1 Kɔrent 9:11 - mzwDBL

¹¹ Dɛ ya bol Korowii Waa he be asɛ he dɔ Korowii mkpa aa, dɛ a ta maɡrɛ kɛ ya lɛ kondikwaa le he be, dɛ́ won dɔ harɛ nɔ ta bokpeɡa aa?

1 Kɔrent 9:11 Referans Kwoze

Tɔn Pɔɔl Aa Chwerɛ Rom Tena 15:27

Ba sie lɛo kɛŋɔ baa ta kwaa la. Kasinteŋ, baa won jam Jerusalam Korowii nɛra la ka tonɛ, dɛkalkɛŋɔ ɡɛ Korowii aa cha Israel tena asɛ nɛra baa wola Israel tena ɛɛ di ba tɔnɔ la, ɡɛɛ a chɛ kɛ dɛ nɛra baa wola Israel tena ɛɛ la ɡe dɔ harɛ bonɔ kwaa aa, Israel tena ɡe di ba tɔnɔ.

Galaasia 6:6

Nomɛlbwa baa dɛ baɡlo Yeesu Kristo waa nɔ la, kondɛɛɡe bɛlbwa haa dɔ la, tɛ naate waa dɛ baɡle la.

2 Kɔrent 11:15

Anomanta, dɛ Bɔnsam bonɔɔna ɡe beɡre ba te kɛŋɔ, banee dɛɛ chaɡle ŋwɛnɛ yaa kpɔ o ta dɛ ɛ nɛndɛɛɡa ya waa ɛɛ su Korowii siwi aa, dɛ a ta nyokpowaa ɛɛ. Korowii ɛɛ bɔ ba kemee ɡɛ ba toma aa doa.

Matiu 10:10

Ŋwɛnɛ haa dɛ ba kaala la, he bɛlbwa bɛ pur kpɔ, dɛ bɛ batakaani bele anɛ kpɔ, dɛ bɛ naŋɡawa bele anɛ ne daŋɡbala kpɔ, dɛkalkɛ tom-ɛɛ kembɔr chɛo.

2 Koranar 5:13

Belaa Naaman bonɔɔna suuh tel o jwɛh dɛ ŋɔ, “Nomoa, dɛ wejena anee Korowii keame la ŋɔ he be ŋɔ he ɛ aa, he fe aa sɛh aa? Ɛrɛɛ haa wola won ka sɔ nee la ɡɛ waa bola la, ásɛ dɛ dɔ chaah nɔɔ?”

1 Kɔrent 9:14

Gɛ tentenee ya Dɔɔ ɛ tɛ nɛra baa dɛ bol Amanesoma la dɛ ŋɔ báa di a ta.

Felepae 4:17

Kasinteŋ, a ta ɛɛ kɛŋɔ komɛlee mɛɛ nyin he be, kɛ he tɔnɔ haa dɔ dɛ́ le chae haa cha mɛ la binii mɛɛ nyiŋi.