dɛ berɛ ɛ Yeesu Kristo torome la, men chwerɛ tɔn nɔ. Korowiirii lee mɛ dɛ ŋɔ mɛ́ɛ cha nɛra waa lee ba tɛ o te la, ásɛ ba yarada kaa sie ba won jemɛ o kasinteŋ la, dɛ́ che a ta tomɛ Korowii.

Aesaya 55:1

Korowii ŋɔ, “Hé banɔ la nyɔɡre aa dɛ kpo heyaa la, nee lole, hé ba nyɔ! He ta suuɡa dɔe yaa, hé ba, hɛɛ dɔ kondikwaa di pɛɛpɛɛ! Sen ne na-elnee lole, suuɡa ne laa baa yawa, yoɡ ɡe toole a ta!

2 Timoti 3:7

A ɡɛ haahna la dɛ hweli waa tɔperee te bɛlbwa, kɛ kasinteŋ waa aa lɔ waa la bini la te, baa won an jemɛ bwa.

Amanesoma Luk Aa Chwera Tɔn 14:23

Anee o berɛ ŋɔ bonɔɔ la be ŋɔ, ‘La ŋwɛnɛre ta ne dahare, nomɛlbwa haa nao la, lawɔ ba ásɛ n dem bonɔ su.

Amanesoma Luk Aa Chwera Tɔn 1:77

ásɛ dɛ ŋɔ o nɛra be ŋɔ, dɛ ba charɛ ba liire dɛ le ba wechɔɡa ta naa, wɛɛ kpɔɔ kɛ ba dɛ́ lɛɛ ba.

Aesaya 49:6

O ŋɔ n be ŋɔ, “N bonɔɔ, n dɔ wejena ane tɛɛ he ɛ. Israel tena baa kaa la ɡbo sie laa hɛɛ ba tɔe. Mɛɛ ɛɛ kɛŋɔ kandea hɛ́ɛ chaah harɛre nɛra baa wola Israel tena ɛɛ la bwa nɛ, ásɛ n won lɛ nɛra baa lɔ harɛ jaɡa bwa.”

Amanesoma Jɔn Aa Chwera Tɔn 17:17

Che he kasinteŋ waa la ta, dɛ́ laa doŋa bɛlbwa kpɔ ba nɛɛ bá won ɛ he ɡbo nɛra. He waa ɛ kasinteŋ.

Amanesoma Jɔn Aa Chwera Tɔn 6:37

Nomɛlbwa n Mɛɛ Korowii aa kpɔ tɛ mɛ la ɛɛ ba n bee dɛ́ ba teŋɛ n nɛ. Maa nomɛlbwa ɡe waa ba n be laanee doŋi ta bwa,

Amanesoma Mak Aa Chwera Tɔn 16:15

Yeesu ŋɔ ba be ŋɔ, “Hé kaa harɛ ta bobɛlbwa dɛ́ ka bol Amanesoma la baɡle nɛwɛnyina bwa.

Hibru 10:26

Korowii aa pili ya sie ya jemɛ o kasinteŋ nɔ, dɛ ya ta saahnɔ do wechɔɡa ta dɛɛ ɛ aa, saraha bɛlbwa toole bobɛlbwa dɛ fee ya wechɔɡa ya nɛɛ kpa.

Habakuk 2:14

Gɛ nee aa su mpo ta la, ɡɛɛ nɛra baa lɔ harɛ nɔ ta ɛɛ ba Korowii kpeɡri ne o jirima kohona jema.

Aesaya 53:11

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Tɔn Pɔɔl Aa Chwerɛ Rom Tena 11:14

Bɛl lole n bwɛɛ tena na ɡɛ naa, baa meeroo, asɛ a che a ta ba bane lɛ Yeesu waa nɔ.

Jems 3:14

Dɛ he dɛ nyin kɛ he ɡbo dɔ, dɛ dɔ bɔweela ne sibeɡra he bambile bini naa, amɔ he bɛ sɔn dɛ́ɛ nyin dɛ́ɛ ŋɔ he dɔ wejema. Dɛ he dɛ ɛ ɡɛ naa, dɛ he ta kasinteŋ dɔe.

2 Jɔn 1:1

Men Nomoa Jɔnee chwerɛ tɔn nɔ dɛɛ tɛ haah la Korowii aa leo cheɡ dɛ tɛ o te la, ne o bii maa koh beŋkpoŋ ya bwa aa ɛa Korowii kasinteŋ waa la ta dɛɛ nyin ba la. N ɡbo laa dɛɛ nyin ba ɡɛ. Nɛra baa jemɛ Korowii kasinteŋ waa la bwa ɡe jao,