1 Jɔn 2:22 - mzwDBL

²² Amɔ umee ɛ nyosonteŋni ɔ? Nyosonteŋnii naate waa ŋɔa Yeesu laa Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la. A ɡɛ nɛn la, onee Yeesu Kristo dɔm tenten. Onee vɛh ya Mɛɛ waa lɔ nyundua ne o Bie bwa.

1 Jɔn 2:22 Referans Kwoze

2 Jɔn 1:7

Nyosonteŋna tenten balɔ taraken. Banee wola yarada kɛŋɔ Yeesu Kristo ba harɛ nɔ ta kɛŋɔ nɛwɛnyini la. Nomɛlbwa waa wola ɡɛ yarada la, o ɛ nyosonteŋni dɛ ɛ Yeesu Kristo dɔm.

1 Jɔn 4:3

Nomɛlbwa waa dɛ tɔŋle Yeesu nɛwɛnyini ɛɛ la ta Domadɛɛɡe la dɔe le Korowii be. Kpeɡri naate aa dɔa la le Yeesu Kristo dɔm tenten la be. He noɔ kɛ wɛɛ bao. Taraken, on bala la.

1 Jɔn 2:18

N bidɛɛɡa, wobɛlbwa jaɡa saŋ telo. He noɔ kɛŋɔ Yeesu Kristo dɔm tenten la ɛɛ bao. Hale taraken o dɔma dɔɔ warɛ dɛ ba. Anomanta, ya jemɔ kɛŋɔ wobɛlbwa jaɡa saŋ telo.

Tɔn Jud Aa Chwera 1:4

Nɛra bane sɔɔh dɛ ba koo he baah haa wola jemɛ. Baa Korowii tomɛ, dɛɛ bol ŋɔ nɛra ɛɛ wonoo dɛɛ ɛ wedoŋa, dɛkalkɛ Korowii dɛ sune nɛra nɛ. Ba dɛ ɛ ɡɛ ásɛ dɛ fe dɔ bɔr che dɛ́ɛ ɛ wedoŋa baa dɛ nyin. A ɡɛ nɛra nɔ vɛh ya Nomoa beŋkpoŋ Yeesu Kristo waa dɔ yaa la kɛŋɔ ba Dɔɔree on. Saŋ la bwaa Korowii Tɔn baɡle ɡɛ Korowii aa pa ba bolchɔɡe dɛɛ ba ba deŋne tɛra.

1 Jɔn 4:20

Dɛ nomɛl hah o dɔŋ dɛ ŋɔ o dɛ nyin Korowii aa, dɛ o teŋe nyosone. Dɛ nomɛl aa o dɔŋ o ne waa pɛa wɛɛ nao la nyin aa, ɛrɛɛ ó ɛ dɛ won nyin Korowii waa wola on na nɔ?

1 Jɔn 2:23

Nomɛlbwa waa dɛ tɔŋle kɛŋɔ Yeesu Kristo laa Korowii Bie la, waa won yerɛ Korowii o Mɛɛ. Gɛɛ a do, nomɛlbwa waa sɛah ŋɔ Yeesuu Korowii Bie la, o Mɛɛɛ Korowii.

1 Jɔn 1:6

Anomanta, dɛ ya ŋɔ ya ne o ɛ beŋkpoŋ, kɛ dɛ berɛ dɛɛ ɛ biro bini wa aa, ya teŋe nyosone. Ya we-ɛɛla dɛ baɡle kɛ ya waa ta kasinteŋ dɔe.

1 Jɔn 2:4

Dɛ nomɛlbwa ŋɔ o jemɛ Korowii, dɛ waa o waa ta teŋaa, ɡɛ nɛn la ɛ nyosonteŋni, dɛ kasinteŋ toole o be.

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

Wepila 3:9

Hɛ́ɛ no! Bɔnsam habɔteŋra baa dɛ teŋe nyosone, baa wola Juu tena ɛɛ dɛɛ yerɛ ba te Juu tena la, mɛɛ ɡeloo bá ba ɡuŋi he sie, dɛ́ jemɛ kɛŋɔ n dɛ nyin heya.

Matiu 24:5

Nɛra ɛɛ warɔɔ taeh dɛ́ ba neɡre heya, dɛ́ kpɔ n sɔn dɛɛ bol wa, hale dɛ́ ŋɔ banee Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la, dɛ́ neɡre nɛra kɛrɛdɛ bwa.

Matiu 24:24

dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe teŋe nyosone ŋɔ Korowii keameree ban. Baa ɛ wejena ne nyokpowaa, dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.

1 Jɔn 5:1

Nomɛlbwa waa yaradaa kɛŋɔ Yeesu ɛ Kristo la Korowii aa baɡɛ nyoa ŋɔ wɛɛ tomɔɔ la, naate ɛ Korowii bie, dɛkalkɛ dɛ he dɛ nyin nomɛl waa aa, dɛ he dɛ nyin o bie ɡe wa.