Biblia Todo Logo
Bib sou entènèt

- Piblisite -




1 Koranar 2:3 - mzwDBL

3 dɛɛ nyiŋi Korowii haa dɛ tomɔ la waa waa doe a ta la ta kɛrɛdɛ, dɛɛ teŋɛ o Mmarare ne waa aa dɛ baɡle ɡɛ baa chwera do Mosis Tɔn la bini la ta, ásɛ kerekere wobɛlbwa haa dɛ ɛ, ne bobɛlbwa haa la la, a do wer tɛɛ.

Gade chapit la Kopi




1 Koranar 2:3
33 Referans Kwoze  

Anomanta, hé do sie fɔo nɔ ta ásɛ wobɛlbwa haa ɛ la chiɡ heyaa kɛrɛdɛ.”


Nɛra baa dɛ nyin o waa dɛɛ teŋɛ a ta bambile bwa ne la, ba na som.


Gel n bie Solomɔn kpɔ o bambile bwa dɛɛ teŋɛ wobɛlbwa haa doo ta, ó won ma Korowii Dea maa kpɔ o laala tɛo nɔ.”


He Mmarare la do kɛ kwaa a yoɡ aa kpeɡa tɛ mɛ saŋ bɛlbwa ken, anee dɛɛ tɛ mɛ silɛɛ.


Hé lii Mmarare ne webaɡla maa cheɡɛ n bonɔɔ Mosis nɛɛ dɛ kpɔ tɛ he Israel tena bwa ŋɔ hɛɛ teŋɛ a ta Sinai Bwejen ta la.


He Mmarare bwa wer dɛ toɡre, a chɛ kɛ yá kpɔ ya te dawɛ a ta.


Korowii aa ja Devid nɛɛ nomanta, wobɛlbwa waa ɛ́ la, dɛ a maɡrɔ tɛo.


Hé nyiŋi kɛrɛdɛ dɛ bɛ Mmara Korowii bonɔɔ Mosis aa do heyaa a ta la soh. O ŋɔ hé nyin N Naa Korowii dɛɛ teŋɛ o Mmarare bwa ta, dɛɛ tomɔ he bambile bwa, ne he hweera bwa ne.”


Korowii Mmara wer, dɛɛ tɛ bokpeɡfale, Korowii waa waa dɛ do yaa a ta chɛ kɛ yá kpɔ ya te dɛɛ dawɛ a ta, a ɡelɔ banɔ la baa wola wobɛlbwa jemɛ la ɛɛ jemɛ wa.


Anomanta, Korowii ja o nɛ, asɛ wobɛlbwa waa ɛa la do wer. O ɛ Asiiria koojen dɔm, dɛ laa o te kpɔ o lɔɡa, dɛ ŋɔ waa on tomɛ kpa.


O bɔne laa tena la bini kuore ta ba so bwɛɛre ta Edom harɛ bwa, asɛ harɛ la tena bwa do o lɔɡa dɛɛ tomɔ. Korowii ja o nɛ, bobɛlbwa waa laŋa ka yo bwa.


Kooro Devid bɔne laa tena la bini ba so kuore ta Damaskɔs harɛ ta, asɛ Siiria tena la do o lɔɡa dɛ kpɔ harɛ la kwaa baa tɛo. Korowii ja Kooro Devid nɛɛ dɛ ɡel bobɛlbwa waa la ka yo la, o pɔ ba nɛ.


Filisti laa nomonome teŋɔ kpɔ ba laa tena dɛɛ la laa, kɛ saŋ bɛlbwa ba ne Devid aa yo la, o dɛ pɔ ba nɛ. Devid lɛ sɔn kohona, dɛkalkɛ Kooro Sɔɔl laa nomonome bwa bini la, dɛ onee yo laa dɛ kpoo nɛra kohona.


Kooro Sɔɔl tomɛ Devid ŋɔ ó ka ɛ wobɛlbwa naa, o dɛ ɛa kɛrɛdɛ. Anomanta, o ɛo o laa nomonjena la bini bɛl. Gɛ waa nɔ lɛ Kooro Sɔɔl nomonome ne o nɛra bwa sie.


Mosis cheme Israel tena bwa dɛ ŋɔ ba be ŋɔ, “Hé no waa maa dɛ ba bola fini nɔ kɛrɛdɛ dɛɛ teŋɛ a ta. A ɛ Korowii Mmarare waa kpɔa tɛ heya.


Anee ɛ webaɡla ne Mmarare Korowii aa kpɔa tɛɛ ba a ɡɛ saŋ baa le Ijipt harɛ ta ba habɔɔ,


Harɛ bɛlbwa ɡe toole, hale o ne o sɔn dɔe bwa, dɛ dɔ mmarare aa toɡra kɛŋɔ anɔ nɔ maa dɛ dalwe a ta nɔ bwa.


Hé na, n baɡle heyaa Mmarare bwa ɡɛ Korowii maa dɛ tomɔ aa ŋɔ n be la, ásɛ he ɡe kaa teŋɛ a ta harɛ haa dɛ la ka kpɔ ó ɛ he kon la ta.


Ate, Mosis ŋɔ Israel tena la be ŋɔ, “Hé no Mmarare bwa maa dɛ ba heyaa baɡla nɔ. Hé teŋɛ a ta dɛ́ dɔ he nyu ásɛ dɛ ka kpɔ harɛ Korowii he naawa aa tomɔ aa kpɔa dɛɛ tɛ heyaa la.


Hé soŋni Korowii Dea Cheremibɔr doonyoa tɔpera anuanɛ chɔɔ ne jwaana, ásɛ dɛɛ ɛ anɔ la aa wera o be. He vɛh ɡɛ Korowii aa do mɛ ŋɔ n bol he be la aa, sewaa hɛɛ ba sewa.”


Kooro Solomɔn teŋɛ waa o mɛɛ Kooro Devid aa ŋɔa la ta, dɛ baɡle nyina waa dɛ nyin Korowii, kɛ dɛ deŋɡarere baa dɛ tomɛ voɡa doree o ɡe ɛɛ fuh konsɔɔhsoma dɛɛ ɛ sarahare.


dɛ lɛ ba harɛre dɛ bɔne tɛ Rubin ne Gad deene tena, dɛ Manasɛ dea la pera nɛra.


Anomanta, hé nyiŋi kɛrɛdɛ dɛ́ɛ teŋɛ waa Mosis aa chwera do Korowii Mmara tɔn la bini la, dɛ bɛ ba koni.


No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.


Swiv nou:

Piblisite


Piblisite