1 Kɔrent 15:8 - mzwDBL

⁸ Menee ka mun nao. N do kɛŋɔ bechala o nya aa kpoŋe o tea o ta beɛ kɛrɛdɛ mɔɔ ba lolɔ la.

1 Kɔrent 15:8 Referans Kwoze

1 Kɔrent 9:1

N ta n te dɔe dɛɛ di n nyu aa? N ta Yeesu torome ɛɛ yaa? N ta ya Dɔɔ Yeesu nae yaa? He teŋa haa dɛ teŋɛ Yeesu nɛɛ nɔ le toma maa ɛa he bini ya Dɔɔ kpeɡri ta la.

We-ɛɛla 26:16

Ir che! N dɛ nyin n lee ásɛ he ɛ n bonɔɔ dɛ valɛ dɛɛ bol waa haa naa fini nɔ, ne anɔ la haa naa kerekere la nɛra be. A waa n kpɔ n te chaɡle la.

We-ɛɛla 22:18

N na n Dɔɔ Yeesu, asɛ o ŋɔ n be ŋɔ, ‘Le Jerusalam warane. N waa nɔ haa dɛ di a danseɛ nɔ, Jerusalam tena aa a noe ba.’

We-ɛɛla 18:9

Awola bɛl, Pɔɔl na wepila ane jwaana. O nao kɛŋɔ Korowii aa dɛ ŋɔ o be ŋɔ, “Bɛ dɛɛ ɔmɛ, dɛɛ bol n waa la nɛra be. Bɛ nyoa tɔ,

We-ɛɛla 9:17

Anomanta, Ananias kaa jo dem Sɔɔl aa lɔ o ta la ta, dɛ kpɔ o nɔɔra dawɛ o nɛɛ dɛ ŋɔ, “N dɔŋ Sɔɔl, ya Dɔɔ Yeesu ɡbaɡbaa tom mɛ he be. Onee kpɔ o te baɡle ɡɛ saŋ haa dɛ ba bonɔ la. O tom mɛ ŋɔ ń ba ásɛ he berɛ won dɛɛ na ja, ásɛ Korowii Domadɛɛɡe la ɡe so he nɛ.”

We-ɛɛla 22:14

Asɛ o ŋɔ, ‘Korowii ya naawa fa aa dɛ tomɔ la, onee lee tɛ o te ŋɔ hé jemɛ waa waa dɛ nyin, dɛ́ won no o Bidɛɛɡe la ɡbaɡba wobol, dɛ́ nao ɡe.

We-ɛɛla 22:6

Maa dɛ la dɛ ka tel Damaskɔs la, kerabeŋkpoŋ dɛ nii le nyundua dɛ chaah n nɛɛ kohona dɛ bar mɛ cheme. Dɛ wee cheɡɛ nyufala.

We-ɛɛla 26:12

Gɛ ŋwɛnɛ nɔ bɛlee n soŋe Sɔfonomonome be, asɛ ba tɛ mɛ kpeɡri ŋɔ ń la Damaskɔs.