1 Kɔrent 8:1 - mzwDBL

¹ A ka kwaa baa kpoora dɛɛ tɛ voɡa wa. A waa jema te, ya bwa jemɛ a wa. Kɛ nɛwɛnyini wejema ɡelɔ wɛɛ nyin sɔn. Asɛ nɛnnyin ɡe ɛ chae.

1 Kɔrent 8:1 Referans Kwoze

1 Kɔrent 8:7

Nomɛlbwa laa jemɛ ɡɛ. Bane duu ɡɛ voɡa nɔ biɡri a man ba. Hale ba le fini, dɛ ba di kwaa baa kpoora tɛ voɡa nɔ naa, dɛ ba liire dɛ ɛɛ ba kɛŋɔ voɡa laanee dɔ kwaa la. Ba yarada aa wola kanɛ Yeesu waa la ta nomanta, dɛ ba dɛ lii kɛŋɔ ba ɛ wechɔɡa.

Tɔn Pɔɔl Aa Chwerɛ Rom Tena 14:3

Naate waa dɛ di komɛlbwa la, a ta chɛɛ kɛŋɔ wɛɛ lii naate waa wola ol di la nɛndoŋ. Naate waa wola ol di la, o bɛ naate waa dɛ di komɛlbwa wechɔɡ-ɛɛ dɛɛ lii, dɛkalkɛŋɔ Korowii lɛo dɛ ɛo o bie.

Aesaya 5:21

Hé bwɛɛlɛ, he banɔ la haa dɛ lii he te wejerema, dɛɛ lii kɛŋɔ he jemɛ wobɛlbwa ɡa la.

Wepila 2:14

Kɛ n dɔ he waane tama. Bane lɔ he bini dɛɛ teŋɛ Balam webaɡla ta. Onee fa ɡela Balak neɡre Israel tena ba ɛ wechɔɡa, dɛ di ola baa kpoa tɛ voɡa, dɛ kaa bɔ jwamane la.

1 Kɔrent 8:4

Anomanta, voɡ kwaa dii maa dɛ bol a waa nɔ, ya jemɔ kɛ voɡa ta komɛlbwa ɛɛ harɛ nɔ ta, Korowii beŋkpoŋii lole.

1 Kɔrent 8:2

Nomɛlbwa waa dɛ lii kɛŋɔ o ɛ wejereme la, o ta wejema aa chɛ kɛ o jemɛ la dɔe mɔɔ.

Tɔn Pɔɔl Aa Chwerɛ Rom Tena 15:14

Yabala, n ɡbabir jemɔ kɛrɛdɛ kɛŋɔ he dɛ ɛ wedɛɛɡa taeh. He jemɛ waa kohona, dɛ won dɔŋa waa baɡla ɡe.

Ɛfesos 4:16

Yan ɡee o bwadabi. Onee choŋri bwadabii la bwa, aa lawɛ dɔŋa kɛrɛdɛ dɛ bwa ɛ beŋkpoŋ dɛɛ cha dɔŋa, ásɛ dɛ won kpeɡ tel ɡɛ o mar aa doa. Dɔŋa nyinaa ɡela Yeesu Kristo bwadabii won kpeɡ ɡɛ dɛ do kpeɡri la.

1 Kɔrent 15:34

Anomanta, hé ir dɛ́ ɡel he sie chɔ harɛ hɛɛ ɛ kɛrɛdɛ, dɛ bɛ wechɔɡa dɛɛ ɛ. He bini bane aa Korowii waa jemɛ kɛrɛdɛ. A ta sihiih ɛɛ tɛ heya aa?

We-ɛɛla 15:29

Anee kɛ, he bɛ voɡa kwaa dɛɛ di, he bɛ chal dɛɛ di, he bɛ ol baa wola o baŋa teŋe o sewɛ dɛɛ di, hé laa he te kpɔ jwamane waa ta. Dɛ he wono dɛɛ ki anɔ bwa naa, he wobɛlbwa ɛɛ maɡroo tɛ heya. Kórowii cha heya.”

Aesaya 47:10

He kpɔ he te dawɛ he wechɔɡa ɛɛ ta, dɛ ŋɔ, ‘Nomɛlbwa aa men na.’ He wejema ne he liire wili dɛ ɡel he ŋɔ, ‘Menee men. Nomɛlbwa toole n habɔɔ kpa.’

Nɛra Kura 25:2

Haahna la yerɛ Israel baala la dɛɛ la ba voɡa mune, dɛ ka kpoo kwaa dɛɛ tɛ ba voɡa, ba ne ba di dɛɛ ɡuŋi voɡa la harɛ.

1 Kɔrent 10:28

Kɛ dɛ nomɛl ŋɔ he be ŋɔ voɡee ba kwaa, a kondikwaa yaa, naate waa baɡle ɡɛ waa nɔ ŋɔ he bɛ di la nyu bini liire nomanta, bɛ di, ásɛ o bɛ ba lii kɛŋɔ he ɛ wechɔɡa.

We-ɛɛla 21:25

Asɛ nɛra baa wola Juu tena ɛɛ dɛ yarada Yeesu waa la ɡe la, ya chwerɛ tɔn ka tɛɛ ba ŋɔ ba bɛ voɡ kwaa ne chal ne ol baa wola o baŋa teŋe o sewɛ la dɛɛ di, dɛ ŋɔ bá laa ba te dɛɛ kpɔ jwamane waa ta.”

We-ɛɛla 15:10

Aah dɛ ɛrɛ waa hɛɛ nyin kɛ he daah Korowii dɛ na nɔɔ? Dɛ bontɔɡa ya ne ya naawa bwa fa aa wola wone che la laa hɛɛ nyin he kpɔ choɡ ba nɔ naa?

Wepila 2:20

Kɛ n dɔ he waane dɛ́ bol. Hanchɔɡe Jɛsɛbɛl la waa dɛ yerɛ o te Korowii keame la, he ɡelɔ o do he be dɛɛ baɡle heya, dɛɛ neɡre n bonɔɔna ne n toli baa bɔ jwamane, dɛɛ di ola baa kpoora dɛɛ tɛ voɡa.

Kolosi 2:18

Dɛ nomɛlbwa dɛ pwah heyaa ŋɔ haa ɡɛ waa teŋe nyosone ŋɔ pwɛraa wɛɛ pwɛr o te dɛɛ tomɛ nyundua toroma la ta teŋaa, he bɛ on dawɛ. Gɛ nɛn nɔ dɛ maŋkura o te kɛŋɔ o dɛ na waa deera ta, dɛɛ yerɛ o te nɛnjen, kɛ pɛɛpɛɛ. Nɛwɛnyini liire taa wɛɛ teŋɛ,

1 Kɔrent 14:20

Yabala, hé ɡel bechaliire. A chɛ kɛŋɔ hé dɔ nomonliire. Wechɔɡa ɛɛ te, hé ɛ he te bechasɔɔhne a bɔr. He bɛ ɡel he liire kpeɡ wechɔɡa ɛɛ ta.

1 Kɔrent 5:6

Aa were kɛŋɔ hɛɛ maŋkura he te. Haa jemɛ kɛŋɔ iisi tama wono ɡel men damanta ɛɛ uɡe aa?

1 Kɔrent 5:2

A fe chɛ kɛŋɔ he ɡel he tea bini chɔɡ waa nɔ wa, asɛ hɛɛ maŋkura he te la. Aa were kɛŋɔ ɡɛ nɛn la ta ja he bini kpa!

1 Kɔrent 4:18

He bane dɛ baɡle he te dɛɛ lii kɛŋɔ maa ba dɛ ba na heyaa kpa.

1 Kɔrent 4:10

Yeesu Kristo nomanta, ya ɛ ɡɛna nɛra be, kɛ he dɛ yerɛ he te wejerema o waa ta. Ya ɛ nɛŋɡwɛɡra nɛra be, kɛ he ɛ he te o kpeɡnɛra. Ba dɛ duu heya, dɛ lawɛ ya te sie dɛɛ teɡɛ harɛ.

1 Kɔrent 1:5

He ne waa pɛa la nomanta, o ja heyaa kpeɡri ŋwɛnɛ bɛlbwa ta. O ɡelɔ he jemɛ wobol, dɛ tɛ heyaa wejema, asɛ a baɡle kɛŋɔ

Tɔn Pɔɔl Aa Chwerɛ Rom Tena 14:22

Gɛ he liire aa dɛ ɛɛ kondikwaa dii be pera la, kpoŋe a bini ɡɛ, ásɛ a do he ne Korowii ɡbo baah ta. Nomɛlbwa waa dɛ ɛ wobɛlbwa dɛ jemɛ kɛŋɔ aŋwɛnɛ taa wɛɛ ɛa, aa wola o liire bini aahna aahna ɛ la, o na som!

Tɔn Pɔɔl Aa Chwerɛ Rom Tena 14:14

Pɛɛ n ne n Dɔɔ Yeesu aa pɛa nɔ ɡelɔ n jemɛ kaih kɛŋɔ, kondikwaa bɛlbwa toole dɛ ɛ kondikondoŋa. Kɛ dɛ nomɛl lii o nyu bini kɛŋɔ kondikwaa ane ɛ kondikondoŋa aa, dɛ a ɛ doŋa dɛ tɛo.

Tɔn Pɔɔl Aa Chwerɛ Rom Tena 14:10

Aah dɛ bɔkwaa ɡela he nɛra haa wola ol di ɛɛ pwah he bala baa dɛ di komɛlbwa nɔɔ? He banɔ la haa dɛ di komɛlbwa ɡe la, bɔkwaa ɡela hɛɛ lii he bala baa wola ol di nɛndoŋa nɔɔ? Ya bwa ɛɛ che Korowii siee, ásɛ o bol ya waa dɛ́ pa bole.

Tɔn Pɔɔl Aa Chwerɛ Rom Tena 12:16

Hé ne he dɔŋa so sodɛɛɡa. He bɛ jenu dɛɛ ɛ, he bɛ he te pere dɛɛ le nyaara ne nɛŋɡwɛɡra bini. He bɛ he te wejerema kohona dɛɛ lii.

Tɔn Pɔɔl Aa Chwerɛ Rom Tena 11:25

Yabala, wesɔɔhla anee mɛɛ nyin kɛ he jemɛ, ásɛ dɛ jemɛ kɛŋɔ wobɛlbwa laa he den jemɛ. Anee kɛŋɔ Israel tena nɔ bane deŋnekpeɡ baa dɛ ɛ nɔ, ken laa aa ba kae. Nɛra baa wola Israel tena ɛɛ Korowii ɛɛ nyin kɛ o lɛɛ ba la, ba tel ɡɛ del waa dɛ nyin la aa, Israel tena ɛɛ ɡel ba deŋnekpeɡ nɔɔ.

Tɔn Pɔɔl Aa Chwerɛ Rom Tena 14:19

Anomanta, a chɛ kɛ ya ɡel ya siwi swɛɛ waa aa dɛ ba deŋnesɔɔhna ne, ne waa aa dɛ ba ɡela ya dɔŋa che kiŋkiŋ ta.

1 Kɔrent 4:6

Yabala, n kpɔ toma n ne Apolos aa ɛa la dɛ che a ta dɛ baɡle waa nɔ, ásɛ he no a mun dɛ́ jemɛ waa aa wera kɛŋɔ he ɛ. Ba chwerɛ Korowii Tɔn bini ŋɔ, He bɛ ɛ ɡarɛ ɡɛ baa chwera Korowii Tɔn bini la. He bɛ bane kpɔ ɡwaa bane dɛ́ɛ maŋkura he te.

1 Kɔrent 10:15

He ɛ wejerema, anomanta, hé nyiŋi waa nɔ maa bola nɔ bini dɛ́ na.