1 Kɔrent 8:10 - mzwDBL

¹⁰ Nɛn o yarada aa wola kanɛ Yeesu waa ta la, o na he nɛn haa jemɛ Yeesu waa la kɛrɛdɛ soɡe voɡ mun dɛɛ di kwa aa, aa ɡeloo o ɡe di.

1 Kɔrent 8:10 Referans Kwoze

1 Kɔrent 8:4

Anomanta, voɡ kwaa dii maa dɛ bol a waa nɔ, ya jemɔ kɛ voɡa ta komɛlbwa ɛɛ harɛ nɔ ta, Korowii beŋkpoŋii lole.

Tɔn Pɔɔl Aa Chwerɛ Rom Tena 14:23

Kɛ dɛ o dɛ di komɛl dɛɛ ɛ aahna-aahna kɛŋɔ o ɛ kondoŋ kɛɛ o ta kondoŋ ɛɛ yaa, Korowii ɛɛ pao bolchɔɡee kɛŋɔ waa dɛ diu, dɛkalkɛŋɔ o waa waa dɛ ɛ la, waa an ɛ yarada ne. Wobɛlbwa ɡe nɛn aa dɛ ɛ waa wola an ɛ yarada ne, o liire aa wola on kɛrɛdɛ do a ta la, a ɛ wechɔɡa.

1 Kɔrent 8:7

Nomɛlbwa laa jemɛ ɡɛ. Bane duu ɡɛ voɡa nɔ biɡri a man ba. Hale ba le fini, dɛ ba di kwaa baa kpoora tɛ voɡa nɔ naa, dɛ ba liire dɛ ɛɛ ba kɛŋɔ voɡa laanee dɔ kwaa la. Ba yarada aa wola kanɛ Yeesu waa la ta nomanta, dɛ ba dɛ lii kɛŋɔ ba ɛ wechɔɡa.

Tɔn Pɔɔl Aa Chwerɛ Rom Tena 14:14

Pɛɛ n ne n Dɔɔ Yeesu aa pɛa nɔ ɡelɔ n jemɛ kaih kɛŋɔ, kondikwaa bɛlbwa toole dɛ ɛ kondikondoŋa. Kɛ dɛ nomɛl lii o nyu bini kɛŋɔ kondikwaa ane ɛ kondikondoŋa aa, dɛ a ɛ doŋa dɛ tɛo.

Emɔs 2:8

Bobɛlbwa baa dɛ tom mɛ la, ba pa yale baa lɛa cheɡ awɔba la dɛɛ chɔ a ta. Ba cheme n Dea aa, suuɡa baa faah nɛra dɛ lɛ le ba be la, a nee baa nyɔ sene.

Sitɔɔla 9:27

Ba kaa chaa ba ɡrepo nɔna dɛ harame a nee dɛ kpɔ ɛ sen. Asɛ ba tɔpejen bɛl ta, ba ka so ba voɡ dea dɛ di kwaa dɛɛ nyɔ sen asɛ dɛ taah Abemɛlɛk.

Nɛra Kura 25:2

Haahna la yerɛ Israel baala la dɛɛ la ba voɡa mune, dɛ ka kpoo kwaa dɛɛ tɛ ba voɡa, ba ne ba di dɛɛ ɡuŋi voɡa la harɛ.

1 Kɔrent 10:32

He bɛ ɡel nomɛlbwa daŋre he ne dɛ́ ba nyoɡre. Juu tee yoo, Grik tee yoo, asɔre tee yoo, he bɛ ba bini bɛlbwa ɡɛ ɛ.

We-ɛɛla 15:20

kɛ yá chwerɛ ba tɔn ŋɔ ba bɛ voɡa kwaa dɛɛ di, dɛ laa ba te kpɔ jwamane waa ta, dɛ bɛ kon baa wola o baŋa teŋe o sewɛ la dɛɛ di, dɛ bɛ chal dɛɛ di,

1 Kɔrent 8:9

Kɛ ane abwa, hɛ́ɛ nyiŋi kɛrɛdɛ, kɛ dɛ he ta an kie, he dɛ dia aa, he bɛ ɡel he we-ɛɛla neɡre nɛra ba yarada aa wola kanɛ Yeesu waa ta ba kia la.