1 Jɔn 3:20 - mzwDBL

²⁰ Dɛ ya liire pa yaa bolchɔɡe aa, Korowii ɡwaa ya liire dɛ jemɛ komɛlbwa.

1 Jɔn 3:20 Referans Kwoze

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”

Hibru 4:13

Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.

1 Kɔrent 4:4

N ta wechɔɡa bɛlbwa nae n waa bini te, kɛ a ta baɡlɛ kɛ mɛɛ di bolee. N Dɔɔ Yeesu Kristoo dɛɛ ba n waa bola dɛ́ pa bole.

1 Jɔn 4:4

N bidɛɛɡa, Korowii nɛraa heya. He pɔ keamere baa ɛ nyosonteŋna la nɛ, dɛkalkɛ Korowii Domadɛɛɡe waa lɔ he nɛɛ la, o kpeɡri ɡwaa kon waa lɔ nɛra baa dɔ harɛ nɔ ta ɡbo liire la kpeɡri.

Jeremia 23:24

Nomɛlbwa aa won ka sɔh bobɛl maa wola on na. N toole nyundua ne harɛ ta bwa naa? Men Korowiirii bola.

Job Tɔn 33:12

Job, he waa ta kasinteŋ dɔe anɔ ta, Korowii ɡwaa nɛwɛnyini.

Amanesoma Jɔn Aa Chwera Tɔn 21:17

Yeesu berɔ kwaa pɛɛro toorotena ŋɔ, “Jɔn bie Seemɔn, he dɛ nyin n waa aa?” Waa nɔ ɡelɔ Seemɔn Pita bambile chɔɡ kohona kɛ waa bera bɔɔro toorotena ŋɔ, “He dɛ nyin n waa” la. Asɛ o ŋɔ, “N Dɔɔ, he jemɛ wobɛlbwa, he ɡbabir jemɔ kɛ n dɛ nyin he wa.” Anee Yeesu ŋɔ o be ŋɔ, “Dɛɛ dɛɛ n peera.

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

Yela 90:8

Ya wechɔɡa chɔ he sie, hɛɛ na anɔ la yaa ɛa dɛɛ sɔh bwa.

Taetos 3:11

Jemɛ kɛŋɔ nɛn waa do ɡɛ la vɛh kasinteŋ waa la. O ɡbabir jemɔ kɛŋɔ o dɛ ɛ wechɔɡa ɡba, kɛ dɛ ɡe taa ɛ.

Job Tɔn 27:6

Mɛɛ che toɡra n wa aa toɡra taa kiŋkiŋ maa wola ɡel. N liire aa men bolchɔɡee pa, saŋ bɛlbwa n ta aa soɡe le nɔ.

Amanesoma Jɔn Aa Chwera Tɔn 8:9

Waa ŋɔ ɡɛ la, bɛlbwa lii o wechɔɡa waa ɛa. Bɛlbwa ta wone kpɔ kon forɔ kpa, dɛ bwa peɡre. Ba nomonomee tɔ sie dɛ kaa beŋkpoŋa beŋkpoŋa a ba tel bechale nɛɛ dɛ ba tonɛ, a ba ka Yeesu ne haah la o ta che bela ɡɛ.

Hibru 6:13

Korowii baɡɛ Abraham nyoa. Waa baɡɔ nyoa la, komɛlbwa aa wola toole dɛ ɡwaalo la, o ɡbaɡbaa o ŋwɛɛ, dɛ ŋɔ,

We-ɛɛla 5:33

Nomonome la aa no Yeesu toroma la waa nɔ la, ba bwaawee iro kohona, ba fe ɛɛ nyin kɛŋɔ ba kpoo ba.

Tɔn Pɔɔl Aa Chwerɛ Rom Tena 8:34

Aah dɛ umee dɛ́ won pa ba bolchɔɡe ɔ? Yeesu Kristo kɛɛ? Sewaa o te koh ya waa sewɛ, kɛ a ɡbo laa. O berɔ ir seo ta dɛ ka so nomombɔr Korowii diɡ ta, dɛ soŋo dɛɛ tɛ yaa.

1 Jɔn 3:19

Anɔ taa yaa ba wona jemɛ kɛŋɔ ya cheɡɔ tɛ kasinteŋ la. Anɔ taa yaa ba bambisɔɔhna dɔe Korowii sie.

1 Jɔn 3:21

Anomanta, yabala, dɛ ya liire aa yaa bolchɔɡe pa te naa, amɔ ya dɔ bambile dɛ che Korowii sie, yaa wola ɔmɛ.