1 Samoɛl 3:3 - mzwDBL

³ Dɛ kandea waa lɔ Korowii Dea Boɡoroŋ la ta dɛ chaah, asɛ Samoɛl chɔ bela Korowii Ne Nɛwɛnyina Fɔo Daka la aa cheɡa.

1 Samoɛl 3:3 Referans Kwoze

Yela 27:4

N Naa Korowii, kombeŋkpoŋii n soŋe dɛɛ le he be, ɡɛ maa dɛ nyin laanee kɛŋɔ, ń so he Dea n soɡa bini bwa, dɛ́ nyiŋi ɡɛ he wa aa wera dɛ́ kooɡa, dɛ́ soŋe, he nyiŋi n nɛ.

Yela 29:9

Korowii taa yiiɡi dakpeɡa, dɛ chure kɔr bini daa papooni ta. Asɛ nɛra baa lɔ o Dea ɛɛ dooɡe lɔŋɔre ŋɔ, “Hé kpɔ jirima tɛ Korowii!”

Yela 5:7

Kɛ n te, he nyina haa dɛ nyin mɛ kohona nomanta, mɛɛ won ba he Dea dɛ́ ba ɡuŋi, dɛɛ tomɛ he Dea waa do ɡoroŋ ta ɔmee ne.

2 Webena 13:11

Chɔɔ ne jɔmɔra bwaa ba kpɔ saraha kwaa ba baa fuh, dɛ fuh daawiile a sɔɔh aa soma dɛɛ tɛ Korowii. Ba kpɔ paanoo dɛɛ dawɛ teebur waa do ɡoroŋ doŋa bɛlbwa aa wola toole o ta, dɛ choŋi kandere aa lɔ kandea daa baa kpɔ suuɡaswɛm ɛo jɔmɔra bɛlbwa. Ya dɛ ɛ waa Korowii yaa dɛ tomɔ la aa do yaa, kɛ he te vɛoh.

1 Samoɛl 1:6

Waa wola bii dɔe nomanta, Penina waa ɛ o toŋre la yon dɛɛ ɛo sisawa dɛɛ muɡli o baah.

Kaala 25:31

Berɛ kpɔ suuɡaswɛm tenten loɡɛ kandea da. Le o mun ta kaa o nyundua chɛ kɛŋɔ ó ɛ suuɡaswɛm beŋkpoŋ. Ɛ o numoli á do kɛŋɔ daa fee yon pili la, dɛ́ ɛ anɔ la aa jaa bwa do kandea daa la ta suuɡaswɛm beŋkpoŋ la ne.

1 Samoɛl 1:9

Awola bɛl, ba di saraha kondikwaa bwɛjen Silo bela tonɛ, asɛ Hana ir dɛ kaa soŋe Korowii. Dɛ sɔfo Eli soɡe kara ta Korowii Dea doonyoa la jwɛh.