1 Kɔrent 9:8 - mzwDBL

⁸ Nɛwɛnyini waa ɡbo laa dɛɛ baɡle ɡɛ. Mosis Mmara ɡba baɡle ɡɛ.

1 Kɔrent 9:8 Referans Kwoze

1 Tesalonika 4:8

Nomɛlbwa waa wola a ɡɛ waa nɔ ta teŋɛ la, dɛ nɛwɛnyini waa laa o vɛh, dɛ Korowii waa tɛ heyaa o Domadɛɛɡe la waa o vɛh.

1 Tesalonika 2:13

Ya dɛ jam Korowii tɔpere bɛlbwa, dɛkalkɛŋɔ yaa bol Korowii Waa la he be la, he noa kɛŋɔ Korowii Wa. He ta an noɛ kɛŋɔ nɛn wa. Gɛɛ a do kpela. A ɡɛ waa nɔɔ dɛɛ ɛ toma he nɛra haa yaradaa nɔ bini la.

1 Kɔrent 14:34

He dɛ ɛ asɔre aa, hé ɡel haahna hel. A ta maɡrɛ kɛŋɔ baa bol waa bela. Gɛ Korowii Tɔn aa baɡla la, hé ŋɔ ba be ŋɔ báa no he baala la be.

1 Kɔrent 7:40

A ka n waa aa, dɛ o fe ta yalɛ kpa kwaraa fe wer tɛo ɡwaa kɛŋɔ waa yala. N ɡbaɡba liire te, kɛ Korowii Domadɛɛɡe la soɡe n nɛ.

Tɔn Pɔɔl Aa Chwerɛ Rom Tena 6:19

He waa mun noe jaŋne, a waa n kpɔ waa haa dɛ noa tɔpere bɛlbwa dɛɛ baɡle heyaa waa la. Gɛ he fa aa teŋa dɛ kpɔ he te do wedoŋa ta wubwa dɛɛ ɛ wechɔɡa la, ɡɛɛ a chɛ kɛŋɔ hé berɛ kpɔ he te do wedɛɛɡa ta, ásɛ he waa do ɡoroŋ.

Tɔn Pɔɔl Aa Chwerɛ Rom Tena 3:31

Aa do ɡɛ nɔ, dɛ ya dɛ yarada Yeesu aa, dɛ ya tɔ Mmara la ŋwɛnɛ kɛɛ? Akai! Yeesu yaradae nɔ te kwaraa dɛɛ ba ɡela ya won teŋɛ Mmara la ta.

Aesaya 8:20

Báa teŋɛ me Mmara ne n webaɡla la ta! Dɛ ba ta ɡɛ waa la aa dɛ baɡle la bolaa, amɔ te a do kɛŋɔ baa soɡe biro ta ken.

Tɔn Pɔɔl Aa Chwerɛ Rom Tena 3:5

Nɛwɛnyini te ɛɛ ŋɔɔ, “Dɛ a cheɡɛ ya wechɔɡa ta asɛ nɛra na kɛŋɔ Korowii ɛ nɛndɛɛɡe aa, amɔ ya ta wedɛɛɡa ɛɛ kɛɛ? Dɛ Korowii tɛr ya deŋne aa, dɛ o waa toɡraa?” Nɛwɛnyini liiree nɔ!

Galaasia 1:11

Yabala, hé ɡel n ŋɔ he be ŋɔ Yeesu Kristo Amanesoma nɔ maa dɛ bol he be nɔ, nɛwɛnyini be laa a le.