1 Kɔrent 14:36 - mzwDBL

³⁶ He bee Korowii waa la che dɛ ba naa? He ɡboo no waa la aa?

1 Kɔrent 14:36 Referans Kwoze

1 Tesalonika 1:8

He bee ya Dɔɔ la waa che dɛ perɛ baah bela bwa. Bela tena ɡbo laa noa, kɛ yarada haa dɛ yarada Korowii la tel bobɛlbwa. Anomanta, a ta chɛ kɛŋɔ yá bol he waa nɛra be kpa.

1 Kɔrent 4:7

Umee ŋɔ he be ŋɔ he ɡwaa bane ɔ? Wobɛlbwa haa jema la, Korowiirii tɛɛ. Bɛ nyoa dɛɛ ta a do kɛŋɔ Korowii laa kpɔ waa haa jema la kɛɛ.

We-ɛɛla 17:15

Nɛra la baa tɔ Pɔɔl sie dɛɛ kaa o ne la, ba la o ne ka tel Atens, dɛ berɛ kaa Bɛrea. Baa dɛ kaa la, Pɔɔl ŋɔ ba be ŋɔ bá ka ŋɔ Silas ne Timoti be ásɛ ba ba o be warane.

We-ɛɛla 17:1

Pɔɔl ne Silas aa ira dɛɛ kaa la, ba kaa kpɔ bwɛɛre ane baa dɛ yera Amfepɔles ne Apolonia ta dɛ ka le Tesalonika. Dɛ Tesalonika Juu tena dɔ cheremi dea bela.

Sekaria 14:8

Awola tɔpere la, nedɛɛɡe ɛɛ palɔɔ le Jerusalam, o pera kaa Yar Mpo ta, o pera berɛ kaa Mɛdetereenea Mpo ta bɔwɔb ne waa saŋ bwa.

Aesaya 2:3

Nɛra ɛɛ warɔɔ dɛ́ ka ŋɔ, “Hé ba ya kaa Korowii Saayɔn Bwejen la doa Jerusalam, Korowii Jekɔb aa tomɔ la Dea. Wɛɛ baɡle yaa o ŋwɛnɛree, ásɛ yaa valɛ o webaɡla ta.” Saayɔn Bwejen taa o Mmarare ɛɛ ba lee, bá bol baɡle o nɛra Jerusalam bela.

1 Kɔrent 14:35

Dɛ haahna la dɛ nyin waane bɔɔra aa, bá la dem mɔɔ dɛ́ ka bɔɔ ba jaranar. A ta maɡrɛ kɛŋɔ haah bol waa asɔre dea bela.

1 Kɔrent 14:37

He banɔ la haa dɛ bol ŋɔ he won Korowii kpeɡri ta cheɡa dɛ́ bol o waa la, kɛɛ he dɔ Korowii Domadɛɛɡe la, hé jemɛ kɛŋɔ waa maa chwera ba tɛ heyaa la ɛ Korowii Mmara.