1 Timoti 1:5 - mzwDBL

⁵ Waa maa koh a waa doe waa nɔ ta laanee kɛŋɔ bá won dɔ nɛnnyin. Nɛn waa dɔ nɛnnyin nɔ soo la ta wechɔɡa bɛlbwa dɔe, o tea too, o dɔ yarada kasinteŋ.

1 Timoti 1:5 Referans Kwoze

1 Timoti 1:19

ásɛ dɛ kpoŋe Korowii yarada bini kiŋkiŋ, dɛɛ ɛ waa haa jema kɛ a toɡrɔ. Gɛɛ bane aa wola ɛɛ, asɛ ba ta wone yarada Korowii ka tonɛ dɛ horɛ la.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

2 Timoti 2:22

Laa he te kpɔ wedoŋa bonɔɔna aa dɛ pɛlɛ a ta la ta, ásɛ he ne nɛra baa dɛ soŋe Korowii tepoŋ ne la siwi swɛɛ wedɛɛɡa ɛɛ aa dɛ su Korowii siwi, ne Korowii yaradae, ne nɛnnyin, dɛ waa aa dɛ ba deŋnesɔɔhna ne la ta.

2 Timoti 1:5

N dɛ lii ɡɛ haa kpɔ kasinteŋ dɛɛ yarada Korowii ɡɛ he naa Lowis ne he nya Yunis fa aa dɛ yaradao la. N jemɔ kɛ ɡɛ ba fa aa yarada Korowii dɛ kpɔ ba te tɛo la, ba luɡe taa he den teŋɛ la.

2 Timoti 1:3

N dɛ jam Korowii maa dɛ tomɔ tepoŋ ne ɡɛ tenten n naawa fa aa dɛ tomɔ la he wa. N Korowii soŋa ta bwaa mɛɛ jaamo he waa chɔɔ ne jwaana.

1 Pita 3:21

A ɡɛ nee nɔ cheɡɔ tɛ Korowii nee baa dɛ sɔ yaa aa lɛ yaa la. Korowii nee sɔe ta bwara doŋa yaɡla ɛɛ. Korowii nee sɔe munii kɛ ya soŋe Korowii ó tɛ yaa tepoŋ. A cheɡɛ Yeesu Kristo seo ta ira ta, asɛ nee sɔe la won dɛɛ lɛ yaa.

1 Pita 3:16

He dɛ baɡla aa, hé kpɔ sisɔna ne taa dɛɛ baɡla. A chɛ kɛ he tea to he jemɛ kɛŋɔ nomɛlbwa aa he wobɛlbwaa dɔ dɛ bol. He dɛ ɛ ɡɛ naa, nɛra baa koh he teŋa haa dɛ teŋɛ Yeesu Kristo nɛ, ne he wedɛɛɡa haa dɛ ɛ waa dɛ bol wobochɔɡa dɛɛ yaɡɛ heyaa la, sihiih ɛɛ kpo baa.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

2 Pita 1:7

Hɛ́ɛ nyin dɔŋa dɛɛ ja he Korowii ɔma ta, dɛɛ nyin nɛn dɛɛ ja he dɔŋa nyina ta.

Tɔn Pɔɔl Aa Chwerɛ Rom Tena 10:4

Yeesu Kristo bala la teŋe Mosis Mmara ta teŋa ta kɛŋɔ a taa nɛn che Korowii lɛo kɛ nɛndɛɛɡe o waa su o siwi la. Taraken nomɛlbwa waa yarada Yeesu Kristo waa la, Korowii ɛɛ lɛo kɛ nɛndɛɛɡee ásɛ o waa su o siwi.

Taetos 1:15

He tea too waa, komɛlbwa wer tɛɛ, haa an kondoŋa lii. Kɛ nɛra wechɔɡa aa lɔ ba nɛɛ baa wola yarada la, komɛlbwa ɛ kondoŋ tɛɛ ba. Ba liire ne ba bambile bwa doŋo.

1 Timoti 3:9

A chɛ kɛ bá kpoŋe Korowii wesɔɔhla waa waa ɡela ya jemɛ la bini kiŋkiŋ, dɛɛ ɛ waa baa naa kɛ a toɡrɔ.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

Yela 51:10

N Naa Korowii, ɡel n bambile bini to, dɛ́ tɛ mɛ dadɛɛɡe.

1 Pita 4:8

Waa aa ɛ wehiah kohonaa kɛ hɛ́ɛ nyin dɔŋa bambile bwa ne, dɛkalkɛŋɔ dɔŋa nyina dɛ tɔ wechɔɡa kɛrɛdɛ ta.

Jems 4:8

Hé suuh tel Korowii, ásɛ o suuh ba he be. Wechɔɡ-ɛɛra, hé charɛ he liire dɛ́ le he wechɔɡa ta. He banɔ la he liire aa ɛ anɛnɛ la, hé laa doŋa kpɔ he nɛ.

We-ɛɛla 23:1

Waa baa che nomonome la bwa sie la, o nyiŋ ba, dɛ ŋɔ, “Yabala, n bambile bwa nee n tomɛ Korowii le saŋ la bwa ba le fini. N liire ta men ɛɛ kɛ n ɛ wechɔɡa bwa.”

Yela 24:4

Nɛn o we-ɛɛla aa wera, o tea to waa wola voɡa tomɛ, kɛɛ dɛɛ ŋwɛɛ saɡasaɡa.

1 Jɔn 3:3

Nomɛlbwa waa dɔ ɡɛ hwɛɡa Yeesu Kristo nɛɛ la chɛ kɛ ó lawɛ o te, dɛ́ laa o te dɛ́ɛ kpɔ wechɔɡa ŋwɛnɛre ta, dɛ́ won do kaih ɡɛ tenten Yeesu Kristo aa do kaih la.

Hibru 10:22

Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,

1 Kɔrent 13:1

Dɛ n wono dɛɛ bol nɛra bwa ne nyundua toroma wobol, kɛ dɛ maa nɛn nyin aa, dɛ ɡbɔɡaa mɛɛ do kɛŋɔ baa dɛ lɔ dawuro waa pera wɛɛ do ɡbɔɡa la.

Tɔn Pɔɔl Aa Chwerɛ Rom Tena 14:15

Dɛ he koh he kondikwaa waa dɛ ɡel he dɔŋ ɛ wechɔɡa o tea bini chɔɡ aa, dɛ he dɛ nyinu wa aa? O waa Yeesu Kristo koh dɛ sewɛ, anomanta, bɛ ɡel he kondikwaa haa dɛ di la chɔɡo.

Tɔn Pɔɔl Aa Chwerɛ Rom Tena 9:1

Kasinteŋii mɛɛ ba bola la. Maa ɛ Yeesu Kristo nɛn la nomanta, maa nyosone teŋe. Korowii Domadɛɛɡe la ɡelɔ n jemɛ n bambile bini kɛŋɔ maa nyosone teŋe.

We-ɛɛla 24:16

N jemɔ kɛŋɔ Korowii ɛɛ ba bol nɛwɛnyina bwa waa dɛ́ pa bole. Anomanta, n dɛ ɛ n wobɛlbwa naa, n dɛ ɛa kɛrɛdɛ dɛ bɛ bolchɔɡe di Korowii ne nɛwɛnyina bwa be.

We-ɛɛla 15:9

O ta baɡlɛ kɛŋɔ ba korɔ ya korɛ. Baa yarada Yeesu waa la waa Korowii laa ba wechɔɡa kpɔ ba nɛ.

Matiu 12:35

Nɛndɛɛɡe wedɛɛɡa ɛɛ taa a che baa jemɛ wedɛɛɡa aa lɔ o bambile bini. Gɛɛ ba che nɛnchɔɡe ɡe wechɔɡa ɛɛ ta dɛɛ jemɛ wechɔɡa aa lɔ o bambile bini.

Matiu 5:8

Nɛra ba tea bini aa toa la, ba na som, dɛkalkɛ banee dɛɛ ba Korowii nae.

1 Jɔn 3:23

Waa Korowii aa dɛ ŋɔ ya be laanee kɛŋɔ, yá yarada o Bie Yeesu Kristo la, dɛ́ɛ nyin dɔŋa ɡɛ waa ŋɔ ya be la.

Hibru 13:18

Hé soŋe Korowii dɛɛ tɛ yaa. Ya jemɔ kɛŋɔ ya tea bini too, dɛkalkɛŋɔ ya dɛ nyin kɛ yaa ɛ waa aa toɡra saŋ bɛlbwa.

Hibru 9:14

ɛrɛɛ a ɛ Yeesu Kristo chal aa wola won laa ya doŋa kpɔ ya nɛɛ kohona nɔ? Korowii Domadɛɛɡe waa lole saŋ bɛlbwa aa wola jaɡa dɔe la, on cha Yeesu Kristo o won kpɔ o te kɛŋɔ konaate waa wola kirihiah bɛlbwa dii dɛ ɛ saraha dɛ tɛ Korowii. Yeesu chal ɛɛ laa ya wechɔɡa aa dɛ kaa ya ne seo ta la bwaa kpɔ ya nɛɛ ásɛ ya tea to, ásɛ a waa bɛ yaa hiah kpa, ásɛ ya won tomɛ Korowii waa lole saŋ bɛlbwa la.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Jeremia 4:14

Jerusalam tena, hé ɡel wechɔɡa ɛɛ ásɛ Korowii lɛ heya. Saŋ besoo hɛɛ ba he nyubinikpeɡ vɔrɔwa nɔ ɡela ɔ?

Mmarare 10:12

Mosis berɔ ŋɔ, “Israel tena, waa Korowii aa dɛ nyin dɛ le he be taraken laanee kɛŋɔ, hɛ́ɛ ɔmɔ dɛ́ɛ teŋɛ o waa bwa ta, dɛ́ nyinu dɛ́ɛ tomɔ he bambile ne he hweera bwa ne,

Sefania 3:7

N ɛ n liire kɛŋɔ n nɛra fe ɛɛ che anɔ taa dɛ́ tɛ mɛ duure, dɛ́ sɛh teŋɛ toɡra maa dɛ toɡ ba la ta, dɛ bɛ deŋnetɛra maa kpɔa toɡ ba la soh. Kɛ buɡ nɔ ta ba we-ɛɛla berɔ kaa ba webena la ta.”

Tɔn Pɔɔl Aa Chwerɛ Rom Tena 12:9

Hɛ́ɛ nyin dɔŋa bambile bwa ne. Hé hah wechɔɡa te bɛlbwa, dɛ́ lawɛ wedɛɛɡa te bɛlbwa bini kpoŋe kiŋkiŋ.

1 Timoti 1:18

N bie Timoti, n dɔ waane dɛ́ bol he be, ásɛ he lawɛ a bini he Korowii toma ta. Gɛ ba fa aa cheɡɛ Korowii Domadɛɛɡe kpeɡri ta dɛ bol o toma waa tɛɛ kpeɡri hɛ́ɛ ɛ nɔ waa la, ɡɛ waa la tenten taa mɛɛ doe la. Anomanta, ɡel ɡɛ waa la doe ɡbemba ásɛ he won yo kɛrɛdɛ,

1 Jɔn 3:10

Anɔ taa yaa ba cheɡa dɛ́ jemɛ banɔ la baa ɛ Korowii bii ne banɔ la baa ɛ Bɔnsam kwa. Nomɛlbwa waa wola wedɛɛɡa aa su Korowii siwi ɛ, kɛɛ waa wola o dɔŋ nyin la, o ta o bie ɛɛ.