1 Samoɛl 1:3 - mzwDBL

³ Bena bɛlbwaa Ɛlkana yon le o bwɛɛ Rama kaa bwɛjen Silo, dɛ́ ka tomɛ Korowii Waa Ɛ Koranar Bwa Kooro dɛ kpoo kwaa ɛ saraha tɛo. Dɛ Eli ɛ sɔfo, dɛ dɔ bibaala banɛ bane ba ɡe aa ɛ sɔfore. Bɛl sɔne Hofni nɛɛte ɡe Fenehas.

1 Samoɛl 1:3 Referans Kwoze

Amanesoma Luk Aa Chwera Tɔn 2:41

Bena nyoa bɛlbwaa Yeesu nya ne o mɛɛ la Jerusalam dɛ kaa di ba tɔpejen baa dɛ yerɔ Galekaa la.

Josua 18:1

Israel tena aa yo harɛ la tonɛ la, ba bwa kaa cheme bwɛjen Silo ta, belaa sɔfore la ne ba bala baŋre Korowii Dea Cheremibɔr,

Kaala 34:23

Kera atoroo chɛ kɛ baa bɛlbwa ba n sie benanyoa bɛlbwa men Nemenɛ Korowii Israel tena aa dɛ tom mɛ la sie.

Kaala 23:14

Hé di tɔpejena atoro benanyoa bɛlbwa n sɔn ta.

1 Samoɛl 1:21

Bena bɛl telo ja kɛŋɔ Ɛlkana ne o haahna ne bii kaa bwɛjen Silo ka ɛ benanyoa saraha tɛ Korowii, ásɛ dɛ ka chuɡri o nyobaɡa la ɡe.

1 Samoɛl 1:9

Awola bɛl, ba di saraha kondikwaa bwɛjen Silo bela tonɛ, asɛ Hana ir dɛ kaa soŋe Korowii. Dɛ sɔfo Eli soɡe kara ta Korowii Dea doonyoa la jwɛh.

Mmarare 16:16

Benanyoa bɛlbwa, a chɛ kɛŋɔ baa bɛlbwa la bela Korowii aa lea tɛ heyaa ŋɔ hɛɛ tomɔ la, dɛ́ ka tomɔ kera atoro. Paanoo Iisi Aa Wola Toole a ta Tɔpejen la ne Koo Kondikwaa Koma Tɔpejen ne Kukure Tɔpejen la ta. Nomɛlbwa bɛ nɔŋɡbayeeɡa ne bela la,

Sitɔɔla 18:31

Gɛ saŋ Korowii Tɛnte Dea aa lɔ Silo la bwa, dɛ ba ta teŋɔ dɛɛ tomɛ voɡa Maeka aa ɛa la.

Yela 78:60

O ɡel o Tɛnte Dea waa lɔ Silo, waa ɡela ba baŋro o ɛ o dobɔr harɛ nɔ ta la.

1 Samoɛl 4:11

Filisti tena kpɔ Korowii Ne Nɛwɛnyina Fɔo Daka la, dɛ kpo sɔfo Eli bibaala Hofni ne Fenehas ɡe.

1 Samoɛl 4:4

Anomanta, ba tomɛ baala ba la Silo, dɛ ka kpɔ Nemenɛ Korowii Ne Nɛwɛnyina Fɔo Daka le bela Korowii Waa Ɛ Koranar Bwa Kooro aa soɡe Kerobim la doa o kookara ta la ba. Eli bibaala banɛ, Hofni ne Fenehas, teŋɛ Daka la nɛɛ dɛ ba.

1 Samoɛl 3:13

N tɔ sie ɡel o jemɛ kɛŋɔ mɛɛ tɛr o ne o dem tena deŋnee o bibaala waa baa bola yaɡ mɛ la wa, dɛkalkɛ o ta ban kasinteŋ dii.

1 Samoɛl 2:34

Waa aa pu he bibaala banɛ Hofni ne Fenehas laanee kɛ, ba bwa ɛɛ pɛo sewɛ tɔpebeŋkpoŋ, ásɛ he jemɛ kɛŋɔ waa maa bola la ɛ kasinteŋ.

Kaala 23:17

Kera atoroo chɛ kɛ baa bɛlbwa ba men Nemenɛ Korowii sie benanyoa bɛlbwa ɡɛ tɔpejena nɔ ta, dɛ́ ba tom mɛ.

Sitɔɔla 21:19

Kɛ hé no! Ya dɛ ba tɔpejen bɛl dii Silo waa lɔ Bɛtel weekaŋle nyundua, ne ŋwɛnɛ waa lɔ Bɛtel ne Sɛkem wee leebɔr, ne Lɛbɔna weekaŋle harɛbɔr.”

1 Samoɛl 2:19

Bena bɛlbwa, o nya ne o mɛɛ dɛ́ la ka ɛ saraha tɛ Korowii Silo aa, o nya yon nyarɛ batakaarebora ka tɛo.

1 Samoɛl 14:3

dɛ sɔfo Ahija do sɔfo batakaarebora efɔd dɛ ja ba nɛ. Baa bɛl waa ɛ Ikabod dɔɔ Ahitub biee on, Ahitub ɡe mɛɛ Fenehas. Ahitub nabaalee Sɔfo Eli, dɛ o lɔ Korowii sie dɛɛ tomɔ Silo. Dɛ nomɛlbwa aa jemɛ kɛŋɔ Jonatan le ba bini kaa.