1 Samoɛl 1:2 - mzwDBL

² Dɛ Ɛlkana mo haahna banɛ. Bɛl sɔne Hana, asɛ nɛɛte ɡe Pɛnena. Pɛnena dɔ bii, asɛ Hana te ta bie dɔe.

1 Samoɛl 1:2 Referans Kwoze

Amanesoma Luk Aa Chwera Tɔn 1:7

Sekaria moo, ba bwa ba hwɛɛh, kɛ dɛ ba ta bie dɔe, dɛkalkɛŋɔ dɛ Ɛlesabɛt ɛ hambara.

Matiu 19:8

Yeesu chaŋ ba ŋɔ, “He bambikpeɡ waa Mosis tɛ heyaa ŋwɛnɛ ŋɔ hé chwerɛ tɔn tɛ he haah dɛ́ vɛoh la. Gɛ laa a faa do wubwa.

Sitɔɔla 13:2

Dɛ baa bɛl sɔne Manoa dɛ le bwɛɛ Sora, dɛ do Dan dea tena harɛ ta. Dɛ o haah ɛ hambara.

Sitɔɔla 8:30

Dɛ o haahna warɔ, anomanta, o bibaala lɔ fifraanuanɛ.

Mumpar 29:31

Belaa Korowii aa naa kɛŋɔ o dɛ nyin Rakɛl waa dɛ ɡwaa Lea la, o tɛ Lea lol asɛ Rakɛl te ɛ hambara.

Mumpar 25:21

Dɛ hambaraa. Asɛ Aesek soŋe Korowii o haah Rebɛka kpoŋe tea.

Mumpar 4:23

Awola bɛl, Lamɛk ŋɔ o haahna la be ŋɔ, “Ada ne Siila, hé cheɡ deŋne no n waa nɔ. N haahna, hé no n be! Bonɔɔ bɛl do mɛ bol, asɛ n kpoo.

Amanesoma Luk Aa Chwera Tɔn 2:36

A ɡɛ saŋ la, dɛ luhaah bɛl lole dɛ ɛ Korowii keame, baa yerɔ Hana. Dɛ Fanoɛl bihaahnee on, asɛ o le Aasa dea. Dɛ o hwɛɛhrɔ. O yalɔ o toli saŋ, o ne o jaa so bene anuanɛ asɛ o jaa la ba sewɛ.

Mumpar 4:19

Asɛ Lamɛk aa baa ir la, o mo haahna banɛ. Bɛl sɔne Ada asɛ nɛɛte la ɡe sɔne Siila.

Mumpar 11:30

Dɛ Sarai te ɛ hambara o ta bie dɔe.