1 Kɔrent 4:17 - mzwDBL

¹⁷ A waa ɡela n tomɛ Timoti he be la. O ɛ n bie maa dɛ nyinu, wɛɛ no n deŋna waa Yeesu Kristo toma nɔ ta. Wɛɛ lii heyaa ɡɛ maa dɛ teŋɛ Yeesu Kristo waa la ta. Gɛ maa dɛ baɡle asɔrere ta bobɛlbwa laanee wɛɛ ba heyaa liira.

1 Kɔrent 4:17 Referans Kwoze

1 Timoti 1:2

N bie Timotii n chwerɛ tɔn nɔ dɛɛ tɛ. Menee bol Korowii Waa he no dɛ yarada, dɛ berɛ n bie a ta la. Ń Naa Korowii ne ya Dɔɔ Yeesu Kristo chae dɛ́ na he sum, dɛ́ tɛɛ bosɔɔhna.

1 Kɔrent 16:10

Timoti ba he be naa, hé lɛo kɛrɛdɛ ásɛ o sie lɛ. Korowii toma maa dɛ ɛ la, anee o ɡee ɛ.

1 Kɔrent 7:17

Korowiirii tɛ bɛlbwa o we-ɛɛla wɛɛ ɛ. Anomanta, a chɛ kɛŋɔ bɛlbwa ɛ ɡɛ Korowii aa leo dɛ tɛo ŋɔ wɛ́ɛ ɛ la. Gɛɛ mɛɛ bol asɔre tena baa lɔ bobɛlbwa la be.

2 Timoti 1:2

N bidɛɛɡe Timoti, n dɛ nae. Ń Naa Korowii ne ya Dɔɔ Yeesu Kristo chae, dɛ́ na he sum, dɛ́ tɛɛ bosɔɔhna.

1 Kɔrent 16:1

A ka suuɡa yaa dɛ nyin ya ta tɛ Korowii nɛra la. Hɛ́ɛ ɛ ɡɛ n fa aa ŋɔ asɔre tena baa lɔ Galaasia harɛ ta be ŋɔ báa ɛ la.

1 Kɔrent 14:33

dɛkalkɛŋɔ Korowii aa wesaɡasaɡare nyin. Deŋnesɔɔhnaa wɛɛ nyin. Gɛ baa dɛ ɛ asɔrere ta bobɛlbwa laanee.

Wepila 2:10

He bɛ wahala bɛlbwa haa ba na la ɔmɛ. Hɛ́ɛ no! Bɔnsam ɛɛ ɡeloo bá larawe he bane do dea, dɛ́ daah heyaa na. Hɛɛ na wahalaa kohona tɔpera fi. Dɛ seo bini kwara, he cheɡɛ kiŋkiŋ naa, mɛɛ tɛ heyaa mkpaa o ɛ kompoŋ haa yoa dɛ lɛ ba vɔwɛ heya.

1 Kɔrent 11:2

N dɛ kpɛɛ heyaa liira haa dɛ lii n waa bwa wobɛlbwa ta, dɛɛ teŋɛ waa Korowii aa baɡ mɛ asɛ n ɡe baɡle heyaa la ta.

1 Kɔrent 7:25

Korowii ta men nɛra baa wola yalɛ la waa baɡlɛ, kɛ o dɛ cha mɛ asɛ mɛɛ ɛ o toma kɛrɛdɛ. Anomanta, mɛɛ baɡle ɡɛ maa jemaa.

Wepila 2:13

N jemɛ bela haa soɡa. Bɔnsam soŋnibɔree he do la, kɛ dɛ ta che kiŋkiŋ. Hale ɡɛ saŋ ba fa aa kpo Antipas waa ɛ kasinteŋ te dɛ che tɛ mɛ he bwɛjen Bɔnsam soŋnibɔr bela la, he ta tɔeh kɛŋɔ haa men yarada.

2 Timoti 3:10

He Timoti te, he jemɛ waa maa dɛ baɡle la bwa, dɛ jemɛ n da, ne kon la waa maa dɛ koh, ne ɡɛ maa dɛ yarada Yeesu Kristo, ne ɡɛ maa won bambile lawa, ne ɡɛ maa dɛ nyin nɛn, ne ɡbemba maa dɔa.

2 Timoti 2:2

Waa la nɛra aa chema warɛ asɛ n bol he be la, bola baɡle nɛra ba wa aa dɔ kasinteŋ dɛ jemɛ kɛ ba ɡe ɛɛ wonoo kpɔ bol baɡle nɛra bane ɡe la.

Kolosi 4:9

O ne ya dɔŋ Onisemɔs o wa aa dɔ kasinteŋ yaa nyinu la bwaa mɛɛ tomɛ, ásɛ ba ba bol waa aa dɛ chiɡ bonɔ bwa he be. Onisemɔs te ɛ he bwɛɛ te.

Kolosi 1:7

Epafras bee he no Amanesoma la le. Ya ne o bwaa pɛa dɛɛ ɛ toma nɔ. O ɛ Yeesu Kristo bonɔɔ o wa aa dɔ kasinteŋ yaa nyinu kɛrɛdɛ. Ya naa taa o che dɛɛ cha heya.

Felepae 2:19

Dɛ ya Dɔɔ Yeesu sɛoh waa, mɛɛ tomɛ Timoti he bee taraken ó ba na heya, dɛ́ ba bol he waa n be ásɛ n baah sɔɔh mɛ.

Ɛfesos 6:21

Tichikos waa ɛ ya dɔŋ yaa nyinu kohona wɛɛ ɛ ya Dɔɔ toma kasinteŋ ne la, onee dɛ́ ba baɡle n toma waa bwa ne ɡɛ maa doa.

1 Kɔrent 11:16

Dɛ nomɛl dɛ tɔŋle ɡɛ waa nɔ naa, ó jemɛ kɛŋɔ ɡɛɛ ya ne asɔre tena bwa ɛɛ ɛ.

1 Kɔrent 4:15

Dɛ he dɔ nɛra ba warɛ pirim, dɛ won cha heyaa Yeesu Kristo ŋwɛnɛ ta naa, n ɡboo ta he mɛɛ. Menee tɔ sie bol Amanesoma la he be. A taa n che ɛ he mɛɛ Yeesu Kristo waa ta.

Matiu 25:23

Anee o dɔɔ la ŋɔ, ‘Jam, bonɔndɛɛɡe, kasinteŋ te! Tama nɔ haa kpɔ kasinteŋ ɛ a ne toma nɔ, mɛɛ kpɔe so andamanta nyoa. Ba puu mɛ so silɛɛ ta.’

Matiu 25:21

Anee o dɔɔ la ŋɔ, ‘Jam, bonɔndɛɛɡe, kasinteŋ te! Tama nɔ haa kpɔ kasinteŋ dɛ ɛ a ne toma nɔ, mɛɛ kpɔe so andamanta nyoa. Ba puu mɛ so silɛɛ ta.’

Matiu 24:45

Bonɔɔ waa dɔ kasinteŋ dɛ dɔ liire la nɔn taa o dɔɔ kpɔ o dem tena dɛɛ do, dɛ ŋɔ bɔr dɛ maɡre aa, ó tɛɛ ba kondikwa.

Sɛɡla 13:17

Torome o wa aa wola kasinteŋ dɔe laanee dɛɛ ba waa ne. Kɛ onɔ la o wa aa dɔ kasinteŋ te, o dɛ ba deŋnesɔɔhna ne.

Nɛra Kura 12:7

Gɛ laa n ne n bonɔɔ Mosis waa do. O waa dɔ kasinteŋ, n kpɔ n nɛra bwa do o nɔn ta.

1 Kɔrent 4:2

Waa aa chɛ nɛn baa kpɔ waa do o nɔn ta laanee kɛŋɔ o ɡel o waa dɔ kasinteŋ.

We-ɛɛla 16:1

Pɔɔl baa le Dɛɛbe ne Lestra dɛ ba na asɔre te bɛl baa dɛ yerɔ Timoti la bela. Dɛ o nya ɛ Juu te dɛɛ yarada Yeesu wa. Asɛ o mɛɛ te ɛ Grik te.

1 Kɔrent 4:14

N ta ɡɛ waa nɔ chwerɛ ba tɛ heyaa dɛ́ ɡel sihiih kpo heya, kɛ jae mɛɛ ja heya, haa ɛ n bidɛɛɡa maa dɛ nyin heyaa la nomanta.

1 Kɔrent 11:34

Dɛ lɔr dɛ kpo bɛl aa, ó di kwaa dem mɔɔ dɛ ba. He bɛ ya Dɔɔ kwaa la di ɡɛ aa wola chɛɛ kɛŋɔ he dia. Gɛ laa, Korowii baah ɛɛ di he nɛɛ. Anɔ la aa kaa la, n balaa, mɛɛ baɡle heyaa.

2 Kɔrent 8:18

Ya dɔŋ la asɔre tena bwa aa dɛ kpɛɛro Amanesoma la bola ta la, o ne Taetosee yaa tomɛ he be la.

Felepae 2:22

He ɡba jemɛ ɡɛ o waa aa dɔ kasinteŋ dɛ do wer. N ne o pɛo wɛɛ cha mɛ Amanesoma toma la ta kɛŋɔ bechala ne o mɛɛ.

1 Timoti 1:18

N bie Timoti, n dɔ waane dɛ́ bol he be, ásɛ he lawɛ a bini he Korowii toma ta. Gɛ ba fa aa cheɡɛ Korowii Domadɛɛɡe kpeɡri ta dɛ bol o toma waa tɛɛ kpeɡri hɛ́ɛ ɛ nɔ waa la, ɡɛ waa la tenten taa mɛɛ doe la. Anomanta, ɡel ɡɛ waa la doe ɡbemba ásɛ he won yo kɛrɛdɛ,

Taetos 1:5

N ɡele Kret harɛ ásɛ he tonɛ waa aa hiah kɛ he ɛ la bwa, dɛ́ cheɡ nomonome asɔrere aa lɔ bwɛɛre la bɛlbwa ta ɡɛ maa baɡle la.