1 Samoɛl 1:10 - mzwDBL

¹⁰ Dɛ o bambile chɔɡɔ kɛrɛdɛ, o wi dɛɛ soŋe Korowii.

1 Samoɛl 1:10 Referans Kwoze

Job Tɔn 7:11

Anomanta, maa nyoa tɔ, mɛɛ che n weweele taa, dɛ́ bol waa sum ne.

Amanesoma Luk Aa Chwera Tɔn 22:44

O tea bini aa chɔɡa kohona la, o soŋe Korowii siswɛm ne, asɛ bɔwɔb le o nɛɛ dɛ kor dɛɛ lee kɛŋɔ chal ken.

Job Tɔn 10:1

Job berɔ bol Korowii be ŋɔ, “N soɡa bini pe mɛ, mɛɛ bol waa maa wola ɔmɛ. No n tebinichɔɡ waa nɔ.

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Hibru 5:7

Yeesu aa lɔ harɛ ta la, dɛ wii ne siniire nee wɛɛ soŋe komɛlbwa dɛɛ le Korowii be. Dɛ Korowii dɔ kpeɡri dɛ leo seo ta. Waa pwɛra dɛɛ no Korowii deŋna waa la nomanta, dɛ Korowii dɛ no o wesoŋa.

Aesaya 54:6

He do kɛŋɔ bitolo o jaa aa vɛoh aa we o nɛɛ kohona.” Kɛ Korowii yerɛ ŋɔ he ba o be, dɛ ŋɔ,

Sitɔɔla 21:2

Israel tena la Bɛtel dɛ ka so Korowii sie dɛ kpɔ takpeɡ wi noo kohona ka tel jɔmɔra.

Wiile 3:15

Waa aa do kpeli ɡboo o kpɔ tɛ mɛ. A ɛɛ mɛ kondikwaa ne nee mɛɛ nyɔ.

Jeremia 22:10

Juda tena, he bɛ Kooro Josia wi, he bɛ o lwe kwaraa ɛ. Kɛ hé wi tɛ o bibaa Joahas kohona, dɛkalkɛ baa lawɔɔ kaa bojaŋ harɛfale ta waa wola berɛ ba kpa, waa harɛ baa lolɔ o taa na kpa.

Aesaya 38:15

Ń bol ameo? Korowiirii bol a waa n be, dɛ ɡbaɡba berɛ ɛa. Suna aa lɔ n bambile bini nomanta, maa won dom chɔ.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Job Tɔn 9:18

Waa ɡel ń won hwee ɡba, dɛ́ kpɔ suna dii ta n nɛɛ kohona.

2 Koranar 20:3

“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

Rut Tɔn 1:20

Asɛ o chaŋe ŋɔ, “He bɛ men Naomi yerɛ. Hɛɛ yer mɛ Mara dɛkalkɛ Korowii Waa Ɛ Kpeɡri Bwa Dɔɔ ta ɡelɛ n sie lɛ n soɡa bini.

Jeremia 13:17

Kɛ dɛ he vɛh o waa la noe yaa, sɔeh mɛɛ ba sɔeh dɛ́ wi, he mbarafo wa. Mɛɛ wiu kohona siniire yɔɔ mɛ, lawa baa lawɛ Korowii nɛra laa ta kaa bojaŋ harɛ ta la wa.

2 Samoɛl 13:36

O nyoa aa dena dɛɛ chiɡ, dɛ Kooro Devid bibaala la ɡe deno baa jo dɛɛ wi kohona. Kooro ne o bonɔɔna la bwa ɡe wio kɛrɛdɛ.

Mumpar 50:10

Ba baa tel Atad mea lɔbɔr. O lɔ Jɔɔdan Moo wee leebɔr, asɛ ba wi bela kohona. Josef ɛ o mɛɛ lwe tɔpera anuanɛ.

2 Samoɛl 17:8

He ɡbabir jemɛ ɡɛ he mɛɛ ne o laa tena aa kpeɡa dɛ won yoi. Ba kpeɡri dɛ do ɔma kɛŋɔ sisire hansɔɔh baa pa o bii kaa ken. He mɛɛ jemɛ yoi waa kɛrɛdɛ, waa sɛh so o ne o laa tena so jwaana beŋkpoŋ ɡba.

1 Samoɛl 1:9

Awola bɛl, ba di saraha kondikwaa bwɛjen Silo bela tonɛ, asɛ Hana ir dɛ kaa soŋe Korowii. Dɛ sɔfo Eli soɡe kara ta Korowii Dea doonyoa la jwɛh.

1 Samoɛl 1:11

Belaa Hana baɡɛ Korowii nyoa ŋɔ, “Nemenɛ Korowii, na n sum, bɛ n waa soh. No he tolo wa, dɛ́ tɛ mɛ bibaa, ásɛ n leo cheɡ tɛɛ o soɡa bini bwa, baa o nyumpon beŋkpoŋ kwaraa fonɛ bwa.”

Sɛɡla 14:10

Nomɛlbwa toole dɛ jemɛ waa aa dɛ ha o dɔŋ, kɛɛ ɡɛ o silɛɛ aa doa.

Mumpar 30:1

Rakɛl aa naa kɛŋɔ o ta bie lolɛ tɛ Jekɔb la, o mee Lea dɛ ŋɔ Jekɔb be ŋɔ, “Gel n lolɛ bii, dɛ ɡɛ laa aa, amɔ te mɛɛ sewɔɔ.”