1 Kɔrent 2:9 - mzwDBL

⁹ A ɡɛ waa nɔ waa ba faa chwerɛ dɛ ŋɔ, “Waa nomɛlbwa aa wola a dɔŋa nae, nomɛlbwa aa wola a waa noɛ, nomɛlbwa ɡe aa wola an liire laanee Korowii ɛ cheɡ nɛra baa dɛ nyin o wa.”

1 Kɔrent 2:9 Referans Kwoze

Aesaya 64:4

Dɔɔ bɛlbwa toole ba nao o do kɛ hen Korowii, kɛɛ dɛ no wejena haa ɛa tɛ nɛra baa dɔ hwɛɡa he nɛ.

Yela 31:19

Nɛra baa dɛ ɔmɛ la, he kwaa kondɛɛɡa aa wera cheɡ ba. Nɛra baa chwaa baa marɛ la, he kpɔ waa aa wera dɛɛ tɛɛ ba.

Jems 1:12

He bini bɛlbwa waa takapɔ lawɛ bambile dɛ́ɛ na wahala la, o na som. Dɛ wenaale la kpoŋee la sie dɛ ba horɛ, kɛ he ta teŋɛ Korowii nɛɛ he bambile bwa ne naa, wɛɛ tɛɛ mkpa waa ŋɔa ŋɔ wɛɛ kpɔɔ tɛ nɛra baa dɛ nyinu laanee, á ɛ kompoŋ haa yoa dɛ le ba vɔwɛ.

Tɔn Pɔɔl Aa Chwerɛ Rom Tena 8:28

Ya jemɔ kɛŋɔ nɛra baa dɛ nyin Korowii la, wobɛlbwa aa puu ba la, o ɡelɔ a ɛ wedɛɛɡa dɛɛ tɛɛ ba. O tetooraa o lee ba ba ɛ o bii.

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.

Aesaya 65:17

Korowii ŋɔ, “Mɛɛ ta nyundufale ne harɛfalee. Haa webena a fa aa lole la waa lii kpa bwa.

Hibru 11:16

Kɛ ɡɛ laa a do. Harɛdɛɛɡe waa wera ɡwaa bela baa lea la waa baa lii. Harɛ waa lɔ nyundua waa baa lii. Anomanta, a ta Korowii sihiih ɛɛ kɛŋɔ baa dɛ yerɔ ba Korowii, dɛkalkɛŋɔ o kwaa bwɛɛ bɛl cheɡ ba.

Matiu 25:34

Belaa mɛɛ ba n ŋɔ banɔ la baa lɔ diɡ ta la be ŋɔ, ‘He banɔ n Mɛɛ aa swee andɛɛɡa tɛ heyaa la, hé ba di kora waa le harɛ mumpar dɛ kwaa cheɡ heyaa la,

1 Jɔn 4:19

Ya dɛ nyin dɔŋa, dɛkalkɛŋɔ Korowiirii tɔ sie nyin yaa.

Amanesoma Jɔn Aa Chwera Tɔn 3:16

Korowii dɛ nyin nɛwɛnyini taeh. A waa o ɡel men maa ɛ o Bibeŋkpoŋ ɡbo waa dɔɔ la ba harɛ nɔ ta, ásɛ nomɛlbwa waa yarada n waa la bɛ sewɛ, kɛ ó dɔ o mkpa aa wola jaɡa dɔe bwa la.

1 Pita 1:12

Korowii ɡelɔ a ɡɛ keamere la jemɛ kɛŋɔ ba koeh baa dɛ koh la, ba laa dɛ́ di a tɔnɔ, heyaa ba koh dɛɛ tɛ. Waa haa noa taraken dɛ le Amanesoma baa bola he be la ta la, ban fa bola. Korowii Domadɛɛɡe waa tomɔ ya be laanee cha ba ba bola he be la. Korowii nyundua toroma kwaraa dɛ nyin a ɡɛ waa nɔ dɛ́ jemɛ.

Matiu 20:23

Asɛ Yeesu berɛ ŋɔ, “A ɛ kasinteŋ kɛ hɛɛ nyɔ n tɛɡkpela nɔ dɔŋaa te, kɛ n ta kpeɡri dɔe dɛ́ kpɔ nɛn so n diɡ ne n ɡal ta. Banɔ la baa su n Mɛɛ siwi laanee dɛɛ ba bela dɔe dɛ́ so.”