1 Pita 2:13 - mzwDBL

¹³ Hé koh ya Dɔɔ la waa dɛ́ pwɛr he te dɛɛ tɛ nomonome baa cheɡ ba harɛ bonɔ bwa, he harɛ bwa nyu waa chɔ wobɛlbwa nyoa,

1 Pita 2:13 Referans Kwoze

Taetos 3:1

Lii ba ŋɔ báa pwɛr ba te dɛɛ tɛ nomonome baa dɛ di kpeɡri te bɛlbwa, dɛɛ no ba deŋna wa, dɛ́ kpɔ ba te kɛ baa dɛɛ ɛ waa aa wera bwaa.

Amanesoma Luk Aa Chwera Tɔn 20:25

Asɛ ba chaŋe ŋɔ, “Koojen Siisaa.” Anee Yeesu ŋɔ ba be ŋɔ, “Oo. Amɔ hé kpɔ kwaa aa ɛ Koojen Siisa kwaa tɛo, dɛ́ kpɔ kwaa aa ɛ Korowii kwaa la tɛ Korowii.”

Sɛɡla 24:21

N bie, dɛɛ ɔmɛ Korowii ne he kooro, he ne nɛra baa dɛ ɛɛ ba deŋnekpeɡ bɛ pɛ dɛ́ ɛ beŋkpoŋ.

Jeremia 29:7

Hɛ́ɛ nyin wedɛɛɡa ne waa aa ɡel he soɡa bini do wer, bwɛjena maa ɡela ba lawɛ heyaa ka so a ta la ta. Hé che ba naa ta soŋe le n be dɛɛ tɛɛ ba, dɛkalkɛ dɛ ba wobɛlbwa wer dɛɛ tɛɛ ba, ba nɔn bini do wer aa, anee dɛ́ ɡel he ɡe nɔn bini do wer.

Amanesoma Mak Aa Chwera Tɔn 12:17

Asɛ Yeesu ŋɔ ba be ŋɔ, “Oo. Amɔ hé kpɔ kwaa aa ɛ Koojen Siisa kwaa la tɛo, dɛ́ kpɔ kwaa aa ɛ Korowii kwaa la tɛ Korowii.” Asɛ o waa ɛɛ ba anebɛlbwa.

Matiu 22:21

Anee ba chaŋo ŋɔ, “Koojen Siisa nyu ne o sɔnee.” Anee Yeesu ŋɔ ba be ŋɔ, “Gɛɛ a do te naa, hé kpɔ kwaa aa ɛ Koojen Siisa kwaa tɛo, dɛ́ kpɔ kwaa aa ɛ Korowii kwaa la tɛ Korowii.”

2 Pita 2:10

Nɛra ba sie aa beɡre ba bwadabii nɔ wechɔɡa aa suu nɔ pɛlchɔɡa ta, baa wola waa bu la, ba deŋnee Korowii ɛɛ ba tɛra kohona. A ɡɛ nɛra baa teŋe nyosone ŋɔ ba dɛ chaɡle waa nɔ, waa ba bambile aa lawaa baa ɛ. Ba bambile kpeɡri! Baa nyundua toroma bu. Wobochɔɡa kwaraa ba bol dɛɛ yaɡ ba!

Ɛfesos 5:21

Hé bwa ɛɛ no dɔŋa be ɔma haa dɛ ɔmɛ Yeesu Kristo la nomanta.

Sɛɡla 17:11

Nɛnchɔɡe waa dɛ nyin deŋnekpeɡ we-ɛɛla ɡbo la nɛn waa wola nɛn sum naa baa tomɛ o be.

1 Pita 2:17

Hɛ́ɛ tɛ nomɛlbwa duure, dɛɛ nyin he bala baa dɛ yarada Yeesu Kristo la. Hɛ́ɛ ɔmɛ Korowii, dɛ́ kpɔ duure dɛɛ tɛ he harɛ bwa nyu te.