1 Pita 1:8 - mzwDBL

⁸ He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.

1 Pita 1:8 Referans Kwoze

Amanesoma Jɔn Aa Chwera Tɔn 20:29

Belaa Yeesu ŋɔ o be ŋɔ, “Haa na mɛ nɔ waa he yarada mɛ nɔ kɛɛ? Nɛra baa wola men nae dɛ yarada mɛ la, ba na som.”

2 Kɔrent 5:7

dɛkalkɛŋɔ waa yaa dɛ na la ne laa ya so. Waa yaa dɛ yarada a waa la nee ya so.

Tɔn Pɔɔl Aa Chwerɛ Rom Tena 15:13

Korowii waa ɡela ya dɔ hwɛɡa Yeesu nɛɛ la, ó tɛ heyaa silɛɛ ne bansɔɔhna he yarada haa dɛ yarada Korowii la ta, ásɛ Korowii Domadɛɛɡe ɡe cha heyaa, ásɛ he won dɛɛ hwɛɡɛ Yeesu nɛɛ kohona.

Hibru 11:1

Bɔkwaa yarada ɔ? Yaradaa kɛŋɔ yaa jema kaih kɛŋɔ yaa wonoo dɔ kwaa yaa dɛ tamane a wa, dɛ jemɛ kɛŋɔ kwaa yaa wola an na siwi ne la bwa lole kpela.

Amanesoma Jɔn Aa Chwera Tɔn 16:22

Gɛɛ a do he ɡe be. Taraken te, he tea bini chɔɡɔ, kɛ maa berɛ ba na heyaa la taa he sie ɛɛ ba lɛɛ kohona. Gɛ silɛɛ la, nomɛlbwa aa won lɛ he be.

2 Kɔrent 4:18

Kwaa baa dɛ naa siwi ne la ta laa ya te sie dawɛ. Anɔ la baa wola an na la taa ya sie dawɛ. Kwaa baa dɛ naa la te, tɔpera anɛ bɛlee aa di. Asɛ anɔ la baa wola an na ɡe la, a ta jaɡa dɔe bwa.

1 Pita 1:6

Anomanta, he dɔ silɛɛ kohona, kɛ he tea bini ɛɛ chɔɡoo tama te, dɛkalkɛŋɔ Bɔnsam ɛɛ daah heyaa daahna bwa soo siwii na.

Hibru 11:27

Waa dɛ yarada Korowii la waa waa wola Ijipt kooro bandia ɔmɛ dɛ le bela, a do kɛŋɔ waa dɛ na Korowii baa wola on na la ken, o ta habɔɔ berɛ.

1 Pita 2:7

He nɛra haa dɛ yaradao ɡe be la, wɛɛ ɛ Bwedɛɛɡe o wa aa hiaah tɛ heya. Asɛ nɛra baa wola on yaradae ɡe la, wɛɛ ɛ ɡɛ baa chwera Korowii Tɔn bini laanee ba be, kɛŋɔ, “Bwe la mamaala aa vɛoh dɛ liiru konsala laanee bera ba lawɛ dea kpoŋe la.”

Felepae 4:4

Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ.

1 Pita 5:4

He dɛ ɛ ɡɛ naa, Peteɡra Bwa Dɔɔ la balaa, wɛɛ tɛ heyaa jirima kon o wer aa wola tu bwa, o ɛ kompoŋ haa yoa dɛ le ba vɔwɛ heya.

Ɛfesos 6:24

dɛ́ sune he nɛ, dɛ́ cha he banɔ la bwa haa dɛ nyin ya Dɔɔ Yeesu Kristo bambile bwa ne aa wola jaɡa dɔe la.

Felepae 1:25

Anomanta, n jemɔ kɛŋɔ mɛɛ so he bee dɛ́ won cha he bwa he kpeɡ Yeesu Kristo waa la ta, dɛ́ dɔ silɛɛ he yarada ta,

Tɔn Pɔɔl Aa Chwerɛ Rom Tena 14:17

Kondikwaa yaa dɛ di ne anɔ la yaa dɛ ki la ta wejena bɛlbwa ɛɛ Korowii Kora waa bini. Waa aa ɛ wehiah laanee kɛŋɔ ɡɛ yaa ɛ ya waa su Korowii siwi, ne waa aa dɛ ba deŋnesɔɔhna ne ya ne ya dɔŋa baah ta, ne silɛɛ aa le Korowii Domadɛɛɡe be.

Amanesoma Jɔn Aa Chwera Tɔn 14:24

Nomɛlbwa waa wola men nyin la, waa n webaɡla ta teŋɛ. Waa haa dɛ no nɔ ta n be leɛ, a bwa le n Mɛɛ waa tom mɛ la be.

Amanesoma Jɔn Aa Chwera Tɔn 8:42

Yeesu ŋɔ ba be ŋɔ, “Dɛ he Mɛɛ Korowii kpela aa, he fe dɛ nyin n wa, dɛkalkɛ o bee n le ba, dɛ do bonɔ taraken nɔ. N ɡbaɡba kpeɡri ne laa n ba, onee tom mɛ.

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

2 Kɔrent 12:4

Korowii la o ne o be, o ka no waane nɛwɛnyini aa wola won bola. Korowii ta ŋwɛnɛ tɛɛ kɛ nɛwɛnyini bola.

2 Kɔrent 9:15

Ya dɛ jam Korowii kohona. Yaa won jemɛ baɡle o koŋkɛɛle damanta waa kɛ yaa la wa.

2 Kɔrent 1:22

dɛ do yaa nso aa baɡle kɛ onee dɔ yaa, dɛ tɛ yaa o Domadɛɛɡe la wɛɛ so ya nɛ, ásɛ ya che a ta dɛ́ jemɛ waa bwa waa ɛa cheɡ yaa.

We-ɛɛla 16:34

asɛ o kpɔ ba ba o dem, dɛ ba tɛɛ ba kondikwaa ba di. Ate, o ne o dem tena bwa sie lɛ kɛŋɔ baa yarada Korowii dɛ kpɔ ba te tɛo la.

Amanesoma Jɔn Aa Chwera Tɔn 14:21

Nomɛlbwa waa lɛ n waa maa kpɔa tɛ heyaa dɛɛ teŋɛ a ta la, onee dɛɛ nyin mɛ. Nomɛlbwa waa dɛ nyin mɛ la, n Mɛɛ la ɛɛ nyinuu, ásɛ n ɡe nyin naate, dɛ́ kpɔ n te baɡlo.”

Amanesoma Jɔn Aa Chwera Tɔn 14:15

Yeesu berɔ ŋɔ, “He dɛ nyin n wa aa, hɛ́ɛ dɛɛ teŋɛ n waa maa kpɔa tɛ heyaa la taa.

Matiu 10:37

He naate haa dɛ nyin he nya ne he mɛɛ waa ɡwaa mɛ la ta chɛɛ kɛŋɔ he teŋɛ n nɛ, asɛ he naate ɡe haa dɛ nyin he bihaah ne he bibaa waa ɡwaa mɛ la ta chɛɛ kɛŋɔ he teŋɛ n nɛ.

Yelsom 5:16

O nyoa som ne moe, o wobɛlbwa wer tɛ mɛ. Jerusalam haahna, ɡɛ n sɛnodɛɛɡe aa doa mɛɛ nyinu kohona laanee la.

1 Kɔrent 16:22

Nomɛlbwa waa wola ya Dɔɔ nyin la, Korowii nyotaahna lɔ o nɛ. Ya Dɔɔ, ba!

Yelsom 5:9

Haah waa wera haahna bwa bini, he sɛnodɛɛɡe la korɛ sɛnanar bwa bini kɛɛ? Bɔkwaa ɡela o te ɡbosoroo waa korɛ, asɛ he ŋɔ ya baɡɛ nyoa ɔ?

Yelsom 1:7

N sɛno maa dɛ nyini kohona, baɡ mɛ bela he peera aa dɛ di, ne bela aa ba dɛ onɛ webaŋa. Ɛrɛɛ chɛ kɛ ń kpɔ sie sɔh yal bini, kɛŋɔ haah waa dɛ teŋɛ peteɡra bane ne ba peera nɛɔ?

Ɛfesos 3:19

O nyina waa dɛ nyin yaa la ɡwaa ya liire ta. Kɛ n dɛ soŋe Korowii he won jema, dɛ́ won dɔ o ɡbaɡba da kɛrɛdɛ ɡa dɛ́ ka tonɛ.