1 Jɔn 1:7 - mzwDBL

⁷ Korowii waa aa chaahna la, dɛ ya dɛ ɛ ya waa bwa a chaah kɛ on aa, dɛ ya ne yabala pɛo dɛ ɛ beŋkpoŋ. Dɛ Korowii Bie Yeesu chal la laa ya wechɔɡa bɛlbwa dɛɛ kpɔ ya nɛ.

1 Jɔn 1:7 Referans Kwoze

Ɛfesos 5:8

He waa bwa fa ɛ biro bini wa, kɛ ya Dɔɔ Yeesu nomanta, he ɛ bochaah ta nɛra. Anomanta, hé ɡel he soɡa bini wobɛlbwa do kɛŋɔ bochaah ta nɛra.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

Tɔn Pɔɔl Aa Chwerɛ Rom Tena 13:12

Tɔpere waa kaa bɔr chaah la aa kanɛ kpa. Tɔɔ perɔ tonɛ. Hé ɡel ya ɡel waa aa ɛ biro bini waa ɛɛ, dɛ́ kpɔ bochaah laala do dɛ́ won yo biro bini wa.

Ɛfesos 1:7

O Binyini laanee lɛ ya seo sewɛ. O chalee yawɛ yaa tɛ Korowii, asɛ o kpɔ ya wechɔɡa dɛɛ kɛ yaa. Anee dɛɛ baɡle suna waa sune ya nɛɛ kohona dɛɛ cha yaa la.

Hibru 9:14

ɛrɛɛ a ɛ Yeesu Kristo chal aa wola won laa ya doŋa kpɔ ya nɛɛ kohona nɔ? Korowii Domadɛɛɡe waa lole saŋ bɛlbwa aa wola jaɡa dɔe la, on cha Yeesu Kristo o won kpɔ o te kɛŋɔ konaate waa wola kirihiah bɛlbwa dii dɛ ɛ saraha dɛ tɛ Korowii. Yeesu chal ɛɛ laa ya wechɔɡa aa dɛ kaa ya ne seo ta la bwaa kpɔ ya nɛɛ ásɛ ya tea to, ásɛ a waa bɛ yaa hiah kpa, ásɛ ya won tomɛ Korowii waa lole saŋ bɛlbwa la.

Wepila 7:14

Anee n ŋɔ, “N Dɔɔ, maa jemɛ. He ken jem ba.” Asɛ o ŋɔ, “Banee fa lɔ wahala tenten la bini dɛ won le a nyoa la. Ba chɛɡɛ ba yale Pebie la chal la ta, a le dɛ to.

1 Jɔn 1:5

Waa yaa noa le Yeesu be dɛɛ bol he be laanee kɛŋɔ, Korowii do kɛŋɔ kon waa chaahna ken. Wechɔɡa bɛlbwa toole o nɛ.

1 Kɔrent 6:11

He bini bane fa kpoŋe ɡɛ da nɔ. Kɛ taraken Korowii koh ya Dɔɔ Yeesu Kristo ne Korowii Domadɛɛɡe la toma la waa dɛ sɔ he wechɔɡa bwa ta, dɛ ɡel he ɛ nɛndɛɛɡa he waa su o siwi.

1 Pita 1:19

Yeesu Kristo waa do kɛ saraha pebie doŋa bɛlbwa aa wola toole o nɛ, waa wola kirihiah bobɛlbwa dii la, o ɡbaɡba chal nee Korowii yawɛ heya.

Amanesoma Jɔn Aa Chwera Tɔn 12:35

Anee Yeesu ŋɔ ba be ŋɔ, “Bɔr taa dɛ chaah he nɛɛ tɔpera anɛ nɔ, hɛ́ɛ valɛ o ta. Dɛ ɡɛ laa aa, bɔr ɛɛ biruu he nɛ. Nomɛlbwa waa dɛ valɛ biro ta la aa bela waa dɛ kaa jemɛ.

1 Jɔn 5:6

Yeesu Kristo aa bala dɛ ba ɛ o toma la, nee ne chal taa o che dɛ ba. Korowii nee sɔe la ɡbo ta laa o toma la che. Kɛ o chal waa fuɡa ta la ne Korowii nee sɔe la bwa taa a che. Asɛ Korowii Domadɛɛɡe ɡee di danseɛ, dɛkalkɛ o ɛ kasinteŋ te.

1 Jɔn 1:3

Anɔ la yaa naa dɛ no laanee yaa bol he ɡe be, ásɛ he no dɛ́ ba ja ya Mɛɛ waa lɔ nyundua ne o bie Yeesu Kristo beŋkpoŋri ɛɛ la ta.

Yela 89:15

Nɛra baa ɡo yela dɛɛ kpɛɛre, ne banɔ la baa dɛ valɛ bɔr waa chaah he sie la, ba na som.

Yela 56:13

He lɛɛ mɛ le seo ta, he ta ɡelɛ n dɔma pɔ n nɛ. Anomanta, mɛɛ wono dɛɛ valɛ he sie, he nii waa dɛ chaah dɛɛ tɛ nɛra mkpa la bini.

Sekaria 13:1

Nemenɛ Korowii ŋɔ, “Tɔpere bɛl ɛɛ bao, ásɛ nee bule dɛɛ le harɛ bini tɛ Kooro Devid ne o naanar, ne bwɛjen Jerusalam tena. Belaa baa ba laŋa, dɛ́ ka sɔ ba wechɔɡa baa ɛa, ne doŋa baa kaah bwa ta.

Aesaya 2:5

Jekɔb naanar, hé ɡel yaa valɛ Korowii waa aa chaahna o kpɔ dɛɛ tɛ yaa la ta.

Wepila 12:11

Ba cheɡɛ Pebie la chal la ne Korowii Waa baa bola la ta dɛ pɔ o nɛ. Ba ta ɡelɛ ba mkpa waa swɛɛ ba siwi, ba sɛh seo kwara.

1 Timoti 6:16

O ɡboo dɔ mkpa waa wola sewɛ bwa, dɛ so bela aa chaahna kohona nomɛlbwa aa wola won tel o jwɛh. Nomɛlbwa ta on nae ka, asɛ nomɛlbwa ɡe aa won nao bwa. Onee chɛ duure ne kpeɡri bwa dɔe saŋ bɛlbwa dɛɛ la. Aamen.

Yela 97:11

Nii dɛ chaah nɛra ba wa aa toɡra sie, nɛra ba wa aa wera ɡe ɛɛ dɔ silɛɛ.

1 Jɔn 5:8

Korowii Domadɛɛɡe la, ne Korowii nee baa sɔɔ la, ne o chal waa fuɡa ta la bwaa di danseɛ dɛɛ tɛo dɛɛ baɡle wesiwi beŋkpoŋ.

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.

Amanesoma Jɔn Aa Chwera Tɔn 1:29

Tɔ aa pera la, Jɔn na Yeesu kɛŋɔ waa dɛ ba o be. Belaa Jɔn ŋɔ nɛra o ne baa cheɡa la be ŋɔ, “Hé na Korowii Pebie waa dɛ ba nɛra bwa wechɔɡa laa dɛ́ kpɔ ba nɛɛ la!

3 Jɔn 1:4

Saŋ bɛlbwa maa no n bii waa kɛŋɔ ba dɛ teŋɛ kasinteŋ la ta la, n baah dɛ sɔɔh mɛ ɡwaa komɛlbwa.

Yela 104:2

asɛ nii bare cheme, dɛ paɡri nyundua kɛŋɔ tɛnte,

2 Jɔn 1:4

N sie lɛo kohona kɛ maa na he bii la bane kɛ ba teŋɛ kasinteŋ waa la ta ɡɛ ya Mɛɛ waa lɔ nyundua la aa ŋɔa yáa ɛ la.

Emɔs 3:3

Nɛra banɛ nyoa ta pɛɛ yaa baa wono pɛ dɛ́ valaa?

Yela 51:2

Sɔ n wechɔɡa ta, kɛŋɔ baa kpɔ nee dɛɛ yaɡle doŋa la, ásɛ wechɔɡa bɛlbwa le n nɛ,

Aesaya 6:7

dɛ ba kpɔ tɔrɛ n nyoa dɛ ŋɔ, “Na, nihɔl nɔ aa tɔre he nyotɔn nɔ, he bolchɔɡ bwa le he nɛ. Korowii kpɔ he wechɔɡa kɛɛ.”

Aesaya 33:24

Korowii ɛɛ kpɔ nɛra baa lɔ Jerusalam wechɔɡaa kɛ ba. Hale bɛlbwa aa berɛ ŋɔ, “N bwara dɛ wee mɛ.”

Matiu 6:12

dɛ́ kpɔ ya wechɔɡa kɛ yaa, ɡɛ yaa kpɔ ya dɔŋa wechɔɡa dɛɛ kɛ ba la.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.