1 Pita 3:10 - mzwDBL

¹⁰ Ba chwerɔ do Korowii Tɔn bini ŋɔ, “Nomɛlbwa waa dɛ nyin mkpajaŋ, dɛɛ nyin kɛ o bwara sɔɔhno la, wɛ́ɛ nyiŋi o nyoa kɛrɛdɛ. O bɛ wobochɔɡa dɛɛ bol, o bɛ nyosone dɛɛ teŋe.

1 Pita 3:10 Referans Kwoze

Jems 1:26

Dɛ nomɛl dɛ lii kɛ o ɛ Korowii torome, dɛ o ta nyotɔɡbom dɔe yaa, o dɛ neɡre o nyu. Naate Korowii toma la ɛ pɛɛpɛɛ.

1 Pita 2:22

“O ta wechɔɡa ɛɛ bwa. Nyosonwaa ta o nyoa leɛ bwa.”

1 Pita 2:1

Anomanta, hé le wechɔɡa bɛlbwa kɛŋɔ dɔŋa neɡra bɛlbwa, ne nɛra sie nyiŋa dɛɛ ɛ wa, ne bɔweela dɛ nɛra waa bola bɛlbwa sese ta.

Wepila 14:5

Ba ta nyosone teŋe bwa. Wechɔɡa bɛlbwa ɡe toole ba nɛ.

Amanesoma Jɔn Aa Chwera Tɔn 1:47

Yeesu aa na Nataaneɛl wɛɛ ba o be la, o ŋɔ, “Israel te tentenee nɔ. O waa dɔ kasinteŋ kɛrɛdɛ!”

Amanesoma Jɔn Aa Chwera Tɔn 12:25

Nomɛlbwa o siwi aa swɛɛ harɛ nɔ ta silɛɛ kwaa ta la, wɛɛ paŋɛ o nyuu. Asɛ nomɛlbwa ɡe o siwi aa wola harɛ nɔ ta silɛɛ kwaa ta lɛ la, wɛɛ dɔ o nyuu dɛ dɔ Korowii mkpa aa wola jaɡa dɔe la.

Sɛɡla 8:35

Nomɛlbwa waa na mɛ la dɔ mkpa, Korowii tea ɛɛ too o nɛɛ.

Sɛɡla 3:2

aa ɡeloo he dɔ mkpajaŋ, dɛ́ berɛ ɡel he soɡa bini do wer.

Matiu 19:17

Anee Yeesu ɡe berɛ pɛɛro ŋɔ, “Ɛrɛ waa hɛɛ pɛɛ mɛ wedɛɛɡa ɛɛ waa nɔɔ? Korowii ɡbosoo ɛ nɛndɛɛɡe. Kɛ dɛ he dɛ nyin kɛŋɔ he dɔ mkpa aa wola jaɡa dɔe bwa te naa, dɛɛ ɛ waa Korowii Mmarare la aa dɛ chaɡle la.”

Sɛɡla 4:22

A ɛ mkpa dɛ tɛ banɔ la baa dɛ no a mun, dɛ berɛ dɛɛ tɛɛ ba bokpeɡa.

Sɛɡla 3:18

Nɛra baa dɔ wejema la, ba na som, o dɛ tɛ mkpa kohona.

Amanesoma Mak Aa Chwera Tɔn 8:35

dɛkalkɛŋɔ nomɛlbwa o sie aa swɛɛ harɛ nɔ ta silɛɛ kwaa ta la, wɛɛ paŋɛ o nyuu. Ásɛ nomɛlbwa ɡe waa koh n ne Korowii Amanesoma nɔ waa dɛ kpɔ o nyu ta la, wɛɛ dɔ o nyuu.

Yela 49:19

wɛɛ sewɔɔ ka pu o naawa, waa wola bɔr chaahnaa na kpa.

Yela 27:13

N dɔ hwɛɡa hen Korowii nɛɛ kɛŋɔ, mɛɛ soo, dɛ́ jemɛ he wedɛɛɡa haa dɛ ɛ.

Job Tɔn 33:28

O lɛɛ mɛ le seo nyoa, n ta so le dɛɛ na som nɔ.’

Job Tɔn 9:25

N soɡa bini tɔpera dɛ kaa warawara kɛŋɔ nɛn waa dɛ chwa, silɛɛ bɛlbwa ɡe toole a ta.

Mmarare 32:47

Gɛ waa nɔ ta wepuu ɛɛ, a ɛ waa haa che a ta dɛ́ dɔ he nyu. Hé teŋɛ a ta, aa ɡeloo he dɔ mkpajaŋ harɛ waa lɔ Jɔɔdan Moo la baŋ hɛɛ la dɛ ka so o ta la ta.”

Wejereme 2:3

N cheɡɛ n wejema ta dɛ ŋɔ mɛɛ nyɔ senee dɛ́ di n nyu. N liiro kɛŋɔ ɡɛɛ nɛra ɛɛ ba wona di ba nyuune, tɔpera tama baa dɛ ba dii harɛ nɔ ta.

Yela 106:5

ásɛ n dɔ wedɛɛɡa he nɛra aa dɛ ba dɔe la ane, n ne ba bwa dɔ silɛɛ, ásɛ n ne he nɛra haa lee ba cheɡ la hɛɡre kohona.

Job Tɔn 2:4

Bɔnsam chaŋe Korowii ŋɔ, “Nɛn dɛ nyin o nyu aa, wɛɛ won kpɔ kwaa waa dɔa bwa charɛ.