1 Pita 4:5 - mzwDBL

⁵ Anɔ bwa baa dɛ ɛ nɔ, baa ba tɔh ba nyoa Korowii siee. O kpɔ o te dɛɛ ba weera ne lala bwa waa bola dɛ́ pa bole.

1 Pita 4:5 Referans Kwoze

Jems 5:9

Yabala, he bɛ dɔŋa waa dɛɛ naɡre ásɛ dɛ ba di bolchɔɡe Korowii sie. Ya bole pae dɛ tel.

We-ɛɛla 10:42

Onee le yaa dɛ ja yaa ŋɔ yá bol o waa baɡle nɛra bwa, dɛ́ di danseɛ kɛŋɔ onee Korowii le ŋɔ ó ba di weera ne lala bwa wa.

2 Timoti 4:1

N cheɡɛ N Naa Korowii ne Yeesu Kristo waa dɛ ba ba bol weera ne lala waa dɛ́ pa bole la sie, dɛ koh kora waa dɛ ba ba di la waa dɛɛ ŋɔ he be sibeɡra ne ŋɔ,

We-ɛɛla 17:31

dɛkalkɛŋɔ o do tɔpere waa dɛ ba nɛwɛnyini bwa waa bola kasinteŋ ne la. O le nɛn wɛɛ ba waa la bola. O ir naate seo ta ásɛ nɛra jemɛ kɛŋɔ kpelaa o waa la.”

Matiu 12:36

N dɛ ŋɔ he be ŋɔ, wesale bɛlbwa nomɛlbwa aa bola la, wɛɛ baɡle a munii awola Korowii aa ba dɛ́ ba bol nɛra bwa waa dɛ́ pa bole la.

Amanesoma Luk Aa Chwera Tɔn 16:2

Anee suuɡate la tomɛ nɛn o ka yerɛ o bonɔɔ la, asɛ o ŋɔ o be ŋɔ, ‘N dɛ no waane kɛ he dɛ di n suuɡa. Ka kpɔ he tɔn ba, dɛ́ ba baɡ mɛ suuɡa aa jo he nɔn ta, ne ɡɛ haa ɛ a ne, ásɛ dɛ kpɔ n kwaa do n nɔn ta, dɛkalkɛ maa ɡel he nyiŋi n kwaa ta kpa.’

Ɛsekeɛl 18:30

Anomanta, he Israel tena, mɛɛ bol he waa beŋkpoŋa beŋkpoŋaa ɡɛ haa ɛa. Hé charɛ he liire le he wechɔɡa bwa ta, dɛ bɛ naa a ta lɔ. Men Nemenɛ Korowiirii bola.

Wejereme 12:14

Wobɛlbwa yaa dɛ ɛ la, Korowii ɛɛ bol a waa, dɛ́ pa bole, andɛɛɡa ne anchɔɡa bwa, hale anɔ la aa sɔah bwa.

Yela 1:6

Korowii dɛ nyiŋi nɛra ba wa aa toɡra nɛ, kɛ nɛnchɔɡa ŋwɛnɛre te, a dɛ kaa ba ne seo ta.

Tɔn Pɔɔl Aa Chwerɛ Rom Tena 14:9

Yeesu Kristo seo waa sewa dɛ ir la, o ɛ ɡɛ dɛ ɛ weera ne lala bwa dɔɔ.