1 Jɔn 2:24 - mzwDBL

²⁴ Hé kpoŋe anɔ la haa noa dɛ le mumpar la bini. Dɛ he ɛ ɡɛ naa, saŋ bɛlbwa he ne Yeesu ne o Mɛɛ bwa ɛɛ wonoo pɛ bá kpoŋe heya.

1 Jɔn 2:24 Referans Kwoze

Amanesoma Jɔn Aa Chwera Tɔn 14:23

Asɛ Yeesu chaŋo ŋɔ, “Nomɛlbwa waa dɛ nyin mɛ la, wɛɛ dɛɛ teŋɛ n webaɡla la taa. N Mɛɛ ɛɛ nyinuu, n ne o bwa ba o be ya ne o so.

1 Jɔn 4:13

Korowii Domadɛɛɡe la waa kpɔa tɛ yaa la ɡelɔ ya jemɛ kɛŋɔ kpela, yá kpɔ ya te pɛlo, ásɛ o ɡe lawɛ yaa pɛl o nɛ.

1 Jɔn 4:16

Anomanta, ya ɡbabir jemɔ kɛŋɔ Korowii dɛ nyin yaa, dɛ kpɔ siwi dawɛ o nyina la nɛ. Korowiirii nyina bwa Dɔɔ. Nomɛlbwa waa dɛ nyin nɛn la, o kpɔ o te dɛɛ pɛl Korowii, asɛ o lawɔ dɛɛ pɛl o nɛ.

Wepila 3:3

Hɛ́ɛ lii ɡɛ ba fa aa baɡle heyaa ne waa haa noa la, dɛ́ lawɛ a bini, dɛ́ charɛ he liire le he wechɔɡa ta. Dɛ he ta nyu ne iraa, mɛɛ piɡri heyaa kɛŋɔ ŋwɛɛ ken, haa wola jemɛ ɡɛ saŋ maa ba he be.

1 Jɔn 2:7

Yabala, waa nɔ maa dɛ chwerɛ heyaa nɔ ta wefala ɛɛ. Webena la yaa baɡle heyaa le mumpar la, anee ta.

1 Jɔn 1:3

Anɔ la yaa naa dɛ no laanee yaa bol he ɡe be, ásɛ he no dɛ́ ba ja ya Mɛɛ waa lɔ nyundua ne o bie Yeesu Kristo beŋkpoŋri ɛɛ la ta.

Amanesoma Jɔn Aa Chwera Tɔn 15:7

Hé kpɔ he te pɛl mɛ asɛ n webaɡla ɡe do he liire bini naa, he dɛ soŋe komɛlbwa haa dɛ nyin aa, hɛɛ dɔɔ.

Wepila 3:11

N dɛ ba taraken. Hé lawɛ waa haa jema la bini kiŋkiŋ, ásɛ dɛ bɛ ɡel nomɛlbwa won neɡre heyaa he paŋɛ kompoŋ baa dɛ ba heyaa vɔwa he yoi dɛ le ta la.

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Yela 119:11

N kpɔ he waa do n bambile bini, dɛ bɛ hen wechɔɡa ɛ.

1 Jɔn 1:7

Korowii waa aa chaahna la, dɛ ya dɛ ɛ ya waa bwa a chaah kɛ on aa, dɛ ya ne yabala pɛo dɛ ɛ beŋkpoŋ. Dɛ Korowii Bie Yeesu chal la laa ya wechɔɡa bɛlbwa dɛɛ kpɔ ya nɛ.

Hibru 3:14

Gɛ ya yarada aa doa le mumpar la, dɛ ya wono che ɡɛ kiŋkiŋ ka tel wobɛlbwa jaɡa aa, dɛ ya ne Yeesu Kristo pɛo wobɛlbwa ta.

Felepae 4:15

He ɡba jemɔ kɛŋɔ ɡɛ saŋ maa ba he be Makidoonia harɛ loɡle la dɛ bol Amanesoma la dɛɛ tɛ heyaa asɛ dɛ kpɔ bela dɛɛ kaa la, asɔre tena baa lɔ bwɛɛre la ta la bɛlbwa ta men chae. He Felepae tena ɡboo koh toma maa ɛa he bini la waa dɛ cha mɛ suuɡa ne.

3 Jɔn 1:3

Yabala bane balɔ dɛ ba bol he waa n be ŋɔ he dɛ teŋɛ kasinteŋ waa la ta. Dɛ he we-ɛɛla bwa dɛ baɡle ɡɛ. Anomanta, n baah sɔɔh mɛ taeh.

2 Jɔn 1:2

dɛkalkɛŋɔ kasinteŋ la lɔ ya bwa bambile bini. Wɛɛ do lee saŋ bɛlbwa dɛɛ la.

Hibru 2:1

Gɛɛ a do te naa, a chɛ kɛ ya do sie dɛ nyiŋi waa yaa noa la kɛrɛdɛ, ásɛ dɛ bɛ ba koni dɛ́ nyoɡre ŋwɛnɛ.

Amanesoma Jɔn Aa Chwera Tɔn 8:25

Belaa ba bɔɔro ja ŋɔ, “Henee ume o?” Asɛ o chaŋe ŋɔ, “Anee n ŋɔ he be chɔɔ bwa la.

Amanesoma Luk Aa Chwera Tɔn 1:2

Ba chwerɛ waa yaa noa dɛ le nɛra baa kpɔ siwi naa mumpar la, dɛ faa ɛ a toma dɛɛ bol Korowii Waa la.

Sɛɡla 23:23

Lawɛ kasinteŋ bini kpoŋe dɛ bɛ kpɔ ta, nyin wejema ne waa hwela dɛ waa mun noe.

Amanesoma Luk Aa Chwera Tɔn 9:44

“Hé cheɡ deŋne dɛ́ no waa nɔ maa dɛ ba he be bola nɔ, ásɛ dɛ bɛ soh! Ba dɛ ba Men Nɛn Bie lee do nɛra nɔn ta.”

Amanesoma Jɔn Aa Chwera Tɔn 6:56

Nomɛlbwa waa di n bo-ol asɛ dɛ nyɔ n chal la, n ne wɛɛ ɛ beŋkpoŋii, waa wola won daɡre o te n nɛɛ kpa.

1 Jɔn 3:24

Nomɛlbwa waa dɛ no Korowii waa la, o kpɔ o te dɛɛ pɛl Korowii, asɛ o ɡe lawɔ dɛɛ pɛl o nɛ. Korowii Domadɛɛɡe la waa kpɔa tɛ yaa la ɡelɔ ya jemɛ kɛŋɔ ya bwa ɛ beŋkpoŋ.

1 Jɔn 4:15

Nomɛlbwa waa yarada Yeesu kɛŋɔ Korowii Biee on la, dɛ naate kpɔ o te pɛl Korowii, asɛ o ɡe lawɔ pɛl o te.

2 Jɔn 1:9

Nomɛlbwa waa dɛ baɡle Yeesu Kristo waa la dɛ kpɔ o ɡbabir nyu bini liire dɛɛ ja la, amɔ dɛ Korowii ta naate nɛɛ teŋɛ. Nomɛlbwa waa jemɛ Yeesu Kristo webaɡla la dɛɛ baɡla ɡɛ aa doa la, dɛ Korowii ne o Bie la teŋɛ o nɛɛ kɛrɛdɛ.