1 Kɔrent 3:9 - mzwDBL

⁹ Korowiirii dɔ yaa, ya ne o pɛ dɛɛ ɛ toma. Asɛ he ɡe do kɛŋɔ o koo waa dɛ parɛ, ne o dea waa dɛ do.

1 Kɔrent 3:9 Referans Kwoze

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

2 Kɔrent 6:1

Ya ne Korowii bwa aa pɛa dɛɛ ɛ toma nɔ, ya dɛ soŋe heyaa kɛŋɔ Korowii aa na he sum dɛ cha heyaa nɔ, he bɛ ɡel a ɛ pɛɛ.

1 Kɔrent 3:16

Haa jemɛ kɛŋɔ he cheɡɔ tɛ Korowii Dea asɛ o Domadɛɛɡe la so he bini kɛɛ?

Amanesoma Mak Aa Chwera Tɔn 16:20

Asɛ o habɔteŋra la kaa bobɛlbwa dɛ kaa bol Korowii Waa la. Dɛ Korowii teŋɛ ba nɛɛ asɛ ba we-ɛɛla baa dɛ ɛ la ɡel nɛra jemɛ kɛŋɔ ba waa baa bola dɛɛ ɡaaɡe la ɛ kpela.

Matiu 9:37

Anee o kpɔ nɛra la maɡɛ konduula dɛ ŋɔ o habɔteŋra la be ŋɔ, “Koo kondikwaa la kan, kɛ tom-ɛɛra la lɔ tamaa ken dɛɛ ba a koma.

Aesaya 61:11

Gɛ konduuli yon pere harɛ dɛ le, dɛ kpeɡ la, ɡɛɛ Nemenɛ Korowii ɛɛ ba o nɛra lɛɛ, ásɛ harɛre nɛra bwa kpɛɛro.

1 Kɔrent 3:6

Ya fa do kɛŋɔ nɛra baa dɛ du kwaa dɛ do he bini. Menee dua, asɛ Apolos ɡe ka ba, dɛ ba do nee a ta. Korowiirii ɡela kwaa la le dɛ kpeɡ.

Kolosi 2:7

A taa aa ba cheɡa he won che kiŋkiŋ dɛ́ kpeɡ o waa la ta, dɛ́ won yarada o waa bwa kɛrɛdɛ ɡɛ baa baɡle heyaa la, dɛ́ɛ jam Korowii saŋ bɛlbwa.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

1 Kɔrent 6:19

Haa jemɛ kɛŋɔ he bwadabii ɛ Korowii Domadɛɛɡe la sobɔr kɛɛ? Korowii kpɔɔ tɛ heya, o so he nɛ. Anomanta, he laa dɔ he te. Korowiirii dɔ heya,

We-ɛɛla 4:11

Yeesu nɔ bwara waa ba baɡle Korowii Tɔn bini ŋɔ, ‘Bwe la he mamaala aa vɛoh dɛ liiru konsala laanee bera ba lawɛ dea la kpoŋe la.’

3 Jɔn 1:8

Anomanta, a wer kɛŋɔ ya cha nɛra baa dɛ ɛ a ɡɛ toma nɔ. Dɛ ya wono dɛɛ cha dɔŋa ɡɛ naa, dɛ Korowii kasinteŋ waa la tomaa ya bwa ɛɛ ɛ la.

1 Timoti 3:15

ásɛ dɛ n baa biɡri aa, tɔ́n nɔ baɡle ɡɛ aa chɛ kɛ yá banɔ la Korowii aa kpɔ yaa ɛ o dem tena nɔ so dɛɛ ɛ ya wa. Yanee Korowii waa lole saŋ bɛlbwa la toroma, o kpɔ o kasinteŋ waa la tɛ ŋɔ yá lawɛ a bini kpoŋe kiŋkiŋ, kɛ pila yon lawɛ dea kpoŋe la.

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

2 Kɔrent 6:16

Voɡa ɛɛ wonoo che Korowii Dea a maɡre aa? Ya bwadabii nɔɔ Korowii waa lole saŋ bɛlbwa la dea. Anee Korowii ɡbabir bol la. O bolɔ ŋɔ, “Mɛɛ ba so n nɛra bee, dɛ́ do ba baah, dɛ́ ɛ Korowii baa dɛ tom mɛ, ásɛ ba ɡe ɛ n nɛra.

Jeremia 2:21

He fa do kɛŋɔ ɡrepo da o dwee aa wera n kpɔ du. Ɛrɛɛ he berɛ habɔɔ kpo mɛ, dɛ berɛ dachɔɡa aa wola tɔnɔ bɛlbwa dɔe dɛ tɛ mɛ nɔɔ?

Yela 118:22

Bwe la mamaala aa vɛoh dɛ liiru konsala laanee bera ba lawɛ dea la kpoŋe la.

Yela 72:16

Gel boyu perɛ harɛ nɔ ta, ásɛ mea ɡe bu deŋɡarere bwa dor. Gel a ɛ kɛrɛdɛ kɛŋɔ anɔ la aa lɔ Lɛbanɔn harɛ bwejena dor, ásɛ nɛra ɡe su bwɛjena la ta, kɛŋɔ kpɔɡa aa lɔ koo ta ken.

Hibru 3:6

Kɛ Yeesu Kristo te kasinteŋ waa dɔa la, Korowii Bie on, asɛ o ɛ Korowii nɛra bwa nomoa. Ya yarada yaa dɔa Yeesu Kristo nɛɛ, ne hwɛɡa yaa dɔa ya sie lɛ a ta la, ya lawɛ a bini kpoŋe kiŋkiŋ naa, Yeesu Kristo nɛraa yan.

Matiu 16:18

Anomanta, n ŋɔ he sɔne Pita, o munii Bwe. Gɛ bwe nɔ taa mɛɛ ba n dea doe chɔŋɛ. N habɔteŋraa n dea la. Hale seo kwara aa wola won pɔ ba nɛɛ bwa.

Aesaya 61:5

Nɛŋhɔɔhra ɛɛ tomɛ heyaa, dɛɛ teɡɛ he peera, dɛ berɛ dɛɛ parɛ he kooni dɛɛ nyiŋi he daa kooni ta.

Aesaya 32:20

hɛɛ na somee, hɛɛ parɛ neerare nyoo, he kondɛɛra dɔ kpɔɡdɛɛɡa dɛɛ di.

Sɛɡla 9:1

Wejema do kɛ haah waa ma o dem, asɛ dɛ ɛ pilare anuanɛ do o ta.

Matiu 15:13

Anee Yeesu chaŋ ba ŋɔ, “Daa te bɛlbwa n Mɛɛ waa lɔ nyundua la aa wola on due la, baa huɡruu ta.