1 Samoɛl 7:1 - mzwDBL

¹ Kiriat Jearim baala baa kpɔ Korowii Ne Nɛwɛnyina Fɔo Daka la, dɛ kaa o ne Abinadab dem deŋɡare bɛl doa. Ba sɔ o bibaa baa dɛ yerɔ Eliasa doŋa ta o do ɡoroŋ tɛ Korowii, dɛ ŋɔ wɛɛ nyiŋi Korowii Fɔo Daka la ta.

1 Samoɛl 7:1 Referans Kwoze

Aesaya 52:11

Hé le Babelɔn harɛ! Hé pere he te le ba nɛɛ kwara! He bɛ komɛlbwa waa kah doŋa leɡe! He nɛra haa cheɡɛ Korowii Dea laala la, hé le ba bini, dɛ́ do ɡoroŋ.

Yela 132:6

Yaa lɔ Bɛtlɛham la, ya no Korowii Ne Nɛwɛnyina Fɔo Daka la wa, dɛ ka nao Kiriat Jearim tena kooni ta.

1 Samoɛl 6:21

Ba kpɔ kala tɛ Kiriat Jearim tena ŋɔ, “Filisti tena la berɔ kpɔ Korowii Ne Nɛwɛnyina Fɔo Daka la ba, hé ba dɛ́ ba kpɔ kaa he be.”

Josua 18:14

Jwɛh la berɔ kpɔ bobɛl dɛ ba kpɔ bwe la wee cholibɔr, dɛ berɛ kpɔ weekaŋle harɛbɔr dɛ kaa Kiriat Baal, waa ɛ Juda dea tena harɛ ta. Ba jwɛh waa lɔ wee cholibɔr laanee la.

Josua 9:17

Belaa Israel tena la ir chiɡ ŋwɛnɛ ta dɛɛ kaa nɛra la be, tɔpera atoroo ba kpɔ jo ba bwɛjena la ta. Bwɛjena laanee Gebeɔn ne Kefira ne Beɛrɔt dɛ Kiriat Jearim.

1 Samoɛl 7:2

Korowii Ne Nɛwɛnyina Fɔo Daka la cheɡɛ Kiriat Jearim biɡri taeh, dɛ ɛ bene fifraanɛ bwa. Gɛ saŋ la, dɛ Israel tena bwa wio dɛɛ no Korowii ŋɔ ó cha ba.

1 Webena 13:3

Ásɛ ya la ka kpɔ Korowii Ne Nɛwɛnyina Fɔo Daka la ba bonɔ, dɛkalkɛ Kooro Sɔɔl bere saŋee yaa wola o waa bɔɔrɛ.”