1 Kɔrent 9:12 - mzwDBL

¹² He dɛ tɛ bane ɡɛ. Dɛ ɡɛ nɛra la dɔ ɡɛ ŋwɛnɛ aa, amɔ dɛ ya te ta pɔeh yaa? Kɛ ya te aa ɡɛ kpeɡri la baɡle he nɛ, dɛ dɔ bambile wobɛlbwa ta dɛ bɛ Yeesu Kristo Amanesoma la ŋwɛnɛ tɔ.

1 Kɔrent 9:12 Referans Kwoze

2 Kɔrent 11:12

Waa maa dɛ ɛ nɔ, maa a ɛɛ ɡela ba. Mɛɛ dɛɛ ɛ ɡɛɛ, ásɛ nɛra baa dɛ maŋkura ba te ŋɔ tombeŋkpoŋii ya ne baa ɛ la bɛ won dɔ ŋwɛnɛ dɛɛ maŋkura ba te.

1 Kɔrent 9:18

Kembɔr besoo mɛɛ dɔɔ? N kembɔree kɛŋɔ ń won bol Amanesoma la baɡle nɛra pɛɛpɛɛ dɛ bɛ kpeɡri maa dɔa la baɡle ba nɛ.

1 Kɔrent 9:15

N dɔ ŋwɛnɛ kɛ n ɛ a bwa, kɛ n ta nomɛlbwa be ŋɔe ŋɔ ó tɛ mɛ komɛlbwa bwa. Maa chwerɛ dɛɛ nyin kɛ he tɛ mɛ a ɡɛ kwaa nɔ. N sewɔ bɔ n be kɛŋɔ waa maa koh a waa maŋkura n te la le n nɔn ta.

1 Kɔrent 9:2

Dɛ bane ta sɛɛh kɛŋɔ Yeesu toromee men aa, he te jemɔ kɛrɛdɛ kɛŋɔ n ɛ o torome, dɛkalkɛŋɔ pɛɛ he ne waa pɛa la dɛ baɡle kɛŋɔ n ɛ o torome kpela.

2 Kɔrent 11:20

Nɛra kpɔ heyaa berɛ yoma, dɛ neɡre heyaa dɛɛ di, dɛɛ faah heya, dɛɛ nyiŋi he nyu baahna, dɛɛ kpaa he lwɛrɛme, kɛ he waane laa.

2 Kɔrent 6:3

Yaa nyin kɛ nomɛlbwa dɔ ya toma wechɔɡe bɛlbwa dɛ bol, anomanta, waa aa ɡel nɛra lɔ naa la, yaa an kpɔe dɛɛ ɛɛ ba.

1 Kɔrent 6:7

Haa dɛ samane dɔŋa nɔ ɡba kwara baɡlɔ kɛŋɔ he dɔɔ di bolchɔɡe. Dɛ he ne he dɔŋ dɔ waane aa, lawɛ bambile. Dɛ o ŋwɛɛ kwaraa naa, kpɔ kɛo. A wer ɡwaa kɛŋɔ haa samano.

Tɔn Pɔɔl Aa Chwerɛ Rom Tena 15:22

Anɔ waa maa wola bɔr dɔe dɛ ba he be kera aŋwɛnɛ bwa la.

We-ɛɛla 18:3

dɛ so ba be dɛ ɛ toma, dɛkalkɛŋɔ dɛ ɡbansaba toma o fa aa dɛ ɛ wubwa laanee baa ɛ.

Amanesoma Luk Aa Chwera Tɔn 11:52

Hé Tɔnjerema ɡe bwɛɛlɛ! He do kɛŋɔ nɛra baa laa dea Korowii wejema aa lɔ o bini karɛ, dɛ laa koŋkare la kpɔ haa wola o binii jo, he ɡe aa nɛra ŋwɛnɛɛ tɛ bá jo dɛ́ ka hweli.”

Nehemia 4:8

Asɛ ba bwa pɛ, dɛ vɔrɔwe kɛŋɔ, bá ba yo Jerusalam, dɛ́ kpɔ sibeɡra ba ta nɛra baa lɔ bela nɛ.

Mumpar 24:56

Asɛ o ɡe berɛ ŋɔ, “He bɛ men lawɛ so bonɔ. Korowii aa dɔa ɡel n ŋwɛnɛ nɔ do wer tɛ mɛ nɔ, he tɛ mɛ ŋwɛnɛ, ásɛ n berɛ kaa n dɔɔ be.”

1 Kɔrent 9:14

Gɛ tentenee ya Dɔɔ ɛ tɛ nɛra baa dɛ bol Amanesoma la dɛ ŋɔ báa di a ta.

1 Kɔrent 9:16

Maa won koh Amanesoma nɔ bola waa dɛɛ baɡle n te, dɛkalkɛŋɔ Korowiirii dɛɛ do mɛ asɛ mɛɛ bol. Dɛ n ta bolaa, mɛɛ dɔ waa.

1 Kɔrent 13:7

Dɛ nɛn dɛ nyin nɛn aa, wɛɛ pwɛr o tenee tɛo wobɛlbwa ta. O dɛ yaradao wobɛlbwa waa dɛ ɛ ta, dɛ dɔ hwɛɡa ne bambile wobɛlbwa ta.

2 Kɔrent 2:12

Maa baa tel Troas ŋɔ ń bol Yeesu Kristo Amanesoma la, n nao kɛŋɔ ya Dɔɔ pili ŋwɛnɛ tɛ mɛ kɛ ń ɛ toma bela.