1 Kɔrent 9:5 - mzwDBL

⁵ Yeesu Kristo nimanar ne Pita ne Yeesu toroma la bwa mo haahna ba ne baa valɛ. Ya te ta ɡɛ ŋwɛnɛ dɔe kɛ ya mo haahna baa ɛ asɔre tena ya ne baa valaa?

1 Kɔrent 9:5 Referans Kwoze

Amanesoma Jɔn Aa Chwera Tɔn 1:42

O la Seemɔn ne Yeesu be. Belaa Yeesu nyiŋu dɛ ŋɔ, “He sɔne Seemɔn. Jɔn biee hen. Taraken baa dɛɛ yerɛɛ Sefas.”

Matiu 8:14

Yeesu la Pita dem dɛ ka na kɛ Pita helahaah bwara wɔrɔbɔ o chɔ kalaŋ ta.

Hibru 13:4

A chɛ kɛ nomɛlbwa kpɔ duure dɛɛ tɛ hahmor, dɛ bɛ nɛmpɛɛne lawɛ dɛɛ chɔ dɛ ka ja ba haahna kɛɛ ba jaranar nɛ. Korowii ɛɛ tɛr nɛra baa dɛ ɛ wedoŋa baa ne haah chɔe be pera dɛɛ nyin ba dɔŋa haahna kɛɛ ba dɔŋa jaranar la deŋnee.

Galaasia 1:19

N ta Yeesu toroma la bɛlbwa nae bela ka ja Pita nɛ. Jems waa ɛ ya Dɔɔ la nime la ɡee n berɛ na ja Pita nɛ.

1 Kɔrent 7:39

Dɛ haah yalɔ, o jaa ta do le naa, baa laanee dɔ haah la kpeɡri. Kɛ dɛ baa la sewaa, o ta haah la kpeɡri dɔe kpa. Haah la won kaala, dɛ́ ka yalɛ baa waa dɛ nyinu ja. Kɛ o bɛ baa waa wola asɔre te ɛɛ yalɛ.

1 Kɔrent 7:7

N te fe dɛ nyin kɛŋɔ nomɛlbwa fee bɛ haah mo, dɛ́ so ɡɛ maa soɡa nɔ. Kɛ nomɛlbwa laa Korowii ta ŋɔ ó ɡbo so dɛ bɛ haah mo. O dɛ tɛ nomɛlbwa o we-ɛɛla waa dɛ ɛ la kpeɡri, bɛl yon do kpeɡri anɔ ta, bɛl ɡe do kpeɡri anɔ ta.

We-ɛɛla 1:14

Dɛ ba ne haahna la ne Yeesu nya Mɛɛre ne Yeesu nimanar la pɛo cheme dɛ yon dɛɛ soŋe Korowii warawara.

Taetos 1:6

He dɛ nyin he le asɔre nomoa aa, kpɔ onɔ la nomɛlbwa aa wola o wechɔɡe bɛlbwa dɔe dɛɛ bol, ó dɔ hahbeŋkpoŋ, o bii ɡe ɛɛ yarada Yeesu, nɛra aa wola ba waa bol ŋɔ ba chɔɡɔ dɛ ɛ deŋnekpeɡ tena,

1 Timoti 5:2

dɛ́ kpɔ haahna baa ɡwaale nomonome la ɛ he nyare. Ásɛ bihaahna haa ɡwaa ba la ɡe, hɛ́ɛ ɛɛ ba kɛ he nimambii, wedoŋa bɛlbwa bɛ he ne ba baah ta do.

1 Timoti 3:2

A ɡɛ nɛn la, a ta chɛ kɛŋɔ nɛra dɔ o wechɔɡe bol. A chɛ kɛ o haah ɛ beŋkpoŋ. A chɛ kɛ o won o te lawa, dɛ dɔ nfɛrɛ, o we-ɛɛla ɛɛ lɛ nɛra sie. A chɛ kɛ o ɛ nɛn waa won hɔɔhra kpoŋa, dɛ won Korowii Waa baɡla.

1 Kɔrent 7:15

Dɛ onɔ la waa wola asɔre te ɛɛ ŋɔ wɛɛ vɛh o dɔŋ waa ɛ asɔre tee yaa, tɛo ŋwɛnɛ wɛɛ la. A ba ɡɛ naa, a ta wechɔɡa ɛɛ. Korowii dɛ nyin kɛŋɔ ya so deŋnesɔɔhna ta.

1 Kɔrent 1:12

N noɔ kɛ bane ŋɔ ba teŋɛ men Pɔɔl nɛ, bane ɡe ŋɔ ba teŋɛ Apolos nɛ, asɛ bane ɡe ŋɔ Pita nɛɛ ba te teŋɛ, bane ɡe ŋɔ ba teŋɛ Yeesu Kristo nɛ.

Tɔn Pɔɔl Aa Chwerɛ Rom Tena 16:1

Yɔɔ. Ya nimambie nɔ sɔne Fiibi. Asɔre tena baa lɔ Keŋkrea la binii o do dɛɛ ɛ toma.

Amanesoma Jɔn Aa Chwera Tɔn 2:12

A habɔɔ la, Yeesu ne o nya ne o nimanar dɛ o habɔteŋra la la Kapeeneɔm dɛ ka so bela tɔpera anɛ.

Amanesoma Luk Aa Chwera Tɔn 6:15

dɛ kpɔ Matiu ne Tɔmas ne Alfeɔs bie Jems, dɛ Seemɔn baa dɛ yerɔ Sɛlɔt la,

Amanesoma Mak Aa Chwera Tɔn 6:3

Kapenta te la laa aa? Mɛɛre bie la laa aa? Jems ne Josef ne Judas dɛ Seemɔn wa dɔɔ la laa aa? O nimambii laa lɔ ya be bonɔ naa?” Anomanta, ba siwi ta on sui.

Amanesoma Mak Aa Chwera Tɔn 1:30

Dɛ Seemɔn helahaah bwara wɔrɔbɔ o chɔ kalaŋ ta. Yeesu aa bala la, ba bol haah la waa baɡlo.

Matiu 13:55

Kapenta te la bie la laa kɛɛ? O nya laa Mɛɛre aa? O nimanar laa Jems ne Josef ne Seemɔn dɛ Judas kɛɛ?

Yelsom 4:12

N hanfale ne n sɛnodɛɛɡe, he do kɛ bodɛɛɡe baa du daa, ne nee nomɛlbwa aa wola won nyɔ ba tɔ a nyoo.

1 Timoti 4:3

Gɛ nɛra nɔɔ vala dɛɛ chaɡle nɛra ŋɔ aa were kɛ baa mo haah kɛɛ haah yalɛ la, dɛ berɛ ŋɔ kondikwaa ane aa were kɛŋɔ nɛra di la. Kɛ Korowiirii ta ɡɛ kondikwaa nɔ ŋɔ bánɔ la baa jemɛ kasinteŋ waa la dɛɛ yaradao la kpɔ jam tɛo dɛ́ dia.

1 Kɔrent 7:8

Waa maa dɔa dɛ tɛ nɛra baa wola haahna dɔe, ne haahna baa wola jaranar dɔe, ne nɛra ba jaranar aa serewa laanee kɛ, bá fee so ɡɛ n ɡbo aa soɡa nɔ.

Amanesoma Luk Aa Chwera Tɔn 8:20

Anee nomɛl ŋɔ o be ŋɔ, “He nya ne he nimanar cheɡɛ buse dɛɛ nyin ba nae.”