1 Samoɛl 2:1 - mzwDBL

¹ Anee Hana jam Korowii ŋɔ, “N Naa Korowii, he ɡelɔ n sie lɛ kohona, n sie lɛ waa haa ɛa wa! He ɡelɔ n sie lɛ mɛɛ mamɛ n dɔma, lɛɛ haa lɛɛ mɛ la wa.

1 Samoɛl 2:1 Referans Kwoze

Yela 13:5

N kpɔ n te dawɛ he nyina waa wola jaɡa dɔe la ta, n sie dɛ lɛ, lɛɛ haa dɛ lɛɛ mɛɛ la ta.

Felepae 4:6

He bɛ ɡel wobɛlbwa ha heya, kɛ hé kpɔ wobɛlbwa dɛɛ do Korowii nɔn ta dɛɛ soŋo waa aa hiah heya, dɛ́ɛ jaamo kɛ waa dɛ no he wesoŋa.

Yela 92:10

He ɡelɔ n do kpeɡri kɛŋɔ kpɔɡ bini nabal, dɛ swee mɛ andɛɛɡa, dɛ ɡel n dɔ silɛɛ.

Yela 89:17

Henee tɛɛ ba he kpeɡri ne jirima kohona, he cheɡɛ he nyina ta dɛ ɡel ya pɔ ya dɔma nɛ.

Felepae 4:4

Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ.

Yela 20:5

Ásɛ ya kpɔ silɛɛ moo, pɔe haa pɔ ya dɔma nɛɛ la wa, dɛ́ ir ya fraŋkaare, Korowii yaa dɛ tomɛ sɔn ta. Kórowii no he wesoŋa bwa.

Yela 9:14

ásɛ n che Jerusalam tena bwa sie, dɛ́ bol ba be waa bwa haa ɛa. Mɛɛ hɛɡroo, lɛɛ haa lɛɛ mɛ la wa.

Yela 35:9

Ásɛ Korowii nomanta, n sie lɛ, dɛɛ hɛɡre, o lɛɛ waa lɛɛ mɛ la wa.

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

Tɔn Pɔɔl Aa Chwerɛ Rom Tena 5:11

A ɡbo laa. Ya sie lɛ Korowii nɛɛ kohona ya Dɔɔ Yeesu Kristo nomanta. O nɛɛ a che ya ne Korowii pɛ.

Habakuk 3:18

Korowii nomanta, mɛɛ hɛɡroo, n sie lɛ Korowii waa ɛ n Lɛɛ la nɛ.

Yela 118:14

N bokpeɡa maa dɔa ne n kpeɡri bwa le Korowii be, onee nɛn waa dɛ lɛɛ mɛ.

Yela 89:24

N nyina aa wola jaɡa dɔe la nee mɛɛ ba o nyina, ásɛ o che n sɔn ta pɔ o bala nɛ.

Kaala 15:21

Asɛ Miriam ɡo yel dɛ ŋɔ, “Hé ɡo yela kpɛɛ Korowii. O lɛ sɔn kohona ɡa. O kpɔ jaɡre ne nɛra baa soɡe a ta bwa ka ta mpo bini.”

Kaala 15:1

Belaa Mosis ne Israel tena la ɡo yel kpɛɛ Korowii ŋɔ, “Mɛɛ ɡo yelee kpɛɛ Korowii, dɛkalkɛ o lɛ sɔn kohona. O kpɔ jaɡre ne nɛra baa soɡe a ta bwa ka do mpo bini.

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.

Yela 51:15

N Naa Korowii, cha mɛ ń won waa bola, ásɛ n won kpɛɛre.

Yela 18:2

N Naa Korowii, he do kɛŋɔ Bwetal, maa chwaa kaa marɛ, ne danjwɛkpeɡ hɛɛ lɛɛ mɛ. Korowii maa dɛ tomɛ, he do kɛŋɔ Bwetal, maa chwaa kaa marɛ. Henee dɛɛ tɔ mɛ ɡbemɡbe, dɛ ɛ n kpeɡnɛn.

Habakuk 3:1

Korowii keame Habakuk waa waa soŋe Korowii nɔ.

Yela 75:10

Wɛɛ sɔɔh kpeɡri nɛnchɔɡa aa dɛ di la nyoaa, kɛ nɛra ba wa aa toɡra te, wɛɛ berɔ tɛɛ ba bokpeɡa.

Yela 71:8

Tɔpebir bwaa mɛɛ kpɛɛre, dɛɛ baɡle ɡɛ he jirima aa doa.

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”

Amanesoma Luk Aa Chwera Tɔn 1:69

O tɛ yaa nɛnjen o le o bonɔɔ Devid dea, dɛ ŋɔ ó ba lɛ yaa.

Nehemia 11:17

Mika bibaa Matania, o nabaa sɔne Sabdi, o ɛ Asaf naa. Dɛ Asaf nɔɔ dɛɛ tɔ yelɡoola sie Korowii Dea baa ɡo jam yela dɛɛ kpɛɛ Korowii, ne Bakbukia, onee ja Matania nɛɛ dɛɛ chao, ne Samoa bibaa Abda, o nabaa aa ɛ Galal o ɛ Jedutun naa.

Mmarare 33:17

O kpeɡri kɛŋɔ nabal ken, o nyeɡlare do kɛŋɔ kpɔɡ bini nao. O nyeɡlare laanee Manasɛ dea nɛra kaɡboŋ bokpeɡa, Efrem dea nɛra ɡe kaɡboŋa fi bokpeɡa. A nee wɛɛ chuɡe harɛre nɛra, dɛ taɡ ba kaa tel harɛ jaɡa.’

Job Tɔn 16:15

N tɔ lweyal dɛɛ wi, Korowii pɔ n nɛɛ n so bomboɡ ta.

Yela 148:14

O ɡelɔ o nɛra Israel tena ba waa aa toɡra, waa do o bambile ta kohona, ásɛ ba bwa kpɛɛro. Hé kpɛɛ Korowii!

1 Samoɛl 1:6

Waa wola bii dɔe nomanta, Penina waa ɛ o toŋre la yon dɛɛ ɛo sisawa dɛɛ muɡli o baah.

1 Samoɛl 1:7

Bena bɛlbwaa Penina na dɛɛ ɛo ɡɛ waa nɔ. Saŋ bɛlbwa baa la Korowii Dea kaa tomɔ la, o yon muɡli o baah ó wi, hale dɛ́ vɛh kondikwaa kwaraa dii.

2 Webena 20:27

Ate, Kooro Jehosafat tɔ o laa tena sie, asɛ ba berɛ ba Jerusalam silɛɛ ne, dɛkalkɛ Korowii ɡelɔ ba pɔ ba dɔma nɛ.

Yela 21:2

He tɛo kwaa o bambile aa lawa, he sɛh waa waa soŋa ta tɛo.

Yela 89:18

N Naa Korowii, henee dɛɛ tɔ yaa ɡbemɡbe, henee Israel Nɛŋɡoroŋ, dɛ le ya kooro tɛ yaa la.