1 Pita 4:10 - mzwDBL

¹⁰ Kpeɡri bɛlbwa nomɛlbwa aa dɔa la, Korowiirii kpɔa chao ŋɔ ó kpɔ dɛɛ ɛ o Korowii toma. Anomanta, bɛ́lbwa nyiŋi o toma ta kɛrɛdɛ, dɛ́ kpɔ dɛɛ cha o bala.

1 Pita 4:10 Referans Kwoze

Amanesoma Mak Aa Chwera Tɔn 10:45

dɛkalkɛŋɔ Men Nɛn Bie kwaraa ta balɛ kɛ nɛ́ra baa tom mɛ. N te balɔ dɛ́ ba tomɛ nɛwɛnyini, dɛ́ kpɔ n nyu charɛ nɛndamanta mkpa.”

Hibru 6:10

Korowii ta nɛn waa wola waa ɛ aŋwɛnɛ ta ɛɛ, á ba ɛ kɛŋɔ wɛɛ soh he tondɛɛɡa haa dɛ ɛ, ne ɡɛ haa dɛ nyinu dɛ koh a waa cha o nɛra dɛ ta ɛɛ cha ba la waa.

1 Kɔrent 15:10

Kɛ Korowii sune n nɛ, dɛ cha mɛ. Chae waa cha mɛ laanee ɡela n do ɡɛ maa doa nɔ la. O suna waa sune n nɛɛ la ta pɛɛ ɛɛ. N iro, asɛ dɛɛ ɛ o toma la kohona hale dɛ ɡwaa n bala toroma la kwara. N ɡbaɡba kpeɡri ne laa mɛɛ ɛ toma nɔ. Korowiirii sune n nɛɛ dɛ cha mɛ, asɛ mɛɛ ɛa ɡɛ la.

1 Kɔrent 3:10

Korowiirii cha mɛ n won ɛ toma kɛŋɔ nɛn waa jemɛ dea mae kɛrɛdɛ la, dɛ pa dea la mun, asɛ nomɛl ɡe ba ma dɛɛ chɔŋɛ. Kɛ bɛlbwa nyiŋi kɛrɛdɛ ɡɛ waa maa dɛɛ chɔŋɛ.

Ɛfesos 4:11

Onee kɛ nɛra kwaa la. Kwaa waa kɛ nɛra laanee nɔ. O cha bane ba won che o kpeɡri ta dɛ ɛ o toroma, dɛ cha bane ba won che o kpeɡri ta dɛ bol o wa, dɛ cha bane ɡe baa bol o Amanesoma la. O cha bane ɡe baa nyiŋi o nɛra nɛɛ dɛɛ baɡ ba o ŋwɛnɛ ta teŋa.

Tɔn Pɔɔl Aa Chwerɛ Rom Tena 15:27

Ba sie lɛo kɛŋɔ baa ta kwaa la. Kasinteŋ, baa won jam Jerusalam Korowii nɛra la ka tonɛ, dɛkalkɛŋɔ ɡɛ Korowii aa cha Israel tena asɛ nɛra baa wola Israel tena ɛɛ di ba tɔnɔ la, ɡɛɛ a chɛ kɛ dɛ nɛra baa wola Israel tena ɛɛ la ɡe dɔ harɛ bonɔ kwaa aa, Israel tena ɡe di ba tɔnɔ.

Taetos 1:7

dɛkalkɛŋɔ, a chɛ kɛ nɛn waa dɛ tɔ asɔre tena sie la ɛ nɛndɛɛɡe nomɛlbwa aa wola o wechɔɡee dɔ bol bwa, waa ɛ Korowii bonɔɔ nomanta. A chɛ kɛ o ɛ nɛn waa wola o te baɡle, dɛ lɛ nɛn kon dɛɛ ja o kon ta, o baah aa wola di warawara, waa wola sennyɔdɛɛ ɛɛ, waa wola naɡra nyin, o siwi aa wola suuɡa ta beɡre kohona.

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

Amanesoma Luk Aa Chwera Tɔn 12:42

Asɛ Yeesu chaŋo ŋɔ, “Bonɔɔ waa dɔ kasinteŋ dɛ dɔ liire la nɔn taa o dɔɔ kpɔ o dem tena dɛɛ do, dɛ ŋɔ bɔr dɛ maɡre aa, ó tɛɛ ba kondikwa.

1 Kɔrent 4:7

Umee ŋɔ he be ŋɔ he ɡwaa bane ɔ? Wobɛlbwa haa jema la, Korowiirii tɛɛ. Bɛ nyoa dɛɛ ta a do kɛŋɔ Korowii laa kpɔ waa haa jema la kɛɛ.

Amanesoma Luk Aa Chwera Tɔn 19:13

Waa dɛ ba kaala la, o yerɛ o bonɔɔna fi, dɛ tɛ bɛlbwa suuɡaswɛm bwe, dɛ ŋɔ ba be ŋɔ bá kpɔ dɛɛ di bona ka tel ɡɛ saŋ waa ba.

Amanesoma Luk Aa Chwera Tɔn 8:3

Bɛl ɡee Joana waa ɛ Kusa waa ɛ nomoa dɛɛ nyiŋi Kooro Hɛrɔd dem la haah, ne Susaana ne ba bala bane baa wara dɛ teŋɛ Yeesu ne o habɔteŋra la nɛ, dɛ kpɔ ba ɡbaɡba suuɡa dɛ yawɛ kwaa tɛɛ ba baa di la.

2 Kɔrent 6:1

Ya ne Korowii bwa aa pɛa dɛɛ ɛ toma nɔ, ya dɛ soŋe heyaa kɛŋɔ Korowii aa na he sum dɛ cha heyaa nɔ, he bɛ ɡel a ɛ pɛɛ.

Tɔn Pɔɔl Aa Chwerɛ Rom Tena 15:25

Taraken nɔ, kwaane nee mɛɛ ba ń ba kaa ka tɛ Korowii nɛra ba wa aa toɡra dɛ do Jerusalam.

Matiu 25:44

Ásɛ ba ɡe chaŋo ŋɔ, ‘Ya Dɔɔ, bɛweeree ya na kɛ lɔr ne nyɔɡre dɛ kpoe, kɛɛ he ɛ hɔɔh, kɛɛ dɛɛ valɛ mumɡbal, kɛɛ he bwara wee, kɛɛ ba doe dea, asɛ ya ta balɛ dɛ ba chae nɔ?’

Matiu 20:28

Dɛ ŋɔ, “Men Nɛn Bie ta balɛ kɛ nɛ́ra tom mɛ. N te balɔ dɛ́ ba tomɛ nɛra, dɛ́ ɡarɛ kpɔ n nyu charɛ nɛndamanta mkpa.”

2 Timoti 1:18

Ya Dɔɔ laanee dɛ na o sum o bala tɔpere la ta. Henee jemɛ koeh damanta waa koh n nɛɛ Ɛfesos.

Matiu 24:45

Bonɔɔ waa dɔ kasinteŋ dɛ dɔ liire la nɔn taa o dɔɔ kpɔ o dem tena dɛɛ do, dɛ ŋɔ bɔr dɛ maɡre aa, ó tɛɛ ba kondikwa.

Matiu 24:14

Baa bol Korowii Kora Amanesoma nɔ waa harɛ nɔ ta bobɛlbwaa, ásɛ nɛwɛnyini te bɛlbwa no mɔɔ waa bwa jaɡa saŋ la tel.”

2 Kɔrent 9:1

A ta hiaih kwaraa kɛŋɔ n chwerɛ heyaa chae asɔre tena aa dɛ cha Korowii nɛra ba wa aa toɡra dɛ do Juda harɛ la wa.

Matiu 24:21

dɛkalkɛ, dɛ le harɛ nɔ mumpar bwa ba le fini, wahala aa dɛ we dɛ do ɔma ɡɛ dɔŋ ta chiɡe bwa. Asɛ wahala aa do ɔma ɡɛ dɔŋ ɡe aa chiɡ kpa bwa.

1 Pita 5:10

Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.

1 Pita 5:12

Silasee cha mɛ n chwerɛ heyaa tɔmbora nɔ la. N jemɔ kɛ o waa dɔ kasinteŋ ya teŋa yaa dɛ teŋɛ Yeesu Kristo nɛɛ nɔ ta. N dɛ nyin he jemɛ ɡɛ aa chɛ kɛ hɛɛ ɛ, dɛ́ jemɛ kɛŋɔ ɡɛ n fa aa baɡle heyaa chae Korowii aa sune ya nɛɛ dɛ cha yaa la, a ɛ kasinteŋ. Hé den lawɛ a bini kiŋkiŋ.

Matiu 25:17

Gɛ tentenee onɔ la waa dɔ bɔre anɛ la ɡe berɛ dɔ a dɔŋa ja o kwaa ta.