1 Kɔrent 6:17 - mzwDBL

¹⁷ Nomɛlbwa waa kpɔ o te pɛl ya Dɔɔ la ɡe, o ne o bwa dɔ Doma beŋkpoŋ.

1 Kɔrent 6:17 Referans Kwoze

Galaasia 2:20

Baa kpaa Yeesu Kristo pɛl o daɡaɡre ta la, a kaa ɛ kɛ n ne onee sewa. Anomanta, n soɡa nɔ maa soɡa nɔ, n ɡbaɡba laa dɛɛ hwee nɔ. Korowii Bie Yeesu Kristoo soɡe n nɛɛ dɛɛ hwee la. N hweera nɔ maa dɛ hwee nɔ, yarada maa yaradao la, anee ɡela n do le la. Korowii Bie nɔ nyin mɛ kohona dɛ kpɔ o hweera charɛ n nyu.

1 Kɔrent 12:13

Juu tena o, Grik tena o, yoma o, nɛra baa dɔ ba te noo, Korowii kpɔ o Domadɛɛɡe la sɔ ya bwa ne, asɛ ya ɛ beŋkpoŋ. O tentenee o ɡel ya bwa dɔ dɛ nyɔ do ya bini.

Amanesoma Jɔn Aa Chwera Tɔn 3:6

Nɛwɛnyini lola lole, asɛ Korowii Domadɛɛɡe ɡe lola do le. Nɛwɛnyini lola ɛ bwadabii wa, asɛ Korowii Domadɛɛɡe lola ɡe ɛ lileo wa.

Ɛfesos 5:30

Ya bwa ɛ o bwadabii la pera.

Felepae 2:5

Gɛ Yeesu Kristo aa doa la, ɡɛɛ a chɛ kɛ he do.

Tɔn Pɔɔl Aa Chwerɛ Rom Tena 8:9

He te la, he ta he nɛwɛnyini mar nɔ wechɔɡa aa suu nɔ som kpɔe ɡwaa wobɛlbwa. Dɛ Korowii Domadɛɛɡe lɔ he nɛ aa, ɡɛ waa dɛ baɡle heyaa laanee hɛɛ ba dɛɛ ɛɛ. Nomɛlbwa waa wola Domadɛɛɡe Yeesu Kristo aa dɛ tɛ la dɔe la, dɛ Yeesu nɛn laa on.

1 Kɔrent 6:15

Haa jemɛ kɛŋɔ he bwadabii ɛ Yeesu Kristo bwadabii pera kɛɛ? Dɛ ɡɛɛ a do te naa, amɔ a chɛ kɛŋɔ ń kpɔ n bwadabii waa ɛ Yeesu bwadabii pera la ka bɔ jwamane aa? Akai! He bɛ ɡel a ba ɡɛ.